پولیس کا شراب بنانے والی فیکٹری پر چھاپہ، 200 سے زائد بوتلیں برآمد     No IMG     اٹلی , پناہ اور ملک بدری کے قوانین میں مزید سختی کی منظوری     No IMG     وزیرخارجہ شاہ محمود قریشی اقوم متحدہ کے اجلاس میں شرکت کےلیے نیویارک پہنچ گئے     No IMG     ترک وزیرِ خارجہ نے وینزویلا کے سرکاری دورے کے دوران قومی کرنسی سے تجارت پر زور دیا     No IMG     پنجاب اسمبلی میں قائد حزب اختلاف حمزہ شہباز شریف کی زیر صدارت اہم اجلاس     No IMG     تیونس میں طوفانی بارشوں اور سیلاب کے نتیجہ میں5 افراد ہلاک     No IMG     ایران جوہری معاہدے کی پاسداری کر رہا ہے، برطانوی وزیراعظم تھریسامے     No IMG     شراب نوشی، چوری اور سمگلنگ سمیت دیگر سنگین الزامات کے نتیجے میں پی آئی اے کی 18ائیر ہوسٹس کی بیرون ملک ڈیوٹیاں لگانے اور جانے پر پابندی عائد     No IMG     پنجاب حکومت نے یروزگار نوجوانوں کو اپنا کاروبار شروع کرنے کیلئے 30 لاکھ روپے آسان شرائط پر قرضہ دینے کا فیصلہ     No IMG     لیبیا کے دارالحکومت طرابلس میں پانچ لاکھ بچے خطرے سے دوچار     No IMG     غزہ اقوام متحدہ ایجنسی کے فلسطینی ملازمین کی جبری برطرفیوں کے خلاف ہڑتال     No IMG     چین کے مالیاتی حکام نے فضائی آلودگی کی وجہ سے 158 کمپنیوں کے خلاف کارروائی     No IMG     امریکا کی ٹرمپ انتظامیہ کا سرکاری امداد لینے والے تارکینِ وطن کے گرین کارڈز بندکرنے پر غور     No IMG     اسرائیل,کا فلسطینی گاؤں کے انہدام کا فیصلہ     No IMG     بھارت میں جیپ کھائی میں گر نے سے 13 افراد ہلاک     No IMG    

کھیل

  • بنگلہ دیش نے سنسنی خیز مقابلے کے بعد آخری گیند پر افغانستان کو شکست دے دی

    ابوظہبی( ورلڈ فاسٹ نیوزفاریو ) ایشیاء کپ سپر فور کے اہم ترین میچ میں بنگلہ دیش نے سنسنی خیز مقابلے کے بعد افغانستان کو شکست دے دی۔ میچ کا فیصلہ آخری گیند پر ہوا۔ بنگلہ دیش کو آخری اوور میں 8رنز درکار تھے لیکن افغانستان کی ٹیم 4رنز ہی بنا سکی۔ آخری گیند پر افغانستان کے بلے باز سمیع

    اللہ شنواری چوکا نہ مار سکے۔
    اس سے پہلے بنگلہ دیش نے ٹاس جیت کر پہلے بلے بازی کا فیصلہ کیا اور مقررہ50اوورز میں 7وکٹوں کے نقصان پر 246رنز بنا سکی۔

    بنگلہ دیش کی جانب سے محمداللہ نے 74جبکہ امرلکیس نے 72رنز بنائے۔ افغانستان کی جانب سے آفتاب عالم نے 3وکٹیں حاصل کیں۔ جواب میں افغانستان کی ٹیم مقررہ50اوورز میں 7وکٹوں کے نقصان پر 249رنز بنا سکی۔ افغانستان کی جانب سے ہشمت اللہ شاہدی نے 71جبکہ محمد شہزاد نے 53رنز بنائے۔ بنگلہ دیش کی جانب سے مشرفی مرتضیٰ اور مستافیظر رحمن نے 2،2وکٹیں حاصل کیں۔

  • شعیب ملک ون ڈے انٹرنیشنل کرکٹ میں زیادہ رنز بنانے والے ساتویں پاکستانی بلے باز بن گئے

    دبئی ( ورلڈ فاسٹ نیوزفاریو ) شعیب ملک ون ڈے انٹرنیشنل کرکٹ میں زیادہ رنز بنانے والے ساتویں پاکستانی بلے باز بن گئے، انہوں نے اتوار کو ایشیا کپ سپر فور مرحلے میں بھارت کے خلاف میچ میں 78 رنز کی اننگز کھیل کر سابق ہم وطن کرکٹر سلیم ملک کے زیادہ رنز کا ریکارڈ توڑ کر یہ اعزاز حاصل

