آرمی چیف سے بحرین نیشنل گارڈ کے کمانڈر کی ملاقات     No IMG     اسرائیل کی جیل میں آگ بھڑک اٹھی، کئی کمرے جھلس گئے     No IMG     اسرائیلی فوج کی گھر گھر تلاشی15 فلسطینی شہری گرفتار     No IMG     وزیر ریلوے شیخ رشید کی نا اہلی کے لیے الیکشن کمیشن میں درخواست دائر     No IMG     فضائی حدود کی بندش، ائیرانڈیا کو کروڑوں کا نقصان     No IMG     دہشت گردی کا کوئی دین اور نسل نہیں ہوتی ,سعودی وزیر خارجہ     No IMG     ایران، عراق اور شامی افواج کے خون نے تینوں ممالک کے درمیان تعلقات کو مزید مضبوط بنایا, بشار الاسد     No IMG     آصف زرداری اور فریال تالپور کی 10 دن کے لیے حفاظتی ضمانت منظور     No IMG     سابق وزیراعلی شہباز شریف کے خلاف ایک اور انکوائری شروع     No IMG     کینیڈین وزیر اعظم جسٹس ٹروڈو نے نیوزی لینڈ میں دہشت گردی کے واقعہ کی مذمت     No IMG     روسی صدر پوتن نے کہا ہے کہ وہ روس میں کرائسٹ چرچ جیسا دہشت گرد حملہ نہیں ہونے دیں گے     No IMG     برطانوی حکام نے نیوزی لینڈ کی مسجدوں میں ہوئی دہشت گردی کی طرز پر برطانیہ میں بھی واقعات پیش آنے کا خدشہ     No IMG     نیوزی لینڈ کی پارلیمنٹ کے پہلے اجلاس کا آغاز تلاوت کلام پاک سے ہوا     No IMG     نیوزی لینڈ مساجد پر دہشت گرد حملے سے متعلق امریکی صدر ڈونلڈ ٹرمپ اپنے بیان پر میڈیا کی تنقید سے برہم     No IMG     نیوزی لینڈ کی قومی فٹسل ٹیم کے گول کیپر عطا الیان بھی کرائسٹ چرچ واقعے میں شہید     No IMG    

پاکستان نے بالآخر دو برس بعد نیوزی لینڈ کو 48 رنز سے ہرادیا
تاریخ :   25-01-2018

پاکستان کو بالآخر دورۂ نیوزی لینڈ میں پہلی کامیابی حاصل ہوگئی اور اس نے دوسرے ٹی ٹوئنٹی میچ میں نیوزی لینڈ کو 48 رنز سے شکست دے کر تین میچوں کی سیریز 1-1 سے برابر کردی ہے۔

جمعرات کو کھیلے جانے والے میچ میں پاکستان نے نیوزی لینڈ کو جیت کے لیے 202 رنز کا ہدف دیا تھا جس کے جواب میں میزبان ٹیم 153 رنز پر ہی ڈھیر ہوگئی۔

آکلینڈ میں ہونے والے میچ میں پاکستان نے ٹاس جیت کر پہلے بیٹنگ کا فیصلہ کیا تو اوپنرز سیریز میں پہلی بار فارم میں نظر آئے۔ فخر زمان اور احمد شہزاد نے دھواں دار بیٹنگ کرتے ہوئے 10 اورز میں 94 رنز کا شاندار آغاز فراہم کیا۔

احمد شہزاد 34 گیندوں پر ایک چھکے اور 6 چوکوں کی مدد سے 44 رنز کی اننگز کھیل کر آؤٹ ہوئے۔

ابھی اسکور میں صرف دو رنز کا ہی اضافہ ہوا تھا کہ فخرزمان بھی 27 گیندوں پر برق رفتار نصف سنچری اسکور کرکے پویلین لوٹ گئے۔ اُن کی اننگز میں تین چھکے اور پانچ چوکے شامل تھے۔

