امریکی صدر شیر کی دم کے ساتھ کھیلنا ترک کردے ۔ مزاحمت یا تسلیم کے علاوہ کوئي اور راستہ نہیں۔     No IMG     افریقی ملک مراکش کی عدالت نے ایک بچی کی اجتماعی عصمت ریزی کے گھناؤنے واقعے کی اعلیٰ سطحی تحقیقات شروع     No IMG     دوست کو چاقو کے وارسے قتل کرنے والی حسینا کو سزائے موت     No IMG     بہاولپور جلسے میں کم تعداد پر عمران خان برہم لیکن پارٹی عہدیداران نے ایسی بات بتادی کہ کپتان کیساتھ جہانگیر ترین بھی حیران پریشان     No IMG     اکرام گنڈا پور کے قافلے پر خود کش حملہ، ڈرائیور شہید، تحریک انصاف کے امیدوار اور 2 پولیس اہلکاروں سمیت 6 افراد زخمی     No IMG     پاکستان اچھا کھیلاہم بہت براکھیلے،زمبابوین کھلاڑی کا اعتراف     No IMG     پاکستان سمیت دنیا بھر میں28 جولائی کو مکمل چاند گرہن ہوگا     No IMG     حنیف عباسی کا فیصلہ انصاف کے اصولوں پر مبنی نہیں , شہباز شریف     No IMG     سعودی عرب غیر ملکی ٹرک ڈرائیوروں پر پابندی سے ماہانہ 200ملین ریال کا نقصان ہوگا     No IMG     امریکہ میں کال سینٹر اسکینڈل میں ملوث 21 بھارتی شہریوں کو20 سال تک کی سزا     No IMG     اسرائیی حکومت نے القدس میں سرنگ کی مزید کھدائی کی منظوری دے دی     No IMG     ویتنام کے شمالی علاقوں میں سمندری طوفان سے 20 افراد ہلاک اور14 زخمی ہوگئے     No IMG     شیخ رشید کا کہنا ہے کہ حنیف عباسی کو عمر قید کی سزا ملنے سے اب این اے 60 راولپنڈی کا الیکشن یکطرفہ ہو جائے گا     No IMG     حنیف عباسی نے انسداد منشیات عدالت کی جانب سے دی گئی عمرقید کو ہائیکورٹ میں چیلنج کرنے کا اعلان     No IMG     اسرائیل کے مجرمانہ حملوں میں 4 فلسطینی شہری شہید     No IMG    

افریقہ

  • افریقی ملک مراکش کی عدالت نے ایک بچی کی اجتماعی عصمت ریزی کے گھناؤنے واقعے کی اعلیٰ سطحی تحقیقات شروع

     مراکش( ورلڈفاسٹ نیوزفاریو)  کی عدالت نے ایک بچی کی اجتماعی عصمت ریزی کے گھناؤنے واقعے کی اعلیٰ سطحی تحقیقات شروع کی ہیں۔

    بچی کو شیطان صفت چار طلباء کے ایک گروپ نے المحمدیہ کے مقام پر قائم فرانسیسی ہائی کمیشن کے زیراہتمام اسکول میں مبینہ طورپر گینگ ریپ کا نشانہ بنایا۔

    آن لائن اخبار ’ہیس پریس‘ کے مطابق ملزمان پر بچی کو گینگ ریپ کا نشانے کی فرد جرد عاید کردی گئی ہے۔ چاروں طلباء کلوڈ مونی فاؤنڈیشن کے اسکول میں زیرتعلیم تھے جہاں زیاتی کا شکار ہونے والی بچی بھی زیرتعلیم ہے۔ فرد جرم میں ملزمان پر بچی کو ورغلانے، دھمکیوں کے ذریعے اسے جنسی تشدد کا نشانہ بنانے اور سنگین جرائم کے مرتکب ہونے کے الزامات عاید کیے گئے ہیں۔

    اخباری رپورٹ کے مطابق بچی کی ماں کا کہنا ہے کہ اس کی بیٹی کی عمر صرف تیرہ سال ہے۔ بچی کو اجتماعی زیادتی کا نشانہ بنانے والے افراد با اثر ہیں اور انہیں بچانے کے لیے المحمدیہ کے علاقے کے سرکردہ حکام بھی سرگرم ہیں۔ با اثر لوگوں کی طرف سے ان کے خاندان اور بچی پر ملزمان کے خلاف عدالتی کارروائی سے دست بردار ہونے کے لیے دباؤ ڈالا جا رہا ہے۔

