شمالی کوریا کا ایٹمی طاقت کے مظاہرے کا عزم     No IMG     عراق کے دارالحکومت بغداد میں خودکش حملے کے نتیجے میں 19 افراد جاں بحق     No IMG     جرمنی کے وزير خارجہ نے اعلان کیا ہے کہ یورپی یونین کے رکن ممالک مشترکہ ایٹمی معاہدے کی حمایت پر متحد اور متفق ہیں۔     No IMG     ایران کو شام میں فوجی بیس بنانے کی اجازت نہیں دیں گے,اسرائیل کے وزير اعظم     No IMG     مقبوضہ کشمیر، یاسین ملک کی مسلسل غیر قانونی نظر بندی کی سخت مذمت کرتے ہوئے عالمی ریڈ کراس کمیٹی سے اپیل     No IMG     سابق وزیراعظم نواز شریف نے چئیرمین نیب جسٹس (ر) جاوید اقبال کو توہین آمیز پریس ریلیز جاری کرنے پر قانونی نوٹس بھجوا دیا۔     No IMG     قونصل جنرل عائشہ فاروقی نے جیل میں ڈاکٹرعافیہ صدیقی سےملاقات     No IMG     پی ٹی آئی چئیرمین نے بڑا فیصلہ کر لیا ، اب پی ٹی آئی میں شمولت اختیار کرنا آسان نہ ہو گا     No IMG     پاکستان میں تھری اور فور جی صارفین کی تعداد 5 کروڑ46 لاکھ ہو گئی،     No IMG     سابق وزیراعظم نواز شریف نے احتساب عدالت میں اپنے نکالنے کی 4 بڑی وجوہات بتادیں     No IMG     حافظ آباد میں کپڑے کی فیکٹری میں آگ لگ گئی     No IMG     پی ٹی آئی کے اعلیٰ عہدے داروں کی پریم کہانی شروع ہو گئی     No IMG     امريکا نے 5 ايرانی اہلکاروں پر پابندی عائد کر دی     No IMG     موجودہ حکومت نے دہشت گردی ، عسکریت پسندی اور توانائی بحران کو حل کیا ، ملکی معیشت کو مستحکم کردیا, لیفٹیننٹ جنرل (ر) عبدالقیوم     No IMG     پی ٹی آئی گزشتہ 5 سالوں میں خیبرپختونخوا میں ڈلیور کرنے میں بری طرح ناکام ہوئی، مائزہ حمید     No IMG    

یوکے

  • لندن میں چاقو کے ایک اور حملے میں 20 برس کے نوجوان کو قتل کردیا

     لندن  ( ورلڈفاسٹ نیوزفاریو ) میں چاقو کے ایک اور حملے میں 20  برس کے نوجوان کو قتل کردیا گیا ۔  یہ واقعہ جنوبی لندن کے علاقے میچم میں پیش آیا، پولیس نے نوجوان کی شناخت جاری نہیں کی ، لندن میں صرف پانچ مہینوں کے دوران 37  افراد صرف چاقو کے وار سے ہلاک ہوچکے ہیں۔

  • لندن جمائمہ کے بھائی زیک گولڈ سمتھ نے فلسطینیوں کا قتل عام جائز قرار دے دیا

    لندن( ورلڈفاسٹ نیوزفاریو ) لندن کی میئرشپ کے حصول میں ناکام رہنے اورموجودہ میئر صادق خان کے ہاتھوں بری شکست سے دوچارہونے والے برطانوی سیاست دان زیک گولڈ سمتھ نے فلسطینیوں کی شہادت پر ان سے اظہار ہمدردی کے بجائے الٹا انہی کو قصوروار

    قرار دے دیا۔

    عمران خان کی سابق اہلیہ جمائما گولڈ اسمتھ کے بھائی زیک گولڈ اسمتھ امریکی سفارتخانہ مقبوضہ بیت المقدس منتقل ہونے پراتنے خوش اورشاداں ہیں کہ انسانی اقدارکوہی بھول گئے اوراپنی دلی کیفیت کوچھپانے میں ناکام ہوگئے۔

    انھوں نے سماجی رابطوں کی ویب سائٹ ٹوئٹر پراپنے جذبات کو منتقل کرتے ہوئے فلسطینیوں کی شہادتوں پرنمک پاشی کی ہے۔