    کیا، سلیم ملک نے 7170 رنز بنا رکھے تھے جبکہ شعیب ملک نے 270 میچز میں 9 سنچریوں کی مدد سے 7196 رنز بنا لئے ہیں، پاکستان کی جانب سے انضمام الحق 11701 رنز بنا کر سرفہرست ہیں، محمد یوسف 9554 رنز بنا کر دوسرے، سعید انور 8824 رنز بنا کر تیسرے، شاہد آفریدی 8027 رنز بنا کر چوتھے، جاوید میانداد 7381 رنز بنا کر پانچویں اور یونس خان 7249 رنز بنا کر چھٹے نمبر پر موجود ہیں۔

  • پاکستان کو بھارت کے ہاتھوں عبرتناک شکست

    دبئی ( ورلڈ فاسٹ نیوزفاریو ) ایشیاءکپ کے سپر فور مرحلے میں بھارت نے پاکستان کو9وکٹوں سے شکست دے کر فائنل کےلئے کوالیفائی کرلیا۔سرفراز الیون کی جانب سے دیئے گئے238رنز کے ہدف کے تعاقب میں بھارت کی جانب سے شیکھر دھون اور روہت شرما نے اننگز کا آغاز کیا ،،افغانستان کیخلاف

    گزشتہ میچ کی طرح پاکستانی فیلڈرز نے بھارتی بلے بازوں کا بھرپور ساتھ د یا اور روہت شرما کے3کیچز ڈراپ کردیے،پہلے شاداب خان، پھر امام الحق اور اسکے بعد فخرزمان نے بھارتی کپتان کو رنز بنانے کا چانس فراہم کیا۔
    شیکھر دھون نے اپنے ون ڈے کیریئر کی 15ویں سنچری بھی سکور کرڈالی ، وہ 107رنز بنا کر رن آﺅٹ ہوئے ،روہت شرما نے اپنی 19ویں ون ڈ ے سنچری مکمل کی ،روہت 114اور رائیڈو12رنز بنا کر ناٹ آﺅٹ رہے اور بھارت نے مطلوبہ ہدف ایک وکٹ کے نقصان پر پورا کرلیا ، روہت اس سے قبل دبئی انٹرنیشنل سٹیڈیم میں کھیلے جانے والے میچ میں سرفراز احمد نے ٹاس جیت کر بیٹنگ کا فیصلہ کیا تو امام الحق اور فخر زمان نے اننگز کا آغاز کیا۔
    دونوں اوپننگ بلے بازوں نے محتاط انداز اپنایا اور بھارتی بولروں کےخلاف بڑی شارٹس لگانے سے گریز کیا تاہم8ویں اوور میں امام الحق یزویندرا چاہل کی گیند پر ایل بی ڈبلیو آﺅٹ ہوگئے، وہ 10 رنز ہی بناسکے۔فخر زمان نے کلدیپ یادیو کو ایک چھکا اور ایک چوکا رسید کیا تاہم سویپ شاٹ کھیلنے کی کوشش کرتے ہوئے اپنا توازن کھو بیٹھے اور ایل بی ڈبلیو ہوگئے ،ری پلیز میں نظر آیا کہ گیند نے فخر زمان کے پیڈ پر لگنے سے پہلے گلوز کو چھوا تھا ،15 اوورز کے اندر 2 وکٹیں گر جانے پر پاکستانی کپتان نے بیٹنگ آرڈر میں تبدیلی کی اور سینئر بیٹسمین شعیب ملک کی جگہ خود کھیلنے آئے،اگلے ہی اوور میں بابر اعظم 58 کے مجموعی سکور پر صرف 9 رنز بناکر سرفراز کی غلط کال کے نتیجے میں رن آﺅٹ ہوگئے۔
    تین کھلاڑیوں کے جلد آﺅٹ ہونے کے بعد شعیب ملک اور کپتان سرفراز احمد نے ٹیم کو سنبھالا اور دونوں کھلاڑیوں کے درمیان 107 رنز کی شراکت قائم ہوئی، 165 کے مجموعی سکور پر سرفراز احمد 44 رنز بنا کر آﺅٹ ہو گئے۔شعیب ملک نے بھی 2 چھکوں اور 4 چوکوں کی مدد سے 78 رنز کی ذمہ دارانہ اننگز کھیلی، وہ جسپریت بمراہ کی گیند پر وکٹوں کے پیچھے کیچ آﺅٹ ہوئے۔
    شعیب ملک کے بعد آصف علی اچھے آغاز کے باوجود اپنی اننگز کو آگے لیکر نہ جاسکے اور 30 رنز کی برق رفتار اننگز کھیل کر یزویندرا چاہل کی گیند پر بولڈ ہوگئے، شاداب خان 10رنز بنا کر بمراہ کی دوسری وکٹ بنے ،گرین شرٹس نے مقررہ 50اوورز میں 7وکٹوں پر 237رنز بنائے ۔ بھارت کی طرف سے کلدیپ یادیو،یزویندرا چاہل اورجسپریت بھمرا نے 2،2وکٹیں اپنے نام کی تاہم دیگر باﺅلرز خاطر خواہ پرفارمنس دینے میں ناکام رہے۔
    اس سے قبل ٹاس جیتنے کے بعد کپتان سرفراز کا کہنا تھا کہ پچ بیٹنگ کےلئے سازگار دکھائی دے رہی ہے اور کوشش ہوگی کہ آغاز اچھا ہو اور بڑا مجموعہ کر کے بھارت کو ہرایا جائے۔۔بھارتی کپتان روہت شرما نے کہا کہ کھلاڑی بھرپور فارم میں ہیں اور آج میچ کےلئے مکمل تیار ہیں اسلئے میچ جیتنے کی کوشش کریں گے اور ہمیں اسی طرح بولنگ کرنی ہے جس طرح کرتے آرہے ہیں۔۔بھارت کےخلاف میچ کےلئے قومی ٹیم میں 2 تبدیلیاں کی گئی ہیں جب کہ بھارتی ٹیم میں کوئی تبدیلی نہیں کی گئی۔ عثمان شنواری کی جگہ محمد عامر اور حارث سہیل کی جگہ شاداب خان کو ٹیم میں شامل کیا گیا۔

