دنیا بھر میں آج ہندو برادری اپنا مذہبی تہوار ہولی منا رہی ہے     No IMG     افغانستان کے صوبے ہرات میں سیلاب سے 13 افراد کے جاں بحق ہونے سے ہلاکتوں کی مجموعی تعداد 63 ہوگئی     No IMG     لیبیا میں پناہ گزینوں کو لے جانے والی کشتی ڈوب گئی جس کے نتیجے میں 9 افراد ہلاک     No IMG     اسرائیلی دہشت گردی، غرب اردن میں مزید3 فلسطینیوں کو شہید کردیا     No IMG     پیپلز پارٹی کےچیئرمین نے 3 وفاقی وزرا کو فارغ کرنے کا مطالبہ کردیا     No IMG     وزیراعظم عمران خان کی ہولی کے تہوار پر ہندو برادی کو مبارک باد     No IMG     سابق وزیراعظم نوازشریف نے ای سی ایل سے نام نکالنے کی درخواست دائر کردی     No IMG     سمجھوتہ ایکسپریس کیس کا فیصلہ 12 سال بعد بھی تاخیر کا شکار     No IMG     وزیر اعظم آئین کے آرٹیکل 214 کی شق دو اے پر عمل کرنے میں ناکام     No IMG     روس کے وزیر دفاع سرگئی شویگو نے شام کے صدر بشار اسد سے ملاقات     No IMG     بھارت اور پاکستان متنازع معاملات مذاکرات کے مذاکرات کے ذریعے حل کریں,چین     No IMG     بریگزیٹ پرٹریزامے کی حکمت عملی انتہائی کمزورہے، ٹرمپ     No IMG     امریکی وزیر خارجہ مائیک پمپئو کی کویت کے بادشاہ سے ملاقات     No IMG     نیوزی لینڈ میں جمعہ کو سرکاری ریڈیو اور ٹی وی سے براہ راست اذان نشر ہوگی,جیسنڈا آرڈرن     No IMG     جھوٹی گواہی دینے پر کاروائی کی جائے گی،عدالتیں جھوٹے گواہ کے خلاف کسی قسم کی لچک نہ دکھائیں,۔چیف جسٹس آف پاکستان     No IMG    

مقبوضہ کشمیر میں سیلاب سے تباہی، پانچ افراد زندہ دفن
تاریخ :   24-09-2018

سرینگر( ورلڈ فاسٹ نیوزفاریو ) بھارت مقبوضہ کشمیر میں مسلسل دو دِن سے جاری موسلا دھار بارشوں کی وجہ سے کئی علاقوں میں سیلاب سے کم سے کم پانچ افراد ہلاک ہوئے ہیں جبکہ رات بھر جاری رہنے والی کارروائیوں کے دوران 29 افراد کو جن کے گھر زیرِ آب آ

گئے تھے، زندہ بچالیا گیا۔ تباہ کُن سیلاب کی زد میں آکر پہاڑی ندیوں پر موجود کئی پُل بہہ گئے ہیں، رابطہ سڑکوں کو شدید نقصان پہنچا ہے اور نجی گھر بہہ گئے ہیں۔مٹی اور چٹانوں کا تودہ گر آنے کے ایک واقعے میں جو پہاڑی ضلع ڈوڈہ کے بھلیسہ علاقے کے گلی بٹھولی گاؤں میں پیش آیا، ایک ہی کنبے کے پانچ افراد لقمہء اجل بن گئے۔ضلع کمشنر سمرن دیپ سنگھ نے ورلڈ فاسٹ نیوزفاریو کو بتایا کہ 25 سالہ بشیر احمد، 22 سالہ نگینہ بیگم اور تین کم سن بچے اُس وقت زندہ دفن ہو گئے جب اُن کا کچا مکان جس میں وہ سو رہے تھے مٹی اور چٹانوں کے ایک بڑے تودے کی زد میں آ کر دب گیا۔ گھر کے عقب میں موجود درجنوں بھیڑ بکریاں اور مویشی بھی ہلاک ہو گئے۔”مرنے والے پانچوں افراد کی لاشیں برآمد کرلی گئی ہیں۔ یہ ایک انتہائی افسوسناک اور دلخراش واقعہ ہے۔ ہم نے فی کس چار لاکھ روپے فوری امداد کے طور پر مرنے والوں کے لواحقین کے حق میں منظور کرلئے ہیں۔ اس کے علاوہ مکان اور اس میں موجود سامان کو پہنچنے والے نقصان کی تلافی بھی کی جا رہی ہے”۔عہدیداروں نے بتایا کہ ریاست کے کھٹوعہ ضلعے میں 29 افراد کو جن میں دس بچے اور چھ خواتین بھی شامل تھیں دو دن کی موسلا دھار بارش کے بعد فوری سیلاب کی زد میں آگئے۔ تاہم پولیس اور انتظامیہ نے ضلع کے چار دیہات میں رات بھر جاری رہنے والی کارروائیوں کے دوران اس سب کو بچا لیا ۔فوری سیلاب اور مٹی اور چٹانوں کے تودے گر نے کے واقعات میں سب سے زیادہ متاثرہ ڈوڈہ ضلعے میں تمام تعلیمی ادارے احتیاطاً بند کر دئے گئے ہیں۔عہدیداروں نے بتایا کہ ڈوڈہ اور جموں خطے کے دوسرے متاثرہ علاقوں میں امدادی کارروائیوں کی بہتر عمل داری کے لئے خصوصی کنٹرول رومز قائم کئے گئے ہیں۔ پولیس کو ہنگامی صورتِ حال کا مقابلہ کرنے کیلئے چوکنا کر دیا گیا ہے۔ امدادی کارروائیوں کے لئے تجربہ کار ٹیمیں مختلف غیر محفوظ مقامات پر تعینات کردی گئی ہیں اور ہیلپ لائین نمبر جاری کر دئے گئے ہیں جن کے ذریعے لوگ خطرے کی صورت میں پولیس اور انتظامیہ سے فوری رابطہ قائم کر سکتے ہیں۔اگرچہ سرینگر- جموں شاہراہ پر ٹریفک جزوی طور پر بحال کردی گئی ہے، بھارتی زیرِ انتظام کشمیر کے لداخ خطے کو گرمائی صدر مقام سرینگر سے ملانے والی 422 کلو میٹر سڑک اورلداخ کے مرکزی شہر لیہہ کو شمالی بھارتی ریاست ہماچل پردیش سے جوڑنے والی لیہہ- منالی سڑک ابھی بھی بند پڑی ہیں۔عہدیداروں کے مطابق، لداخ اور وادئ کشمیر کے بالائی علاقوں میں شدید برفباری کے بعد کئی پہاڑی راستے بند ہو گئے ہیں۔

Print Friendly, PDF & Email
نیا پاکستان صحت کاشعبہ ٹھیک کرنے کاٹاسک وزیراعظم عمران خان کے کزن کے ذمے
بیت المقدس سے تعلق رکھنے والے 13 فلسطینیوں کو مسجد اقصیٰ سے بے دخل
Translate News »