  • برطانوی نژاد پاکستانی شہری جبار ریاض وورسسٹر کے مئیر منتخب

    لندن ( ورلڈفاسٹ نیوزفاریو ) دنیا بھر میں کوئی بھی شعبہ ہو پاکستانی نوجوان ہمیشہ ہی اپنی صلاحیتوں کا لوہا منوا کردنیا بھر میں ملک کا نام روشن کردیتے ہیں۔ حال ہی میں ایک برطانوی نژاد پاکستانی شہری جبار ریاض وورسسٹر کے مئیر منتخب ہوئے۔ میڈیا رپورٹس کے مطابق

    40 سالہ جبار ریاض نے بطورڈپٹی مئیر اپنی خدمات 2017ء سے 2018ء تک پیش کیں، جبار ریاض کا تعلق آزاد کشمیر پاکستان سے ہے، انہوں نے اپنے سیاسی کیرئیر کا آغاز برطانوی کنزرویٹو پارٹی سے کیا۔اور 2010ء میں کونسلر منتخب ہوئے، لیکن 2013ء میں انہوں نے اس وقت کے وزیر اعظم ڈیوڈ کیمرون سے کچھ اختلافات پر پارٹی چھوڑی اور لیبر پارٹی میں شامل ہو گئے۔ جبار ریاض کو کم عمر ترین مئیر ہونے کا اعزاز حاصل ہے۔ یہ پہلی مرتبہ نہیں ہے کہ کوئی پاکستانی شہری مئیر شپ کے عہدے پر فائز ہوا ہے بلکہ اس سے قبل 2004ء میں کنزرویٹو پارٹی کے پاکستانی نژاد برطانوی شہری اللہ دتہ بھی مئیر منتخب ہو چکے ہیں۔مئیر منتخب ہونے پر جبار ریاض نے تمام لوگوں کا شکریہ ادا کیا، جبار ریاض کی اہلیہ ساجدہ بیگم کا کہنا تھا کہ جبار کی کامیابی ان کی مسلسل محنت کا نتیجہ ہے۔ انہوں نے کہا کہ مسلم کمینوٹی کی نمائندگی کرنا ایک اعزاز ہے اور جبار اس شہر کے دوسرے مسلمان مئیر ہیں۔ جبار ریاض کے والد محمد ریاض نے کہا کہ چونکہ نوجوانوں کا مستقبل اس شہر اور اس ملک میں ہے لہٰذا ہمیں چاہئیے کہ ہم مزید نوجوانوں کی مقامی سیاست میں آنے کے لیے حوصلہ افزائی کریں، نوجوانوں کو برطانوی پارٹیوں میں شمولیت اختیار کرنی چاہئیے تاکہ وہ آگے چل کر اس ملک اور مسلم کمیونٹی کے لیے کام کر سکیں، جبار ریاض کا کہنا ہے کہ میرا صرف ایک ہی نعرہ ہے کہ نفرت کو نہیں بلکہ پیار کو فروغ دینا چاہئیے۔

  • معصوم، بے گناہ کشمیریوں، معصوم بچوں، عورتوں اور بزرگوں کے ساتھ غیر انسانی سلوک المی برادری مسئلہ کشمیر کو حل کرانے میں اپنا کردار ادا کرے،عارف مغل