  • افغانستان کیخلاف میچ میں سب سے بڑی کیا غلطی کی ؟ کپتان نے بتا دیا

    ابوظہبی( ورلڈ فاسٹ نیوزفاریو ) قومی کرکٹ ٹیم کے کپتان سرفراز احمد کا کہنا ہے کہ شعیب ملک نے سینئرہونے کا حق ادا کردیا، ان کی اننگز کی جتنی بھی تعریف کی جائے وہ کم ہے۔تفصیلات کے مطابق ایشیا کپ کے سنسنی خیرمیچ میں افغانستان کو شکست دینے کے بعد قومی کرکٹ ٹیم کے کپتان سرفراز نے

    گفتگو کرتے ہوئے کہا کہ امام الحق اور بابراعظم نے بہترین بیٹنگ کی۔
    انہوں نے کہا کہ شعیب ملک نے سینئرہونے کا حق ادا کردیا، ان کی جتنی بھی تعریف کی جائے وہ کم ہے۔سرفراز احمد نے کہا کہ افغانستان کے خلاف میچ میں فیلڈنگ خراب ہوئی اور کیچز بھی ڈراپ ہوئے، اگلے میچز میں فیلڈنگ کو بہترکرنا ہوگا۔قومی کرکٹ ٹیم کے کپتان نے ایک سوال کے جواب میں کہا کہ افغانستان نے بہت اچھی بیٹنگ کی جبکہ میرے خیال میں افغانستان کے سپنرزبہترین بولرزمیں شامل ہیں۔
    یاد رہے کہ ایشیا کپ کے سپر فور مرحلے میں پاکستان نے سنسنی خیز مقابلے کے بعد افغانستان کو شکست دی۔۔ابوظہبی کے شیخ زید سٹیڈیم میں ایشیا کپ کے سپر فور مرحلے میں افغان ٹیم کے کپتان نے ٹاس جیتا اور پہلے بیٹنگ کا فیصلہ کیا۔ افغان بلے بازوں نے پراعتماد بیٹنگ کا مظاہرہ کرتے ہوئے مقررہ اوورز میں 6 وکٹوں کے نقصان پر 257 رنز بنائے۔ مڈل آرڈر بیٹسمین حشمت اللہ 97 رنز بنا کر ناٹ آﺅٹ رہے جبکہ کپتان اصغر افغان نے 67 رنز کی اننگ کھیلی۔
    پاکستان کا بالنگ اٹیک نسبتاً کمزور بیٹنگ لائن کو مکمل تباہ کرنے میں ناکام رہا اور کوئی بھی بالر خاطر خواہ کارکر دگی کا مظاہرہ نہ کرسکا، محمد نواز نے سب سے زیادہ 3 کھلاڑیوں کو آﺅٹ کیا جب کہ شاہین شاہ آفریدی نے 2 اور حسن علی نے ایک وکٹ حاصل کی۔۔پاکستان بیٹنگ شروع ہوئی تو فخر زمان اور امام الحق نے اوپننگ کی، فخر زمان ایک بار پھر صفر پر آﺅٹ ہوگئے۔
    امام الحق نے 80، بابر اعظم نے 66 اور حارث سہیل نے 13 رنز سکور کیے اور کپتان سرفراز احمد محض 8 رنز بناسکے۔ چھٹی وکٹ محمد آصف کی تھی جنہوں نے 7 رنز بنائے ان کے بعد محمد نواز 10 رنز پر پویلین لوٹ گئے۔۔پاکستان کو آخری اوور میں 10 رنز درکار تھے جب کہ بیٹنگ کے لیے شعیب ملک اور حسن علی موجود تھے۔ شعیب ملک چھکا لگا کر ہدف 4بالز پر چار رنز تک لے آئے بعد ازاں چوکا لگا کر فتح حاصل کرلی۔ پاکستان نے 258 رنز کا ہدف 7 کھلاڑیوں کے نقصان پر 49.3 اوورز میں حاصل کرلیا۔ حسن علی نے 6 اور شعیب ملک نے 51 رنز اسکور کیے دونوں ناٹ آﺅٹ رہے۔۔افغانستان کی جانب سے راشد خان نے تین، مجیب الرحمان نے دو اور گلبدین نائب نے ایک وکٹ حاصل کی، امام الحق رن آﺅٹ ہوئے۔