    بچی کی ماں کا کہنا ہے کہ جرم کے مرتکب ملزم اس کی بچی کو اسکول کے قریب ایک ویران عمارت میں لے گئے جہاں اسے اجتماعی زیادتی کا نشانہ بنانے کے ساتھ اس کی تصاویر اور ویڈیو بنائیں اور اسے بلیک میل کرنے کی کوشش کی۔

     

  • نائجیریا کی پولیس نے 20 دہشت گردوں کو گرفتار کرلیا

    نائجیریا( ورلڈفاسٹ نیوزفاریو) کی دہشت تنظیم بوکوحرام  کے 20 دہشت گردوں کو گرفتار کرلیا ہے۔ اطلاعات کے مطابق یہ دہشت گرد 2014 میں نائجیریا کی درجنوں طالبات کے اغوا میں ملوث تھے۔ بوکوحرام نے سن

     

    2000 میں اپنی موجودگی کا اعلان کیا تھا۔ اور 2009 میں اس نے دہشت گردانہ کارروائیوں کا آغاز کیا جس میں اب تک 20 ہزآر افراد مارے گئے ہیں۔

  • لیبیا میں غیرقانونی طریقے سے یورپ منتقلی کی کوشش کے دوران بند کنٹینر میں دم گھٹنے سے کم سے کم8 تارکین وطن ہلاک اور 90 بے ہوش

     لیبیا( ورلڈفاسٹ نیوزفاریو)  میں غیرقانونی طریقے سے یورپ منتقلی کی کوشش کے دوران بند کنٹینر میں دم گھٹنے سے کم سے کم8 تارکین وطن ہلاک اور 90 بے ہوش ہوگئے تاہم دیگر کو بچالیا گیا ہے۔ لیبیا کے زواری شہر کے ڈائریکٹوریٹ سیکیورٹی کی طرف سے جاری ایک بیان میں بتایا گیا کہ پولیس نے ایک بڑے کنٹینر کی تلاشی لی جس میں 100 غیرقانونی تارکین وطن ٹھونسے ہوئے تھے۔ کنٹینر میں ڈیزل کے کئی گیلن بھی رکھے گئے تھے۔ یہ فریزر نما کنٹینر مردہ مچھلیوں اور گوشت کی منتقلی کے لیے استعمال کیا جاتا تھا۔حکام کا کہنا تھا کہ طویل وقت کنٹینر میں بند رہنے کے باعث دم گھٹنے سے 6بچوں اور ایک خاتون سمیت 8 افراد جاں بحق ہوگئے ۔ دیگر بے ہوش افراد کو علاج کے لیے ہسپتالوں میں منتقل کر دیا گیا ہے۔

  • مصر کے دارالحکومت قاہرہ کے ایئرپورٹ کے قریب زوردار دھماکہ

    قاہرہ ( ورلڈفاسٹ نیوزفاریو) مصرکے دارالحکومت قاہرہ کے ایئرپورٹ کے قریب زوردار  دھماکہ ہوا ہے جس کے نتیجے میں بڑے پیمانے پر آگ لگ گئی ہے۔ مصری حکومت نے دھماکہ ہونے اور وسیع پیمانے پر آگ لگنے کی تصدیق کرتے ہوئے قاہرہ کے بین الاقوامی ايئر پورٹ سے تمام پروازیں تا اطلاع ثانوی منسوخ کردی ہیں۔مصری فوج کے ترجمان کے مطابق ایئرپورٹ کے قریب ایک کیمیائی مواد کی فیکٹری میں دھماکہ ہوا ہے جس کے نتیجے میں 12 افراد زخمی ہوئے ہیں۔

  • مصر کے وزير خارجہ نے قطری حکام کو شدید تنقید کا نشانہ بناتے ہوئے کہا ہے کہ قطر دہشت گردوں کی حمایت جاری رکھے ہوئے ہے اور بےگناہ افراد کا خون بہانے میں مصروف ہے