    لندن( ورلڈفاسٹ نیوزفاریو ) دنیا کے بدلتے ہوئے حالات کو مدنظر رکھتے ہوئے عالمی برادری مسئلہ کشمیر کو حل کرانے میں اپنا کردار ادا کرے۔ معصوم، بے گناہ کشمیریوں، معصوم بچوں، عورتوں اور بزرگوں کے ساتھ غیر انسانی سلوک پر بھارت کو پابند کیا جائے کہ وہ کشمیریوں پر انسانیت سوز مظالم سے باز رہے۔ 70 سال سے کشمیری اپنا حق خودارادیت مانگ رہے ہیں انہیں ان کا حق آزادی دیا جائے۔ اقوام متحدہ کی قراردادوں کے مطابق مسئلہ کشمیر حل ہونا چاہئے۔ تمام اسلامی اور غیر اسلامی ممالک کا یہ فرض ہے کہ وہ معصوم کشمیریوں پر ڈھائے جانے والے غیر انسانی مظالم بند کرواکر انڈیا گورنمنٹ پر دباؤ ڈالے کہ وہ مذاکرات کی میز پر آکر کشمیریوں کو حق خودارادیت دے۔ اس طرح پاکستان اور ہندوستان دو ایٹمی طاقتوں کے درمیان تناؤ کم ہوگیا ورنہ عالمی امن کے تباہ ہونے کا خطرہ موجود ہے۔ پاکستان پی پی کشمیر کمیٹی یو کے عالمی عدالت انصاف سے بھی جلد رجوع کرے گی اور کشمیریوں کے ساتھ ہونے والی زیادتیوں، بچوں، عورتوں کے ساتھ غیر انسانی سلوک پر عالمی عدالت میں کشمیریوں کا کیس جلد پیش کریں گے۔ ہم پوری دنیا کی انسانی حقوق کی تنظیموں سے گزارش کرتے ہیں وہ مسئلہ کشمیر حل کرانے میں کشمیریوں کی مدد کریں۔پی پی پی کشمیر کمیٹی یو کے محسن باری صدر پی پی پی یو کے محمد اظہر اقبال بڑالوی جنرل سیکرٹری پی پی پی کی قیادت میں مسئلہ کشمیر حل کرانے کے لئے جلد ہی اپنے اگلے لائحہ عمل کا اعلان کرے گی۔ عارف مغل نے مزید کہا کہ یو کے میں تمام پاکستانی اور کشمیری تنظیموں کو ایک پلیٹ فارم پر اکٹھا کرکے مسئلہ کشمیر کو بہترین طریقے سے عالمی سطح پر اُجاگر کیا جائے گا۔ لاکھوں کشمیریوں، بچوں، عورتوں، نوجوانوں، بزرگوں کی قربانیاں رائیگاں نہیں ہونگی۔ مسئلہ کشمیر کا حل جلد نکلنا چاہئے تاکہ کشمیری جو 70 سال سے آزادی کے لئے لڑ رہے ہیں اب یہ سلسلہ بند ہونا چاہئے ان کو انکا حق ملنا چاہئے۔ان خیالات کا اظہار ایک پریس کانفرنس میں کیا گیا۔ اس موقع پر سینئر وائس چیئرمین کشمیر کمیٹی شبر رضا، چوہدری احمد رضا ڈپٹی سیکرٹری کشمیر کمیٹی، ڈاکٹر پرویز شیخ، شاہد چوہدری بھی موجود تھے۔

  • مانچسٹر:یوکے اسلامک مشن کی خضرا مسجد و کمیونٹی سنٹر مانچسٹر میں NHSکے زیر انتظام خون کا عطیہ دینے کی مہم

    مانچسٹر(ورلڈ فاسٹ نیوز فاریو.یوکے):یوکے اسلامک مشن کی خضرا مسجد و کمیونٹی سنٹر مانچسٹر میں NHSکے زیر انتظام خون کا عطیہ دینے کی مہم میںخضرا مسجد یو کے اسلامک مشن و کیمونٹی سنٹر مانچسٹر میں این۔ ایچ ۔ایس کے زیر انتظام خون کے عطیہ کی مہم کا آغاز دوپہر سے شروع ہو جو شام گئے تک جاری رہا۔ بین الاقوامی ماہرین کے مطابق دنیا بھر میں سالانہ دس کروڑ سے زائد افراد خون کا عطیہ دیتے ہیں۔ماہرین کا کہنا ہے کہ خون کا عطیہ کرنے سے انسان تندرست اور بیشمار بیماریوں سے محفوظ رہتا ہے۔خون کا عطیہ دینے سے کینسر کا خطرہ کم ہوتا ہے۔خون کی روانی میں بہتری آتی ہے۔دل کے امراض لاحق ہونے کا خطرہ کم ہوتا ہے۔اور کیلوریز جسم سے زائل ہوتی ہیں۔خون کا عطیہ دینے سے قبل وافر مقدار میں پانی پینا از حد ضروری ہے۔خون دینے سے پہلے مناسب ناشتہ لازمی کیجیے تاکہ آپ کے خون میں شوگر کا تناسب برقرار رہے۔ہر انسان کے بدن میں تین بوتل اضافی خون کا ذخیرہ ہوتا ھے۔ہر تندرست فرد ہر تیسرے مہینے خون کی ایک بوتل دے سکتا ہے۔یو کے اسلامک مشن کے کئی سینئر عہدے داروں کے علاہ علاقہ بھر سے آئے ہوئے افراد نے خون کا عطیہ دیا۔یو کے اسلامک مشن کے صدر سکندر مرزا،سینئر نائب صدر میاں عبد الحق،نائب صدر ضیا الحق،نارتھ زون کے صدر افضال ملک و مرکزی رہنمائوں نے تمام عطیہ دینے والے افراد کا شکریہ ادا کیا اور انکے اس نیک و خیر کے جذبے کو سراہتے ہوئے خراجِ تحسین پیش کیا۔