  • افغانستان سے جیتتے ہی شعیب اختر نے ”کھلبلی“ مچا دی

    لاہور( ورلڈ فاسٹ نیوزفاریو ) اشیاءکپ میں پاکستان نے سنسنی خیز میچ میں شعیب ملک کی شاندار اننگز کی بدولت افغانستان کو 3 وکٹوں سے شکست دیدی ہے۔

    اس شکست کے ساتھ ہی ناصرف تمام پاکستانیوں بلکہ سابق کرکٹرز کے ذہن میں بھی سب سے پہلا خیال بھارت کے ساتھ میچ کا آیا جس کا اظہار شعیب اختر نے بھی کر دیا اور کہا کہ ہر کوئی پاکستان اور بھارت کا فائنل میچ دیکھنا چاہتا ہے، کیا آپ نہیں چاہتے کہ ایسا ہو؟

    انہوں نے سماجی رابطوں کی ویب سائٹ ٹوئٹر پر جاری اپنے پیغام میں لکھا ” ہندوستان کیخلاف بڑا میچ آ رہا ہے، برصغیر کے لوگ تیار ہو جائیں کیونکہ یہ ایک ’تھرلر‘ ہو گا۔ ہم سب چاہتے ہیں کہ پاکستان اور بھارت فائنل میچ بھی کھیلیں، کیا ہم نہیں چاہتے؟

  • ابو ظہبی میں ایشیا کپ کے سپر 4 مرحلے کے میچ میں پاکستان نے افغانستان کو سنسنی خیز مقابلے کے بعد تین وکٹوں سے شکست دے دی

    ابوظہبی ( ورلڈ فاسٹ نیوزفاریو ) ابو ظہبی میں ایشیا کپ کے سپر 4 مرحلے کے میچ میں پاکستان نے افغانستان کو سنسنی خیز مقابلے کے بعد تین وکٹوں سے شکست دے دی ہے۔

    پاکستان نے 258 رنز کا ہدف آخری اوور میں سات وکٹوں کے نقصان پر حاصل کیا۔

    آخری اوور میں پاکستان کو فتح کے لیے دس رنز درکار تھے جو اس نے محض تین گیندوں پر حاصل کر لیے۔ شعیب ملک نے آخری اوور میں ایک چھکا اور ایک چوکا لگا پر پاکستان کو فتح سے ہمکنار کر وا دیا۔

    شعیب ملک 51 اور حسن علی چھ رنز کے ساتھ ناٹ آؤٹ رہے۔
    افغانستان کی جانب سے دیے گئے 258 رنز کے ہدف کے جواب میں جب پاکستان کے اوپنرز میدان میں اترے تو پہلے ہی اوور میں فخر زمان ایک بار پھر صفر رنز پر آؤٹ ہو کر پویلین واپس لوٹ گئے۔

    پہلا اوور کرانے والے سپنر مجیب الرحمان نے ان کو ایل بی ڈبلیو کر دیا۔ اس سے پہلے کھیلے گئے تمام میچوں میں فخر زمان آج تک صفر پر آؤٹ نہیں ہوئے تھے لیکن ایشیا کپ میں مسلسل دوسری بار انھیں اس ہزیمت کا سامنا کرنا پڑا ہے۔

    صفر کے سکور پر پہلی وکٹ گرنے کے بعد امام الحق اور بابر اعظم کے درمیان 154 رنز کی پارٹنرشپ قائم ہوئی جس کے بعد امام الحق 80 رنز بنا کر رن آؤٹ ہوگئے۔

    اس کے بعد بابر اعظم بھی 66 کے انفرادی سکور پر راشد خان کی گیند پر سٹمپڈ آؤٹ ہوئے۔

    حارث سہیل 13 رنز بنا کر مجیب الرحمان کی دوسری وکٹ بنے جبکہ سرفراز احمد ایک بار پھر ناکام رہے اور صرف آٹھ رنز بنا سکے، انھیں گلبدین نائب نے بولڈ کیا۔

    آصف علی بھی صرف سات رنز بنا سکے اور راشد خان کی دوسری وکٹ بنے۔ راشد خان نے ہی محمد نواز کو دس رنز پر بولڈ کیا اور اپنی تیسری وکٹ حاصل کی۔

    اس سے قبل افغانستان نے پاکستان کے خلاف اپنے تیسرے ایک روزہ میچ میں انتہائی شاندار کارکردگی دکھائی اور چھ وکٹوں کے نقصان پر 257 رنز بنانے میں کامیاب ہوئے۔

    افغانستان کی اننگزر کی خاص بات حشمت اللہ کی بیٹنگ تھی جنھوں نے ناٹ آؤٹ رہتے ہوئے 97 رنز بنائے۔ ان کا بھرپور ساتھ دیتے ہوئے کپتان اصغر افغان نے 67 رنز بنائے۔ ان دونوں نے 94 رنز کی شراکت قائم کی۔