     مصر(ورلڈفاسٹ نیوزفاریو) کے وزير خارجہ سامح شکری  نے قطری حکام کو شدید تنقید کا نشانہ بناتے ہوئے کہا ہے کہ قطر دہشت گردوں کی حمایت جاری رکھے ہوئے ہے اور بےگناہ افراد کا خون بہانے میں مصروف ہے۔ مصری وزیر خآرجہ نے کہا کہ قطر نے علاقائی اقوام اور خطے کو زبردست نقصان پہنچایا ہے۔ مصری وزیر خارجہ نے کہا کہ  مصر، سعودی عرب، بحرین اور امارات کی طرف سے قطر کے خلاف اقتصادی اور سیاسی پابندیوں کا سلسلہ جاری رہےگا۔

  • تیونس میں وہابی دہشت گردوں کے حملے میں 9 فوجی ہلاک ہوگئے

    تیونس (ورلڈفاسٹ نیوزفاریو) میں دہشت گردوں کے حملے میں 9 فوجی ہلاک ہوگئے ہیں۔ اطلاعات کے مطابق تیونس کے شمال مغرب میں وہابی دہشت گردوں نے کمین لگا کر تیونس کے 9 فوجیوں کو ہلاک کردیا ہے۔ ذرائع کے مطابق غار الدماء علاقہ میں تیونس کے فوجی گشت پر مامور تھے جنھیں  دہشت گردوں نے چھپ کر حملے کا نشانہ بنایا ۔ اس حملے میں 9 فوجی ہلاک ہوگئے۔

  • افریقی ملک کیمرون میں بس دریا میں گرنے کے نتیجے میں 30 افراد ہلاک

    افریقی ملک کیمرون(ورلڈفاسٹ نیوزفاریو) میں بس دریا میں گرنے کے نتیجے میں 30 افراد ہلاک ہوگئے ہیں۔ اطلاعات کے مطابق مغربی وسطی افریقی ملک کیمرون میں بس حادثے کے نتیجے میں 30 افراد ہلاک جب کہ 2 زخمی ہوگئے۔ ملک کے مغربی علاقے کے صدر مقام بافوسم کے گورنر نصری پال نے حادثے کی تصدیق کرتے ہوئے کہا ہے کہ بدقسمت بس میں 32 افراد سوار تھے جو بوٹوروقصبے میں واقع ایک دریا میں جاگری اور 30 افراد موقع پر ہی ہلاک ہوگئے جب کہ زندہ بچ جانے والے 2 افراد کو ریسکیو ٹیموں کی مدد سے نکال کر پوندے اسپتال پہنچا دیا گیا ہے جہاں ان کی جان بچانے کی کوشش کی جارہی ہے۔

  • مصری فوج کے سینیر افسران کو آئینی تحفظ حاصل ہونے کے ساتھ انہیں وزراء کے برابر پروٹو کول دیاجائے گا

    مصر:(ورلڈ فاسٹ نیوز فار یو)  پارلیمنٹ کی قومی سلامتی کمیٹی نے ایک نئے آئینی بل کی منظوری دی ہے جس کے تحت فوج کے سینیر افسران کو آئینی تحفظ حاصل ہونے کے ساتھ انہیں وزراء کے برابر پروٹو کول دیاجائے گا۔

    ’ پارلیمنٹ نے اس مجوزہ آئینی بل کی ابتدائی منظوری دیتے ہوئے دفاع اور قومی سلامتی کمیٹی، دستوری کمیٹیوں، آئین ساز کمیٹی، پلاننگ، بجٹ کمیٹی اور

    خارجہ تعلقات کمیٹیوں پر مشتمل جوائنٹ کمیٹی کونئے بل کے حوالے سے سفارشات مرتب کرنے کی سفارش کی ہے۔

    اس قانون کی منظوری کے بعد مسلح افواج کے وہ افسران جو عمر بھر مسلح افواج کی خدمت پر مامور رہے ہوں ان سے ساتھ ایک وزیر کی طرح برتاؤ کیا جائے گا۔ ایسے افسران کو حکومت کے ایک وزیر کے برابر پروٹوکول اورمراعات حاصل ہوں گی۔

