امریکی صدر شیر کی دم کے ساتھ کھیلنا ترک کردے ۔ مزاحمت یا تسلیم کے علاوہ کوئي اور راستہ نہیں۔     No IMG     افریقی ملک مراکش کی عدالت نے ایک بچی کی اجتماعی عصمت ریزی کے گھناؤنے واقعے کی اعلیٰ سطحی تحقیقات شروع     No IMG     دوست کو چاقو کے وارسے قتل کرنے والی حسینا کو سزائے موت     No IMG     بہاولپور جلسے میں کم تعداد پر عمران خان برہم لیکن پارٹی عہدیداران نے ایسی بات بتادی کہ کپتان کیساتھ جہانگیر ترین بھی حیران پریشان     No IMG     اکرام گنڈا پور کے قافلے پر خود کش حملہ، ڈرائیور شہید، تحریک انصاف کے امیدوار اور 2 پولیس اہلکاروں سمیت 6 افراد زخمی     No IMG     پاکستان اچھا کھیلاہم بہت براکھیلے،زمبابوین کھلاڑی کا اعتراف     No IMG     پاکستان سمیت دنیا بھر میں28 جولائی کو مکمل چاند گرہن ہوگا     No IMG     حنیف عباسی کا فیصلہ انصاف کے اصولوں پر مبنی نہیں , شہباز شریف     No IMG     سعودی عرب غیر ملکی ٹرک ڈرائیوروں پر پابندی سے ماہانہ 200ملین ریال کا نقصان ہوگا     No IMG     امریکہ میں کال سینٹر اسکینڈل میں ملوث 21 بھارتی شہریوں کو20 سال تک کی سزا     No IMG     اسرائیی حکومت نے القدس میں سرنگ کی مزید کھدائی کی منظوری دے دی     No IMG     ویتنام کے شمالی علاقوں میں سمندری طوفان سے 20 افراد ہلاک اور14 زخمی ہوگئے     No IMG     شیخ رشید کا کہنا ہے کہ حنیف عباسی کو عمر قید کی سزا ملنے سے اب این اے 60 راولپنڈی کا الیکشن یکطرفہ ہو جائے گا     No IMG     حنیف عباسی نے انسداد منشیات عدالت کی جانب سے دی گئی عمرقید کو ہائیکورٹ میں چیلنج کرنے کا اعلان     No IMG     اسرائیل کے مجرمانہ حملوں میں 4 فلسطینی شہری شہید     No IMG    

مشرق وسطی

  • اسرائیی حکومت نے القدس میں سرنگ کی مزید کھدائی کی منظوری دے دی

    بیت المقدس ( ورلڈفاسٹ نیوزفاریو) اسرائیلی حکومت کی طرف سے القدس میں تعمیر ومرمت کے حوالے سے قائم کردہ ضلعی کمیٹی نے پرانے بیت المقدس میں کھودی گئی سرنگ کو مزید طول دینے کے لیے کھدائی کی منظوری دے دی ہے۔

    مرکزاطلاعات فلسطین کے مطابق منصوبے کے تحت بیت المقدس کے باب الخلیل سے باب العامود تک سرنگ کھودنے کی منظوری دی گئی ہے۔ القدس کے شمال کی سمت میں کھودی جانے والی اس سرنگ کو ’اسرائیلی آرمی ٹنل‘ کا نام دیا گیا ہے۔

    عبرانی جریدے ’کول ھعیر‘ کے مطابق مذکورہ سرنگ کو القدس میں آمد ورفت کے لیے استعمال کیا جائے گا۔ اس کی تکمیل کے بعد شاہراہ الانبیاء پر گاڑیوں اور  القدس کی میٹرو ٹرین پر سواریوں کا بوجھ کم کرنے میں مدد ملے گی۔ سرنگ کا نیا حصہ ایک کلو میٹر پر محیط ہوگا۔

    خیال رہے کہ اسرائیل نے ملٹری ٹنل کے نام سے سرنگ کی کھدائی کا سلسلہ کچھ عرصہ قبل شروع کیا تھا۔ اس منصوبے پر 3 کروڑ 60 لاکھ ڈالر کا تخمینہ لگایا  گیا ہے۔ شمال کی طرف سے یہ سرنگ مندلبوم اور امریکن کالونی ہوٹل سے متصل ہے۔