    ساتھ دیتے ہوئے رحمت شاہ نے بھی 36 رنز بنائے اور اوپنر محمد شہزاد 20 رنز بنا سکے ۔

    پاکستان کی جانب سے اپنی ڈیبو میچ کھیلنے والے شاہین آفریدی نے نمایاں بولنگ کی اور دس اوورز میں 38 رنز کے عوض دو کھلاڑی آؤٹ کیے۔ ان کی بدقسمتی رہی کہ ان کی گیند پر تین مواقعوں پر کیچ چھوڑے گئے۔

    بائیں ہاتھ کے سپنر محمد نواز شاداب خان کی جگہ ٹیم میں آئے اور انھوں نے بھی اچھی بولنگ کی اور تین کھلاڑیوں کو آؤٹ کرنے میں کامیاب ہوئے۔
    آج کے میچ میں پاکستان نے محمد عامر سمیت ٹیم میں تین تبدیلیاں کیں اور فہیم اشرف کی جگہ حارث سہیل اور لیگ سپنر شاداب خان کی جگہ محمد نواز کو ٹیم میں جگہ دی گئی ہے۔

    محمد عامر کی غیر موجودگی میں بائیں ہاتھ سے فاسٹ بولنگ کرنے والے طویل القامت شاہین آفریدی کو ایک روزہ میچوں میں ڈیبو کرنے کا موقع دیا گیا ہے۔

    واضح رہے کہ اس سے قبل پاکستان نے لیگ میچوں میں ہانگ کانگ کو باآسانی شکست دی تھی لیکن اس کے بعد انڈیا کے ہاتھوں وہ آٹھ وکٹوں سے میچ ہار گئے تھے۔

    ادھر افغانستان کی ٹیم نے عمدہ کارکردگی دکھائی ہے اور پہلے انھوں نے سری لنکا کو مات دی اور اس کے بعد اپنے دوسرے میچ میں بنگلہ دیش کو بھی چاروں شانے چت کر دیا جس میں ان کے سب سے اہم کھلاڑی راشد خان نے مرکزی کردار ادا کیا۔

  • بھارت نے بنگلہ دیش کو 7 وکٹوں سے شکست دے دی

    ابوظہبی ( ورلڈ فاسٹ نیوزفاریو ) سپر فور کے پہلے میچ میں بولرز کی عمدہ بولنگ اور بیٹسمینوں کی پراعتماد بیٹنگ کی بدولت دفاعی چمپئن بھارت نے بنگلہ دیش کو ایک یک طرفہ مقابلے کے بعد 7 وکٹوں سے شکست دے دی۔ روہت شرما 83 رنز بناکر ناٹ آؤٹ رہے۔ بنگلہ دیش نے پہلے بیٹنگ کرتے ہوئے بھارت

    کو 174 رنز کا نسبتاً آسان ہدف دیا جسے بھارت کی مضبوط بیٹنگ لائن نے صرف 3 وکٹیں گنوا کر حاصل کر لیا۔ہدف کے تعاقب میں بھارتی اوپنرز روہت شرما اور شیکھر دھون نے 61 رنز کا شاندار آغاز فراہم کر کے جیت کی بنیاد رکھی۔ شیکھر دھون 40 رنز بنا کر شکیب الحسن کی گیند پر ایل بی ڈبلیو ہو گئے۔امباتی رائیڈو صرف 13 اور ایم ایس دھونی نے برق رفتار 33 رنز بنائے جبکہ کپتان روہت شرما نے ناقابل شکست 83 رنز کی اننگز کھیلی۔یوں بھارت نے مطلوبہ ہدف 36 اعشاریہ 2 اوورز میں صرف تین وکٹوں کے نقصان پر پورا کر لیا۔اس سے قبل بھارتی بولرز کی عمدہ بولنگ کے سامنے بنگلہ دیشی بیٹسمین بڑا اسکور کرنے ناکام رہے اور پوری ٹیم 49 اعشاریہ ایک اوور میں 173 رنز پر ڈھیر ہو گئی۔بنگلہ دیش کی جانب سے مہدی حسن مرزا 42، مشرفی مرتضیٰ 26 اور محموداللہ 25 رنز کے ساتھ نمایاں رہے۔ ایک موقع پر بنگلہ دیش کی آدھی ٹیم صرف 65 رنز پر پویلین لوٹ چکی تھی اور بظاہر 100 رنز کا حصول بھی مشکل دکھائی دے رہا تھا لیکن بعد میں آنے والے بٹسمینوں نے بھارتی بولنگ کے سامنے قدرے مزاحمت دکھائی اور اسکور173 رنز تک پہنچا دیا۔رویندرا جڈیجا 4 وکٹوں کے ساتھ بھارت کے سب سے کامیاب بولر رہے جبکہ جسپریت بمراہ اور بھونیشور کمار نے تین، تین وکٹیں حاصل کیں۔سپرفور کے اگلے دو میچز میں اتوار کو پاکستان کا مقابلہ بھارت سے دبئی میں ہو گا جبکہ بنگلہ دیش اور افغانستان کی ٹیمیں ابوظہبی میں مدمقابل ہوں گی۔