    فوجی افسران کو آئینی تحفظ دینے اور انہیں وزیر کےمساوی مراعات دینے کے حوالے سے حتمی فیصلہ صدر مملکت کی طرف سے کیا جائے گا۔ اس قانون کے تحت بیرون ملک سفر کرنے والے فوجی افسران کو سفارت کاروں اور سربراہان مملکت کی طرح سروس کے عرصے میں مکمل آئینی تحفظ حاصل ہوگا۔ اس قانون کی منظوری کے بعد حاضر سروس فوجی افسران کے خلاف براہ راست کسی قسم کی قانونی یا عدالتی کارروائی نہیں کی جاسکے گی۔ تاہم کسی بھی فوجی افسر کے خلاف قانونی کارروائی کا اختیار مسلح افواج کی سپریم کونسل کے پاس ہوگا۔

  • نائیجیریا کی وسطی ریاست پلیٹو میں مسلم چرواہوں اور مسیحی کسانوں کے درمیان پرتشدد واقعات کے نتیجے میں 86 افراد ہلاک

     نائیجیریا (ورڈ فاسٹ نیوز فار یو)  کی وسطی ریاست پلیٹو میں مسلم چرواہوں اور مسیحی کسانوں کے درمیان پرتشدد واقعات کے نتیجے میں 86 افراد ہلاک ہوگئے ہیں۔اطلاعات  کے مطابق وفاقی پولیس کے سربراہ ابراہیم ادریس نے کہا کہ متاثرہ علاقوں میں امن قائم کرنے کے لیے خصوصی مداخلتی فورس بھیج دی گئی ہے۔ انہوں نے کہا کہ ” یہ مداخلت متاثرہ علاقوں میں کشیدگی ختم کرانے کے لیے کی جارہی ہے، جبکہ خصوصی فورس میں دو سرویلنس ہیلی کاپٹرز، انسداد دہشت گردی اور انٹیلی جنس سیلز شامل ہیں۔ پلیٹو ریاست میں نسلی بیروم کسان آبادیوں کے مشتعل نوجوانوں کی طرف سے مرکزی جوز سے ابوجا جانے والے روڈ سے گزرنے والے مسافروں پر حملوں کے بعد گزشتہ روز غروب آفتاب سے طلوع آفتاب تک کرفیو نافذ کردیا گیا تھا۔ نائیجیریا کی حکومت نے پہلے اس حملے میں ہونے والی ہلاکتوں کی تعداد کو دبانے کی کوشش کی، لیکن پیر کے روز سوشل میڈیا میں کئی مقامی بیروم گروپس کا حوالہ دیتے ہوئے بتایا گیا کہ حملے میں 100 سے زائد افراد ہلاک ہوئے۔

  • مصری صدر کے حکم پر غزہ کی مصر کے ساتھ جڑی سرحدی گزرگاہ رفح کو کھول دیا گیا

    مصر ( ورلڈفاسٹ نیوزفاریو ) مصری صدرکے حکم پر غزہ کی مصر کے ساتھ جڑی سرحدی گزرگاہ رفح کو کھول دیا گیا ہے۔ سرحد کھولنے کا فیصلہ ماہِ رمضان کی وجہ سے کیا گیا ہے۔

    مصر کے صدر عبدالفتاح السیسی نے اسلامی تقویم کے مقدس سمجھے جانے والے مہینے رمضان کے دوران غزہ کے ساتھ جڑی سرحدی

    گزرگاہ کو کھولنے کا حکم صادر کر دیا ہے۔ ماہرین کے مطابق اس فیصلے کا سب سے اہم مقصد یہ ہے کہ غزہ کے فلسطینیوں کو رمضان

    کے دوران اشیائے خورد و نوش کی کمیابی کا سامنا نہ کرنا پڑے۔

    سرحدی گزرگاہ رفح کھولنے کے حوالے سے مصری صدر نے اپنے فیس بُک پیج پر لکھا کہ سرحد کھولنے سے یقینی طور پر غزہ کے فلسطینیوں کی پریشان کن حالت زار بہتر ہو سکے گی۔ غزہ کے فلسطینی باشندوں کا دنیا سے واحد رابطہ رفح کی سرحدی گزرگاہ ہے اور اس راستے پر اسرائیل کو کنٹرول حاصل نہیں ہے۔ بقیہ تمام سمندری اور زمینی راستوں کی ناکہ بندی اسرائیل نے سن 2008 سے کر رکھی ہے۔