  • لندن, ریلوے اسٹیشن کے باہر فائرنگ میں ایک شخص ہلاک اور ایک زخمی ہوگیا۔

    لندن ( ورلڈ فاسٹ نیوز فار یو .یوکے) کے کوئینز بری ریلوے اسٹیشن کے باہر فائرنگ میں ایک شخص ہلاک اور ایک زخمی ہوگیا۔

    لندن کے شمال مغربی علاقے میں فائرنگ کی اطلاع پر جب مقامی پولیس وہاں پہنچیتو ریلوے اسٹیشن کے باہر ایک شخص کی لاش ملی ،جبکہ ایک اور شخص زخمی حالت میں وہاں موجود تھا جسے فوری طور پر اسپتال منتقل کر دیا گیا۔

    پولیس نے معاملے کی تحقیقات کا آغاز کردیا ہے، ابھی تک کوئی گرفتاری عمل میں نہیں آئی ہے

  • ایران کے حوالے سے اسرائیلی دعووں کی مکمل انداز میں تصدیق کی جانا چاہیے,برطانوی وزیر خارجہ

    برطانوی( ورلڈ فاسٹ نیوز فار یو )  وزیر خارجہ بورس جانسن نے کہا ہے کہ ایران کے حوالے سے اسرائیلی دعووں کی مکمل انداز میں تصدیق کی جانا چاہیے۔ یورپی یونین نے بھی کہا ہے کہ اسرائیلی وزیر اعظم اپنے دعووں کا ثبوت پیش نہیں کر سکے۔

    برطانوی وزیر خارجہ بورس جانسن نے کہا ہے کہ ایران کے حوالے سے  اسرائیلی دعووں کی مکمل انداز میں تصدیق کی جانا چاہیے۔ بورس جانسن کے بقول ایران کی جوہری صلاحیت کے بارے اسرائیلی وزیر اعظم بینجمن نیتن یاہو کے انکشافات کے بعد جوہری معاہدے پر عمل درآمد اور بھی ضروری ہو گیا ہے کیونکہ اس طرح تہران کو اس کے جوہری ارادوں سے باز رکھنا ممکن ہو گا۔

    اسرائیلی وزیر اعظم نیتن یاہو نے گزشتہ روز ان کے بقول ایسی خفیہ جوہری دستاویزات پیش کی تھیں، جن کا تعلق ایران کی جانب سے خفیہ طور پر جوہری ہتھیار سازی سے تھا۔

    دوسری طرف یورپی یونین کے خارجہ امور کی سربراہ فیدیریکا موگیرینی نے کہا ہے کہ اسرائیلی وزیر اعظم بینجمن نیتن یاہو ابھی تک اپنے ان الزامات کے حق میں کوئی ثبوت پیش نہیں کر سکے کہ ایران عالمی طاقتوں کے ساتھ اپنے جوہری معاہدے کی خلاف ورزی کا مرتکب ہوا ہے۔

    فیدریکا موگیرینی نے کہا کہ تہران جوہری ہتھیاروں سے متعلق اپنا پروگرام ترک کر چکا ہے اور بین الاقوامی ایٹمی توانائی ایجنسی کی طرف سے معائنوں کی صورت میں خود پر عائد ہونے والی ذمے داریاں بھی پوری کر رہا ہے۔ انہوں نے کہا کہ ایٹمی توانائی کا عالمی ادارہ اپنی ایسی کئی رپورٹیں جاری کر چکا ہے، جن کے مطابق ایران جوہری ڈیل کے تمام حصوں پر پوری طرح عمل درآمد کر رہا ہے۔

  • برطانیہ میں ساجد جاوید پہلے مسلمان وزیر داخلہ مقرر

    لندن (ورلڈ فاسٹ نیوز فار یو .یوکے ) پاکستانی نژاد برطانوی رکن پارلیمنٹ ساجد جاویدکو برطانیہ کا پہلے مسلمان وزیر داخلہ مقرر کر دیا گیا۔ تفصیلات کے مطابق ساجد جاوید2010 سے رکن برطانوی پارلیمنٹ ہیں،انہیں امبررڈ کے مستعفی ہونے پروزیر داخلہ مقررکیاگیاہے۔