  • ایشیاکپ,آج دبئی میں پاکستان کامقابلہ افغانستان سےہوگا

    دبئی ( ورلڈ فاسٹ نیوزفاریو )  ایشیاکپ سپرفورمرحلے میں آج دبئی میں پاکستان کا مقابلہ افغانستان سے ہوگا۔پاکستان اورافغانستان کے درمیان دوون ڈے انٹرنیشنل میچ کھیلے گئے۔ دونوں میں پاکستان نے فتح پائی۔افغان ٹیم کوٹیسٹ اسٹیٹس ملنے کے بعددونوں ٹیموں کا پہلا ٹاکرا ہوگا۔ایشیاکپ سپرفورمرحلے میں

    جمعہ کودبئی میں پاکستان کا مقابلہ افغانستان سے ہوگا۔ بھارت ابوظہبی میں بنگلہ دیش سے ٹکرائے گا۔پاکستان اورافغانستان کے درمیان دوون ڈے انٹرنیشنل اورایک ٹی ٹوئنٹی میچ کھیلاگیاہے۔پاکستان ٹیم نے دونوں ون ڈے اور ٹی ٹوئنٹی میں فتح حاصل کی۔پاکستان اورافغانستان کا پہلا ٹکراؤفروری دوہزاربارہ کو شارجہ میں ہوا۔پاکستانی بولرز نے افغان ٹیم کوایک سوپچیانوے رنز پرٹھکانے لگادیا ۔ کریم صادق نے چالیس اورمحمدنبی نے سینتیس رنزبنائے۔ شاہدآفریدی نے پانچ وکٹیں لیں۔پاکستان نے ہدف تیرہ اوورز قبل تین وکٹیں کھوکرپوراکرلیا۔یونس خان ستر اور مصباح الحق چالیس رنزبناکرناقابل شکست رہے۔فتح اللہ ڈھاکا میں دونوں ٹیموں کا دوسری بار سامنا فروری دوہزار چودہ کو ہوا۔ گرین شرٹس نےعمراکمل کی سنچری احمد شہزاد کی ففٹی کی بدولت آٹھ وکٹیں کھوکردو سو اڑتالیس رنز بنائے اورافغانستان نے ایک سوچھہتررنز پرآؤٹ کردیا۔ محمدحفیظ نے تین وکٹیں لیں۔ واحد ٹی ٹوئنٹی میں پاکستان نےافغانستان کے خلاف چھ وکٹوں سے کامیابی حاصل کی۔

  • افغانستان نے بنگلادیش کو 136 رنز سے شکست دے دی

    ابوظہبی( ورلڈ فاسٹ نیوزفاریو ) متحدہ عرب امارات میں جاری ایشیا کپ کے گروپ میچ میں افغانستان نے بنگلا دیش کو 136 رنز سے شکست دے دی۔ایشیا کپ کے چھٹے میچ میں افغانستان نے بنگلادیش کے خلاف پہلے بیٹنگ کرتے ہوئے رنز کا پہاڑ کھڑا کردیا اور بنگلا دیش کو جیت کیلئے 256 رنز کا ہدف دیا۔

    دونوں ٹیموں کے درمیان یہ میچ ابوظہبی کے شیخ زید اسٹیڈیم میں کھیلا گیا جہاں افغانستان نے ٹاس جیت کر پہلے بیٹنگ کا فیصلہ کیا۔افغانستان نے مقررہ 50 اوورز میں 7 وکٹوں کے نقصان پر 255 رنز بنائے۔ حشمت اللہ شاہدی 58 بناکر آؤٹ ہوئے جبکہ راشد خان 57 اور گلبدین نائب 42 رنز بناکر ناٹ آؤٹ رہے۔ جواب میں پر بنگلا دیش کی پوری ٹیم 119 رنز پر ڈھیر ہوگئی اور یوں افغانستان یہ میچ 136 رنز سے جیت گیا۔بنگلادیش کی جانب سے شکیب الحسن 32 رنز بناکر نمایاں کھلاڑی رہے جبکہ افغانستان کی جانب سے مجیب الرحمان، گلبدین نائب اور راشد خان نے دو دو کھلاڑیوں کو آؤٹ کیا۔ افغانستان کے کپتان اصغر افغان نے ٹاس جیت کر پہلے بیٹنگ کا فیصلہ کیا اور کہا کہ پچ بیٹنگ کیلئے سازگار لگ رہی ہے۔بنگلادیشی کپتان مشرفی مرتضیٰ کا کہنا تھا کہ ہم ٹاس جیتنے میں کامیاب ہوتے تو بیٹنگ ہی کرتے۔ یاد رہے کہ گروپ بی میں شامل دونوں ٹیمیں سری لنکا کو شکست دینے کے بعد پہلے ہی سپر فور مرحلے میں پہنچ چکی ہیں۔