    سرنگ سے باہر نکلنے کے تین ہنگامی راستے بھی بنائے گئے ہیں۔

  • اسرائیل کے مجرمانہ حملوں میں 4 فلسطینی شہری شہید
    غزہ( ورلڈفاسٹ نیوزفاریو) پر اسرائیل کے مجرمانہ حملوں میں 4 فلسطینی شہری شہید ہوگئے ہیں۔

     

  • غزہ بارڈر کے قریب جھڑپیں،3 فلسطینی ہلاک

    غزہ ( ورلڈفاسٹ نیوزفاریو) فلسطین کی وزارت صحت نے کہا ہے کہ غزہ پٹی پر اسرائیلی فوج کی فائرنگ سے تین فلسطینی ہلاک ہو گئے ہیں۔ دوسری جانب اسرائیلی فوج کا موقف ہے کہ ان فلسطینی باشندوں نے سرحد کے قریب اسرائیلی فوجیوں پر گولیاں چلائی تھیں جس کے جواب میں غزہ میں عسکریت پسندوں کے اہداف پر فضائی حملے اور گولہ باری کی گئی۔ غزہ کے میڈیا کا کہنا ہے کہ ہلاک ہونے والے افراد میں سے دو کا تعلق حماس سے تھا اور انہوں نے بارڈر کی طرف مارٹر بم پھینکے تھے۔

  • قطر دوحہ میں انٹرنیشنل پراڈکٹ ایگزیبیشن اورکانفرنس 8اکتوبر سے شروع ہوگی

     دوحہ ( ورلڈفاسٹ نیوزفاریو ) قطرکے دارالحکومت دوحہ میں انٹرنیشنل پراڈکٹ ایگزیبیشن اورکانفرنس 8اکتوبر سے شروع ہوگی۔اس نمائش میں متعدد عالمی کمپنیوں کی شرکت متوقع ہے۔

    ٹریڈ ڈیولپمنٹ اتھارٹی آف پاکستان کے مطابق نمائش تین روز تک جاری رہے گی۔ اتھارٹی نے نمائش میں 12 مربع میٹر سٹال کیلئے 70 ہزارروپے کی شراکتی فیس مقرر کی ہے۔ نمائش میں شرکت کی خواہش مند کمپنیوں کو 3 اگست تک درخواستیں جمع کرانے کی ہدایت کی گئی ہے۔

  • شام ميں دہشت گردوں نے 900 افراد کو یرغمال بنالیا

     شام( ورلڈفاسٹ نیوزفاریو) میں سرگرم  دہشت گردوں نے فوعہ اور کفریا کے علاقہ سے معاہدے کے تحت 20 بسوں میں خارج ہونے والے 900 افراد کو یرغمال بنا لیا ہے۔

    اطلاعات کے مطابق صوبہ ادلب میں دہشت گردوں نے فوعہ اور کفریا چھوڑنے والے آخری گروہ کی 20 بسوں کو یرغمال بنا لیا ہے۔ بعض دہشت گرد بسوں

    میں سوار افراد کے ذاتی اموال اور عورتوں کے زيورات کو لوٹ رہے ہیں۔ فوعہ اور کفریا کا دہشت گردوں نے گذشتہ تین سال سے محاصرہ کررکھا تھا اور جمعرات کو ایک معاہدے کے تحت فوعہ اور کفریا کے باشندوں کو نکالا گيا لیکن آخری گروہ کو دہشت گردوں نے یرغمال بنالیا ہے۔

  • سرائیلی نام نہاد پابندیاں، 1700 فلسطینی بیرون ملک سفر سے محروم

    اسرائیلی ( ورلڈفاسٹ نیوزفاریو)حکام کی جانب سے نام نہاد سیکیورٹی وجوہات کی آڑ میں فلسطینی شہریوں کے بیرون ملک سفر عاید ناروا پابندیوں کا سلسلہ بدستور جاری ہے۔ گذشتہ چھ ماہ کے دوران صہیونی حکام نے 1700 سے زائد فلسطینیوں کو بیرون ملک سفر سے روک دیا۔ تمام فلسطینیوں کو غرب اردن کی واحد بین الاقوامی گذرگاہ ’الکرامہ‘ پر روکا گیا۔