    ساجدجاویدکے آباو¿اجدادکاتعلق پنجاب کے شہرساہیوال سے ہے،ان کے والد لندن میں بس ڈرائیور تھے،ساجد جاوید اس سے قبل وزیربرائے کمیونیٹیزتھے،پاکستانی نژاد ساجد جاوید اپنی اہلیہ لارااور4بچوں کےساتھ ووسٹرشائرمیں رہائش پذیرہیں
    واضح رہے کہ سابق وزیر داخلہ امبررڈ کے مستعفی ہونے پرساجد جاوید کو وزیر داخلہ مقررکیاگیاہے، امبررڈنے امیگریشن سے متعلق حقائق چھپانے پرتنقیدکے بعداستعفیٰ دیاتھا۔

  • برطانوی وزیر داخلہ نے مہاجرتی پالیسیوں پر ہونے والی شدید تنقید کے بعد عہدے سے استعفی دیدیا

    لندن(ورلڈ فاسٹ نیوز فار یو  یوکے )  برطانوی وزیر داخلہ امبر رود نے اپنی مہاجرتی پالیسیوں پر ہونے والی شدید تنقید کے بعد عہدے سے استعفی دیدیا ہے۔ برطانوی وزير اعظم کے ایک ترجمان نے کہا ہے کہ وزیر اعظم تھریسا مے نے ان کا استعفی منظور کرلیا ہے۔

  • برطانيہ، جرمنی و فرانس ايران کے ساتھ جوہری ڈيل پر متفق

    برطانيہ، (ورلڈ فاسٹ نیوز فار یو)  جرمنی اور فرانس نے ايران کے ساتھ جوہری معاہدے کی حمايت کی ہے تاہم ان کے مطابق ايران کے بيلسٹک ميزائل پروگرام اور مشرق وسطیٰ ميں عدم استحکام پھيلانے ميں منفی کردار کی روک تھام کے ليے ڈيل ميں تراميم بھی درکار ہيں۔

    برطانوی وزير اعظم ٹيريزا مے کے دفتر سے انتيس اپريل کو جاری کردہ مشرکہ بيان ميں کہا گيا ہے کہ برطانيہ، جرمنی و فرانس کی اعلی قيادت اس پر متفق ہے کہ تہران حکومت کو جوہری ہتھياروں کے تعاقب سے دور رکھنے کے ليے موجودہ معاہدہ انتہائی کارآمد ہے۔

    اس بيان کے اجراء سے قبل برطانوی وزير اعظم نے فرانسيسی صدر امانوئل ماکروں اور جرمن چانسلر انگيلا ميرکل سے بذريعہ ٹيلی فون بات چيت کی تھی۔ اس گفتگو ميں تين رہنماؤں نے اس بات پر اتفاق کيا ہے کہ گو کہ جوہری معاہدہ ہی سب سے بہتر حل ہے تاہم اس کے دائرہ کار ميں ترميم و توسيع کی ضرورت ہے۔ لندن سے جاری ہونے والے بيان کے مطابق يہ طے کيا جانا لازمی ہے کہ چھ عالمی طاقتوں کے ايران کے ساتھ معاہدے کی مدت کے خاتمے کے بعد کيا ہو گا۔ علاوہ ازيں معاہدے ميں ايران کے بيلسٹک ميزائل پروگرام کے انسداد اور خطے ميں عدم استحکام پھيلانے ميں ايران کے مبينہ کردار جيسے مسائل کا حل تلاش کيا جانا بھی ناگزير ہے۔

    برطانوی وزير اعظم کے دفتر سے جاری کردہ بيان کے مطابق تينوں ممالک ايران سے لاحق خطرات اور چيلنجز سے نمٹنے کے ليے امريکا کے ساتھ مل کر کام کرنے کے ليے پر عزم ہيں۔

    يہ پيش رفت ايک ايسے وقت ہوئی ہے جب وہ ڈيڈ لائن قريب ہی ہے جب امريکی صدر ڈونلڈ ٹرمپ نے ايران کے ساتھ ڈيل پر عملدرآمد کو جاری رکھنے يا اسے ترک کرنے کے بارے ميں فيصلہ کرنا ہے۔ صدر ٹرمپ مئی ميں يہ فيصلہ کرنے والے ہيں کہ متنازعہ جوہری سرگرميوں کو ترک کرنے کے بدلے ميں ايران پر سے ہٹائی گئی اقتصادی پابنديوں کو بحال کيا جائے يا نہيں۔ ڈونلڈ ٹرمپ سن 2015 ميں طے پانے والے معاہدے کو کئی مرتبہ تنقيد کا نشانہ بنا چکے ہيں۔