  • بنگلہ دیش اور افغانستان آج آمنے سامنے ہونگے

    دبئی ( ورلڈ فاسٹ نیوزفاریو ) ایشیا کپ 2018کے چھٹے میچ میں آج بنگلہ دیش اور افغانستان ٹکرائیں گے۔گروپ بی کے میچ میں آج آمنے سامنے آنے والی ٹیمیں بنگلہ دیشں اور افغانستان، سری لنکا کو شکست دے کر اگلے سپر فور مرحلے کےلیے کوالیفائی کرچکی ہیں۔گروپ میچ میں افغانستان نےسری لنکا کو

    91رنز سے شکست دی تھی جبکہ بنگلہ دیش نے سری لنکا کو 137رنز سے شکست دے دی تھی۔ایشیا کپ 2018 کے افتتاحی میچ میں بنگلہ دیش نے سری لنکا کو 137 رنز سے شکست دی تھی۔ سری لنکا کی پوری ٹیم 35.1 اوورز میں 124 رنز بنا کر آؤٹ ہو گئی تھی۔متحدہ عرب امارات میں جاری ایشیاء کپ کے پہلا اپ سیٹ میچ میں کرکٹ کی دنیا میں نووارد تاہم ابھرتی ہوئی ٹیم افغانستان نے دفاعی چیمپئن سری لنکا کو 91 رنز سے شکست دے کر ٹورنامنٹ سے باہر کر دیا۔

  • انڈیا نے پاکستان کو8 وکٹوں سے شکست دے دی

    دبئی ( ورلڈ فاسٹ نیوزفاریو ) ایشیا کپ کے پانچویں اور ٹورنامنٹ میں انڈیا اور پاکستان کے پہلے میچ میں انڈیا نے پاکستان کے خلاف 163 رنز کا ہدف فقط دو وکٹوں کے نقصان پر 29 اوورز میں حاصل کر لیا۔

     

    کپتان روہت شرما نے جارہانہ بیٹنگ کرتے ہوئے چھ چوکوں اور تین چھکوں کی مدد سے 52 رنز بنائے۔ روہت شرما شاداب خان کی گوگلی کا شکار ہوئے اور کلین بولڈ ہوئے۔ فہیم اشرف نے شکھر دھون کی وکٹ لی جو 46 رنز بنا کر آؤٹ ہوئے۔

    کریز پر موجود امباتی رائڈو اور دنیش کارتھک نے بالترتیب 31، 31 رنز بنائے اور ٹیم کو فتح دلائی۔

    اس قبل متحدہ عرب امارات میں کھیلے جانے والے میچ میں پاکستان کی پوری ٹیم صرف 162 رنز بنا کر آؤٹ ہوئی۔

    پاکستان کے کپتان سرفراز احمد نے ٹاس جیت کر پہلے بیٹنگ کرنے کا فیصلہ کیا۔ کپتان کا یہ فیصلہ ٹیم کے لیے کافی بھاری ثابت ہوا اور ابتدا سے ہی وکٹیں گرنا شروع ہو گئیں اور ٹیم قدم جما کر نہ کھیل سکی۔

    فخر زمان جن سے شائقین کو بہت امیدیں وابستہ ہوتی ہیں کوئی رن بنائے بغیر بھونیشور کمار کی شارٹ بال پر پُل کرتے ہوئے مڈ وکٹ پر کیچ آؤٹ ہوئے۔

    اس سے پہلے امام الحق صرف دو رنز بنا کر بھونیشور کمار ہی کی گیند پر دھونی کے ہاتھوں وکٹ کے پیچھے کیچ آؤٹ ہوئے۔
    دونوں اوپنرز کے بعد بابر اعظم اور شعیب ملک نے اچھی پارٹنرشپ قائم کی۔ مگر جب بابر اعظم 47 رنز بنا کر آؤٹ ہوئے تو اُس وقت پاکستان کا مجموعی سکور 85 تھا۔ اس کے بعد تو ایک کے بعد ایک بلے باز پویلین لوٹتے رہے۔ کیدار جادھو نے سرفراز احمد، آصف علی کی وکٹیں لیں جبکہ شعیب ملک 43 رنز بنا کر آؤٹ ہوئے اور پاکستان کا مڈل آرڈر ڈھیر ہوگیا۔
    میچ کے دوران ایک واقعہ انڈیا کی ٹیم کے لیے بھی پریشان کن ثابت ہوا جب گزشتہ برس چیمپئن ٹرافی کے فائنل میں پاکستان کے خلاف بہترین بیٹنگ کرنے والے آل راؤنڈر ہردک پانڈیا میچ کے اٹھارویں اوور میں گیند کراتے ہوئے اچانک گر پڑے۔ اُنہیں سٹریچر پر میدان سے باہر لے جایا گیا۔ انڈین کرکٹ کنٹرول بورڈ کی طرف سے ان کے معائنے کے بعد جاری ہونے والے بیان میں کہا گیا کہ ہردک کی کمر میں شدید چوٹ آئی ہے اور وہ اس وقت کھڑے ہونے کے قابل نہیں ہیں۔ بورڈ نے مزید کہا کہ ٹیم کے طبی ماہرین ان کا معائنہ کر رہے ہیں۔

