چودھری پرویزالٰہی سے فردوس عاشق اعوان کی ملاقات     No IMG     یوکرین کے مزاحیہ اداکار ملک کے صدر منتخب     No IMG     وزیروں کو نکالنے سے سلیکٹڈ وزیراعظم کی نااہلی نہیں چھپے گی, بلاول بھٹو زرداری     No IMG     ایران کے صدر حسن روحانی نے تہران میں سعد آباد محل میں پاکستانی وزیر اعظم عمران خان کا باقاعدہ اور سرکاری طور پر استقبال     No IMG     بھارت اور چین کے مابین پیر کے روز بیجنگ میں باہمی فیصلہ کن مذاکرات کا آغاز     No IMG     بھارتی وزیر اعظم,ہمارا پائلٹ واپس نہ کیا جاتا تو اگلی رات خون خرابے کی ہوتی     No IMG     ملکی سیاسی پارٹیاں ووٹ تو غریبوں ،محنت کشوں کے نام پر لیتی ہیں مگر تحفظ جاگیرداروں اور مافیاز کو دیتی ہیں ,جواد احمد     No IMG     افغان سپریم کورٹ نے صدر کے انتخاب تک صدر اشرف غنی کی مدت صدارت میں توسیع کردی     No IMG     آزاد کشمیر میں منڈا بانڈی کے مقام پر ایک جیپ کھائی میں گرنے سے 5 افراد ہلاک     No IMG     مصرمیں صدرکےاختیارات میں اضافے کےلیے ہونےوالے تین روزہ ریفرنڈم میں ووٹ ڈالنےکا سلسلہ جاری ہے     No IMG     لاہور میں 3 منزلہ خستہ حال گھر زمین بوس ہونے کے نتیجے میں خاتون سمیت 6 افراد جاں بحق جبکہ 4 افراد زخمی     No IMG     وزیراعظم عمران خان ایران کے پہلے سرکاری دورے پر تہران پہنچ گئے     No IMG     سری لنکا میں کل ہونے والے آٹھ بم دھماکوں کے نتیجے میں 300 افراد ہلاک اور 500 زخمی     No IMG     وزیراعظم عمران خان نے مکران کوسٹل ہائی وے پر دہشت گردی کی سخت مذمت کرتے ہوئے حکام سے واقعے پر رپورٹ طلب کر لی     No IMG     افغانستان اور افغان طالبان کے درمیان مذاکرات ایک مرتبہ پھر کھٹائی میں پڑتے دکھائی دے رہے ہیں     No IMG    

نئی دہلی کی ہوا میں آلودگی کی شرح میں ’خطرناک حد‘ تک اضافے کے باعث پرائمری اسکول بند
تاریخ :   07-11-2017

نئی دہلی  (ورلڈ فاسٹ نیوز فار یو)کی ہوا میں آلودگی کی شرح میں ’خطرناک حد‘ تک اضافے کے باعث پبلک ہیلتھ کے شعبے میں ایمرجنسی کا نفاذ کر دیا گیا ہے۔ ’سموگ‘ میں اضافے کے نتیجے میں پرائمری اسکولوں کو بھی عارضی طور پر بند کرنے کا اعلان کیا گیا ہے۔

خبر رساں ادارے اے ایف پی نے بھارتی حکام کے حوالے سے بتایا ہے کہ بھارتی دارالحکومت نئی دہلی میں ’سموگ‘ کی شرح میں خطرناک حد تک اضافے کے باعث شہر بھر میں طبی سطح پر ہنگامی حالت نافذ کر دی گئی ہے۔ محمکہ صحت سے وابستہ ماہرین نے شہریوں کو تاکید کی ہے کہ وہ غیر ضروری طور پر گھروں سے باہر نہ نکلیں۔

اس صورتحال میں بچوں اور عمر رسیدہ افراد کو زیادہ محتاط رہنے کی ہدایات کی گئی ہے۔ ہوا میں ’سموگ‘ یا آلودہ دھند کے باعث نئی دہلی کے اسکولوں کو عارضی طور پر بند کرنے کا فیصلہ کیا گیا ہے۔ مقامی حکام نے خبردار کیا ہے کہ آئندہ کچھ دنوں میں آلودگی کی اس شرح میں مزید اضافہ بھی ہو سکتا ہے۔

انڈین میڈیکل ایسوسی ایشن نے پیر کے دن ہی مطالبہ کیا تھا کہ فضا میں ضرر رساں ذرات میں اضافے میں کمی کی خاطر فوری طور پر اقدامات اٹھائے جائیں۔ طبی اور شہری حلقوں کی طرف سے تحفظات کے بعد نئی دہلی کے نائب وزیرا علیٰ منیش سیسوڈا نے سات اکتوبر کو اعلان کیا کہ بدھ کے دن پرائمری اسکول بند رہیں گے اور دیگر تعلیمی اداروں میں صبح کی اسمبلیاں منعقد نہیں کی جائیں گی۔ سن دو ہزار پندرہ کے حکومتی اعدادوشمار کے مطابق نئی دہلی میں تقریبا دو ملین بچے پرائمری اسکولوں میں رجسٹرڈ ہیں۔

 ڈاکٹروں کی تنظیم انڈین میڈیکل ایسوسی ایشن  نے بتایا نئی دہلی کے باسیوں کو آنکھوں میں جلن اور حلق میں تکلیف کی شکایت کا سامنا ہے، جس کی وجہ شہر کی فضا میں مضر صحت ذرات کی موجودگی میں خطرناک حد تک اضافہ بنا ہے۔ گزشتہ برس عالمی ادارہ صحت کی جانب سے جاری کیے جانے والے ایک جائزہ کے مطابق نئی دہلی دنیا کے آلودہ ترین شہروں مں سے ایک ہے۔

دوسری طرف پاکستان کے کئی شہروں میں بھی سموگ میں اضافے کی وجہ سے شہری پریشانی کا شکار ہیں۔ اسلام آباد، لاہور اور ملتان کے علاوہ کئی شہروں میں ہوا میں آلودگی کی شرح میں اضافے سے بالخصوص بچوں اور برزگوں کو سانس اور آنکھوں میں تکلیف کی شکایات کی جا رہی ہیں۔

جنوبی ایشیا میں ماحولیاتی آلودگی کی یہ شرح ایک ایسے وقت میں زیادہ ہوئی ہے، جب جرمن شہر بون میں عالمی ماحولیاتی کانفرنس COP 23 کا آغاز ہو چکا ہے۔ اقوام متحدہ کے زیر اہتمام جاری اس اجلاس میں 195 ممالک کے پچیس ہزار سے زائد افراد شریک ہیں، جو پیرس کلائمٹ ڈیل کے تحت کیے جانے والے وعدوں پر عملدرآمد کے لیے ایک عالمی حکمت عملی ترتیب دینے کی کوشش کریں گے۔

Print Friendly, PDF & Email
، پاکستان اور ایران ؛اپنی سرزمین ایک دوسرے کے خلاف استعمال ہونے کی اجازت نہ دینے پر اتفاق
جیشِ محمد کے سربراہ مسعود اظہر کا بھتیجا جھرپ میں ہلاک،بھارتی پولیس فورس سی آر پی ایف

Leave a Reply

Your email address will not be published. Required fields are marked *

*

Translate News »