اس کے بعد بابر اعظم اور سرفراز احمد میدان میں اترے اور اوپنرز کی روایت کو برقرار رکھتے ہوئے تیز رفتار ی کے ساتھ رنز بنانے کا سلسلہ جاری رکھا اور کسی بھی کیوی بالر کو خاطر میں نہ لاتے ہوئے وکٹ کے چاروں اطراف کھل کر اسٹروکس کھیلے۔ دونوں بلے بازوں نے تیسری وکٹ کی شراکت میں 92 رنز بنائے۔

سرفراز تیزی سے رنز بنانے کی کوشش میں ویلر کی گیند پر مونرو کو کیچ دے بیٹھے۔ وہ 35 گیندوں پر تین چھکوں اور دو چوکوں کی مدد سے 41 رنز بناکر آؤٹ ہوئے۔

نئے آنے والے بیٹسمین فہیم اشرف بغیر کھاتہ کھولے پویلین لوٹ گئے جبکہ بابر اعظم نے 29 گیندوں پر ناقابلِ شکست 50 رنز بنائے۔

اس طرح پاکستان نے مقررہ 20 اوورز میں 4 وکٹوں کے نقصان پر 201 رنز بنالیے۔

نیوزی لینڈ کی طرف سے ویلر نے دو جبکہ رانسے اور گرینڈ ہوم نے ایک، ایک وکٹ حاصل کی۔

ہدف کے تعاقب میں کیوی ٹیم کی اننگز کا آغاز مایوس کن رہا اور مونرو صرف ایک رن بنا کر گپٹل کا ساتھ چھوڑ گئے۔ کپتان ولیم سن بغیر کھاتہ کھولے آؤٹ ہوئے۔ اس وقت ٹیم کا اسکور 28 رنز تھا۔

بروس بھی زیادہ دیر وکٹ پر نہ ٹہر سکے اور مشکل رن لینے کی کوشش میں 11 رنز پر وکٹ گنوا بیٹھے۔ گپٹل نے کسی حد تک مزاحمت کی لیکن 26 رنز پر وہ بھی ہمت ہار گئے اور شاداب خان کی گیند پر عمر امین کو کیچ دے بیٹھے۔

فلپس اور گرینڈ ہوم بھی پاکستانی بالرز کے سامنے بے بس نظر آئے اور بالترتیب 5 اور 10 رنز بنا کر آؤٹ ہوگئے۔

ویلر نے پاکستانی بالرز کا اعتماد کے ساتھ سامنا کیا اور 20 گیندوں پر 30 رنز کی برق رفتار اننگز کھیلی۔ وہ حسن علی کی گیند پر کلین بولڈ ہوئے۔ سینٹنر نے 37رنز بنائے۔

اس طرح نیوزی لینڈ کی ٹیم 3ء18 اوورز میں 153 رنز بناسکی اور پاکستان نے 48 رنز سے میچ جیت کر سیریز 1-1 سے برابر کردی۔

پاکستان کی طرف سے فہیم اشرف نے تین، محمد عامر اور شاداب خان نے دو، دو جبکہ رومان رئیس اور حسن علی نے ایک، ایک وکٹ حاصل کی۔

سیریز کا تیسرا اور آخری میچ اتوار کو بے اوول، ماؤنٹ ماؤنگانوئی میں کھیلا جائے گا۔

Print Friendly, PDF & Email
امریکہ کی ایک عدالت نے جمناسٹکس کے مشہور ڈاکٹر لیری نصر کو کم عمر لڑکیوں کے ساتھ جنسی زیادتیوں کے جرم میں کئی دہائیوں کی قید کی سزا
معطل ایس ایس پی ملیر راﺅ انوار نے کہا ہے کہ گرفتاری کیوں دوں گا کوئی غلط کام نہیں کیا

Leave a Reply

Your email address will not be published. Required fields are marked *

*

Translate News »