    مصر نے حالیہ کچھ عرصے سے رفح چیک پوائنٹ کو مکمل طور پر بند رکھا ہوا ہے اور اس کی وجہ سکیورٹی کے خطرات بتائے جاتے ہیں۔ اس سرحدی راستے کو طویل وقت کے لیے آخری مرتبہ قریب پانچ برس قبل سن 2013 میں کھولا گیا تھا۔ رفح کے راستے کو رمضان میں آخری مرتبہ  کھولا گیا لیکن جزیرہ نما سینائی میں دہشت گردانہ واقعات میں اضافہ ہونے پر اسے فوری طور پر دوبارہ بند کر دیا گیا تھا۔

    مصری حکومت نے رفح کی گزرگاہ کو ایسے وقت پر کھولا ہے جب غزہ کے فلسطینیوں نے رواں ہفتے کے دوران پیر کو یروشلم میں امریکی سفارت خانے کے افتتاح کے موقع پر شدید احتجاج اسرائیلی سرحد پر کیا تھا۔ اس احتجاجی عمل کے دوران ساٹھ کے قریب فلسطینی اسرائیلی فوج کی فائرنگ سے ہلاک ہو گئے تھے۔

    مصری وزارت خارجہ نے ہلاک ہونے والے تمام فلسطینیوں کو شہدا قرار دیتے ہوئے اسرائیلی فائرنگ کی مذمت بھی کی تھی۔ رواں برس تیس مارچ سے شروع ہونے والے فلسطینیوں کے ہفتہ وار احتجاج میں اب تک 114 فلسطینی ہلاک ہو چکے ہیں اور زخمیوں کی تعداد ہزاروں میں بنتی ہے۔

    یہ امر اہم ہے کہ مصر کے اسرائیل اور فلسطینیوں کے ساتھ تعلقات استوار ہیں اور اس باعث قاہرہ حکومت کئی مرتبہ افراتفری و انتشار کے حالات میں کلیدی کردار ادا کر چکی ہے۔ حماس کے سربراہ اسماعیل ہنیہ ابھی پچھلے اتوار کو ہی مصر کا دورہ بھی کر چکے ہیں، جہاں انہوں نے مصری خفیہ ادارے کے سربراہ عباس اکمل سے ملاقات کی تھی۔

     

  • مصری فوج نے 13 دہشت گردوں کو گرفتار کرلیا

    صحرائے سینا ( ورلڈفاسٹ نیوزفاریو ) مصری فوج نے صحرائے سینا میں 13 وہابی دہشت گردوں کو گرفتار کرلیا ہے۔ مصری فوج نے ایک بیان میں کہا ہے کہ مصری فورسز نے وہابی دہشت گردوں کے خلاف صحرائے سینا میں فروری سے جاری کارروائی کے دوران 200 دہشت گردوں کو ہلاک اور سیکڑوں کو گرفتار کرلیا ہے۔

  • جنوبی افریقہ مسجد میں نمازیوں پر دہشت گردوں نے چاقو سے حملہ کردیا امام مسجد سمیت 3 افراد جاں بحق

    جنوبی افریقہ( ورلڈفاسٹ نیوزفاریو )  کے شہر ڈربن کی امام حسین مسجد میں نمازیوں پر دہشت گردوں نے چاقو سے حملہ کردیا جس کے نتیجے میں امام مسجد سمیت 3 افراد جاں بحق ہو گئے۔ اطلاعات کے مطابق 3 دہشت گردوں نے نمازیوں پر چاقو سے حملہ کیا اور پھر پیٹرول بموں سے مسجد کو نذر آتش بھی کر دیا۔حملہ آوروں نے تیز دھار آلے کی مدد سے مسجد میں موجود لوگوں کے گلے کاٹے جس کے نتیجے میں 3 افراد جاں بحق ہوئے جب کہ حملہ آور فرار ہونے میں کامیاب ہو گئے۔ پولیس کے مطابق دہشت گردوں کی تلاش جاری ہے جو بظاہر مصری باشندے معلوم ہوتے تھے۔