    مرکز اطلاعات فلسطین کے مطابق فلسطینی پولیس کا کہنا ہے کہ کاغذات اور سفری دستاویزات مکمل ہونے کے باوجود اسرائیلی حکام نے ’الکرامہ‘ گذرگاہ سے اردن داخل ہونے والے فلسطینیوں کو بیرون ملک جانے سے روک دیا۔ گذشتہ چھ ماہ کے دوران سفر سے محروم فلسطینیوں کی تعداد 1717 بیان کی گئی ہے۔

    ایک رپورٹ کے مطابق جون میں 309 فلسطینیوں کو بیرون ملک سفر سے محروم رکھا گیا۔ مئی 2018ء میں 197، اپریل میں 2077، مارچ میں 211، فروری میں 207 اور جنوری میں دو سو سے زاید فلسطینیوں کو بیرون ملک سفر سے محروم کیا گیا۔

    فلسطینی شہریوں اور انسانی حقوق کے کارکنوں کا کہنا ہے کہ صہیونی حکام کی جانب سے شہریوں کے بیرون ملک سفر پر عاید پابندیاں انسانی حقوق کی سنگین پامالی ہیں اور اسرائیلی انتظامیہ فلسطینیوں کو بلیک میل کرنے اور انہیں خوف زدہ کرنے کے لیے ان پرسفری قدغنیں عاید کر رہی ہے۔

  • سعودی عرب کی کابینہ نے سعودی عرب۔ کویت رابطہ کونسل کے قیام کی باضابطہ منظوری دے دی

    سعودی عرب( ورلڈفاسٹ نیوزفاریو) کی کابینہ نے سعودی عرب۔ کویت رابطہ کونسل کے قیام کی باضابطہ منظوری دے دی ہے۔

     سعودی کابینہ کا اجلاس خادم الحرمین الشریفین شاہ سلمان بن عبدالعزیز کی زیرصدارت جدہ میں ہوا۔ اجلاس میں سعودی عرب ۔ کویت رابطہ کونسل کے لیے وزیر خارجہ عادل الجبیر کونسل کا سربراہ مقرر کیا گیا۔

    خیال رہے کہ ماضی میں بھی سعودی عرب مختلف ملکوں کے ساتھ سیاسی اور اقتصادی رابطہ کونسلوں کے قیام کے لیے اقدامات کرتا رہا ہے۔ اس سے قبل سعودی عرب متحدہ عرب امارات، مصر اور عراق کے ساتھ رابطہ کونسلیں قائم کرچکا ہے۔ رابطہ کونسل کے قیام کا مقصد سعودی عرب اور دوسرے ملکوں کے ساتھ مشترکہ تعاون کو فروغ دینا ہے۔

  • اسرائیل نے فلسطین پر فضائی حملہ کردیا جس کے نتیجے1 فلسطینی شہید 3 زخمی

    غزہ ( ورلڈفاسٹ نیوزفاریو) اسرائیل کے جنگی طیاروں نے غزہ کے جنوب میں واقع رفح شہر پر فضائی حملہ کیا ہے جس کے نتیجے میں 1 فلسطینی شہید اور 3 زخمی ہوگئے ہیں۔ اطلاعات کے مطابق غزہ پر اسرائیلی بربریت اور جارحیت کا سلسلہ جاری ہے اسرائيل کے تازہ ترین حملے میں 1 فلسطینی شہید اور 3 زخمی ہوگئے ہیں۔

  • یمنی فورسز نے سعودی عرب کے شہر جیزان کے ايئر پورٹ پر بیلسٹک میزائل داغا ہے جس نے اپنے ہدف کو بالکل ٹھیک نشانہ بنایا ہے۔

    یمن ( ورلڈفاسٹ نیوزفاریو) یمنی فورسز نے سعودی عرب کے شہر جیزان کے ايئر پورٹ پر بیلسٹک میزائل داغا ہے جس نے اپنے ہدف کو بالکل ٹھیک نشانہ بنایا ہے۔ یمنی فورسز نے کل رات سعودی رعب کے دارالحکومت ریاض میں سعودی رعب کی تیل کی کمپنی ارامکو پر بھی ڈرون طیارے کے ذریعہ حملہ کیا جس کے نتیجے میں ارامکو میں آگ لگ گئی۔