    مگر انڈیا کے بولرز نے ہردک پانڈیا کی کمی محسوس نہ ہونے دی۔ فہیم اشرف نے اننگز کے آخر پر کچھ مزاحمت دکھائی مگر صرف 21 رنز کا انفرادی سکور بنا سکے۔محمد عامر نے ان کا ساتھ دیا اور 18 رنز بنائے مگر فہیم اشرف کے آؤٹ ہونے کے بعد ٹیل اینڈرز میں سے کوئی بھی کھلاڑی ٹک نہ پایا۔
    گروپ کی سطح کے اس میچ میں انڈیا اور پاکستان کے روائتی حریفوں کے درمیان مقابلے کی وجہ سے خصوصی دلچسپی پائی جاتی ہے اور دونوں ٹیم اب تک اپنے دونوں میچ جیت چکی ہیں۔

    میچ سے پہلے پریس کانفرنس میں پاکستان کے کپتان سرفراز احمد نے محمد عامر کی فارم کے بارے میں سوال کا جواب دیتے ہوئے کہا کہ عامر سٹرائیک بالر ہیں اور اگر وہ گیند صحیح جگہ ڈالیں تو انڈیا کی بیٹنگ کے مشکلات بڑھ جائیں گی۔ انڈیا کے لیے جسپریت بمرہ اور ہردک پانڈیا ٹیم میں واپس شامل کیے گئے ہیں۔

    پاکستان ٹیم میں شامل کھلاڑیوں کے نام یہ ہیں

    امام الحق، فخر زمان، بابر اعظم، شعیب ملک، سرفراز احمد (کپتان)، آصف علی، شاداب خان، فہیم اشرف، محمد عامر، حسن علی اور عثمان خان۔

    انڈیا کی ٹیم میں شامل کھلاڑیوں کے نام یہ ہیں

    روہت شرما (کپتان)، شکھر دھون، امباتی رائڈو، ایم ایس دھونی، دنیش کارتھک، کیدار جادھو، ہردک پانڈیا، بھونیشور کمار، جسپریت بُمرہ، یزوندرہ چہل، کلدیپ جادھو۔

  • متحدہ عرب امارات میں کھیلے جانے والے ایشیا کپ 2018 کے سپر فور مرحلے کا شیڈول تبدیل کر دیا

    دبئی ( ورلڈ فاسٹ نیوزفاریو ) ایشین کرکٹ کونسل (اے سی سی) نے متحدہ عرب امارات میں کھیلے جانے والے ایشیا کپ 2018 کے سپر فور مرحلے کا شیڈول تبدیل کر دیا جس پر قومی کرکٹ ٹیم کے کپتان سرفراز احمد نے تحفظات کا اظہار کیا ہے۔

    قومی کرکٹ ٹیم کے کپتان سرفراز احمد نے نئے شیڈول پر اعتراض کرتے ہوئے کہا ہے کہ دو میچوں کے درمیان 90 منٹ کا سفر کرنا ایک مسئلہ ہے۔
    پاکستانی کپتان نے معاملہ پر ردعمل ظاہر کرتے ہوئے کہا کہ اگر میچز ابو ظہبی میں شیڈول ہیں تو تمام ٹیموں کے میچ وہیں کھیلے جانے چاہیئں۔ ایشین کرکٹ کونسل کا یہ اقدام سمجھ سے باہر ہے۔
    ہانک کانگ کی پہلے میچ میں پاکستان اور دوسرے میچ میں بھارت کے ہاتھوں شکست کے بعد سپر فور ٹیمز کا تعین کیا جا چکا ہے، اس سے پہلے گروپ بی میں سری لنکا کو بھی بنگلہ دیش اور افغانستان کے ہاتھوں شکست کے بعد ٹورنامنٹ سے باہر ہونا پڑا تھا۔
    ئے شیڈول کے مطابق بھارتی ٹیم اپنے تمام میچ دبئی اسٹیڈیم میں کھیلے گی جب کہ پاکستان کو بنگلہ دیش اور افغانستان کے میچوں کے لئے ابوظہبی جانا ہوگا۔
    نئے شیڈول میں گروپ میچز مکمل ہوئے بغیر ہی بھارت کو اے 1 ٹیم کا درجہ دیا گیا ہے۔ افغانستان اور بنگلہ دیش کو بالترتیب بی 1 اور بی 2 کا درجہ دیا گیا ہے حالانکہ دونوں ٹیمیں سری لنکا کو شکست دینے کے بعد آئندہ اتوار کو گروپ میچ میں بھی ایک دوسرے کے مقابل آئیں گی۔

Translate News »