  • اسرائیل کو یہودیوں کی ایک قومی ریاست قرار دینے کا بل منظور

    اسرائیلی( ورلڈفاسٹ نیوزفاریو) پارلیمان نے ملک کو یہودیوں کی قومی ریاست قرار دینے کا متنازعہ بل منظور کر لیا ہے۔ یہ بل عرب شہریوں سے امتیازی سلوک کا سبب بن سکتا ہے۔ اس کی وجہ سے عربی زبان کا درجہ کم ہو کر ’خصوصی زبان‘ کا ہو گیا ہے۔

    اسرائیل کو یہودیوں کی ایک قومی ریاست قرار دینے کا بل دائیں بازو کے قانون سازوں کی طرف سے پیش کیا گیا تھا جبکہ سول آزادی اور بالادستی کی تنظمیوں کی طرف سے اس کی شدید مخالفت کی گئی تھی۔ جمعرات  کو ہونے والی ووٹنگ میں پچپن اراکین نے اس بل کی مخالفت جبکہ باسٹھ ممبران نے اس کی حمایت کی۔

    اس قانون سازی کو آئینی ترمیم کی طرح بنیادی قانون کا حصہ بنایا جائے گا اور اسرائیلی عدلیہ کی بنیاد بھی اسی پر ہو گی۔  اس بل کی منظوری کے ساتھ ہی ہِبریو زبان کو اسرائیل کی قومی زبان قرار دے دیا گیا ہے اور عربی زبان کے درجے میں کمی کرتے ہوئے اسے ’خصوصی درجہ‘ فراہم کیا گیا ہے۔ ملکی وزیراعظم بینجمن نیتن یاہو نے اس بل کی منظوری کو ’صیہونیت کی تاریخ میں ایک تاریخی لمحہ قرار دیا ہے۔‘‘

    دوسری جانب شہری آزادی کے گروپوں اور عرب اسرائیلوں نے اس بل کو شدید تنقید کا نشانہ بنایا ہے۔ اس بل کی مخالفت کرنے والے اپوزیشن قانون سازوں کا بھی کہنا تھا کہ اس طرح اسرائیل کے جمہوری کردار کو یہودی کردار میں تبدیل کر دیا گیا ہے اور اس کی قیمت ملکی اقلیتوں کو چکانا پڑے گی۔

    اسرائیل میں سول رائٹس ایسوسی ایشن کا کہنا تھا، ’’یہ بل دیگر اقلیتوں کے تمام شعبہ ہائے زندگی میں نسل پرستانہ ریوں کے راستے کھولتا ہے۔‘‘ اسرائیل کی نو ملین آبادی میں سے عرب اسرائیلیوں کی تعداد تقریبا بیس فیصد ہے۔ ایک عرب قانون ساز احمد الطیبی کا کہنا تھا، ’’یہ اسرائیل میں جمہوری اصولوں کا خاتمہ ہے۔‘‘ اسی طرح عرب جوائنٹ لسٹ کے سربراہ ایمن عودہ کا سیاہ پرچم لہراتے ہوئے کہنا تھا، ’’یہ ایک برا قانون ہے۔‘‘ انہوں نے بھی اسے جمہوریت کے خاتمے سے تعبیر کیا ہے۔

  • فلسطین اسرائیلی فوج کا وحشیانہ کریک ڈاؤن، حماس رہ نما سمیت29 فلسطینی گرفتار

    فلسطین ( ورلڈفاسٹ نیوزفاریو) اسرائیلی فوج کا وحشیانہ کریک ڈاؤن، حماس رہ نما سمیت29 فلسطینی گرفتار
    فلسطین کے دریائے اردن کے مغربی کنارے کے مختلف شہروں میں آج بدھ کو اسرائیلی فوج نے گھر گھر تلاشی کی کارروائیوں کے دوران کم سے کم29

    فلسطینیوں کو حراست میں لے لیا۔ گرفتار کیے جانے والوں میں اسلامی تحریک مزاحمت [حماس] کے ایک مقامی رہ نما اور سابق اسیران بھی شامل ہیں۔

    مرکزاطلاعات فلسطین کے مطابق قابض فوج نے مغربی کنارے کے شمالی شہر جنین میں تلاشی کے دوران سابق اسیر عومی عونی، عدنان کمیل، حسن یوسف دھماز، عصام یوسف سباغنہ،19 سال اسرائیلی جیل میں قید رہنے والے سابق اسیر عبدالحکیم صالح موسیٰ، معاذ صالح موسیٰ، فادی حسین الاطرش، برھان مصطفیٰ الاطرش، وسام ابو زید، احمد طیب جرادات اور اس کے تین بیٹوں صابر، تامیر اور روؤف کو حراست میں لینے کے بعد نامعلوم مقام پر منتقل کردیا۔

    ادھر غر ب اردن کے وسطی شہر رام اللہ میں البیرہ کے مقام سے سات فلسطینیوں کو گرفتار کیا گیا۔ ان میں سابق اسیر سامی حسین بھی شامل ہیں جو 25 سال تک صہیونی زندانوں میں قید رہے ہیں۔ اس کے علاوہ سابق اسیر ساید بو البھاء، ابراہیم احمد فرج التمیمی، عمر محمد طالب البرغوثی، نسیم حسنی البرغوثی، ایوب رسمی ابو علیا اور منتصر مصباؓح ابو علیا کو حراست میں لیا گیا۔

    کلب برائے اسیران کے مطابق قابض فوج نے غرب اردن کے جنوبی شہر الخلیل میں گھر گھر تلاشی کے دوران پانچ شہریوں کو گرفتار کیا۔ ان کی شناخت عدی امور، رامی النجار، احمد جبرین، محمد جبرین اور محمد العمور کے ناموں سے کی گئی ہے۔ چار فلسطینیوں کو بیت المقدس سے گرفتار کیا جن کی شناخت عمر محیسن، محمود سعدی العدوین، مصباح ابو سارہ، عبداللہ ابو سارہ اور 21 سالہ موسیٰ جمال موسیٰ سروجی کوغرب اردن کے شمالی شہر طولکرم میں ذنابہ کے مقام سے گرفتار کیا گیا۔

    جنین میں گرفتار کیے گئے ایک درجن شہریون میں سے بیشتر حماس کے کارکن ہیں۔ جنوبی جنین میں مرکہ کے مقام سے دو سگے بھائیوں عبدالحکیم موسیٰ اور معاذ موسیٰ کو حراست میں لے لیا۔ عبدالحکیم بیس سال تک صہیونی زندانوں میں قید کاٹ چکے ہیں۔ ان کا تعلق اسلامی تحریک مزاحمت حماس کے ساتھ ہے اور انہیں جماعت کا مقامی سطح پر سرکردہ رہ نما سمجھا جاتا ہے

    عینی شاہدین نے ذرائع ابلاغ کو بتایا کہ صہیونی فوج نے تلاشی کی کارروائیوں کے دوران گھروں میں گھس کرخواتین اور بچوں کو زدوکوب کیا۔ گھروں میں تلاشی کی آڑ میں قیمتی سامان کی توڑُپھوڑ کی اور نقدی اور طلائی زیورات لوٹ لیے۔

  • اسرائیل نے غزہ میں سامان کی ترسیل کے واحد راستے بھی بند کردیا

    غزہ( ورلڈفاسٹ نیوزفاریو) فلسطینی تنظیم حماس کی جانب سے غزہ کی پٹی پر غباروں کے ذریعہ آتش زنی کے تازہ واقعات کے بعد اسرائیل نے غزہ میں سامان کی ترسیل کے واحد راستے پر پابندیوں کو مزید سخت کر دیا ہے۔ اطلاعات کے مطابق کیرم شلوم کے راستے سے اب اتوار تک ایندھن کی ترسیل ممکن نہیں ہو گی تاہم خوراک اور ادویات کو بھیجنے کی اجازت ہوگی۔

    اسرائیل کے وزیر دفاع نے پابندیوں کی تائيد کرتے ہوئے کہا ہے کہ حماس اسرائیل فلسطینیوں کے خلاف ہر قسم کی کارروائی کرنے کے لئے آمادہ ہے۔