دنیا بھر میں آج ہندو برادری اپنا مذہبی تہوار ہولی منا رہی ہے     No IMG     افغانستان کے صوبے ہرات میں سیلاب سے 13 افراد کے جاں بحق ہونے سے ہلاکتوں کی مجموعی تعداد 63 ہوگئی     No IMG     لیبیا میں پناہ گزینوں کو لے جانے والی کشتی ڈوب گئی جس کے نتیجے میں 9 افراد ہلاک     No IMG     اسرائیلی دہشت گردی، غرب اردن میں مزید3 فلسطینیوں کو شہید کردیا     No IMG     پیپلز پارٹی کےچیئرمین نے 3 وفاقی وزرا کو فارغ کرنے کا مطالبہ کردیا     No IMG     وزیراعظم عمران خان کی ہولی کے تہوار پر ہندو برادی کو مبارک باد     No IMG     سابق وزیراعظم نوازشریف نے ای سی ایل سے نام نکالنے کی درخواست دائر کردی     No IMG     سمجھوتہ ایکسپریس کیس کا فیصلہ 12 سال بعد بھی تاخیر کا شکار     No IMG     وزیر اعظم آئین کے آرٹیکل 214 کی شق دو اے پر عمل کرنے میں ناکام     No IMG     روس کے وزیر دفاع سرگئی شویگو نے شام کے صدر بشار اسد سے ملاقات     No IMG     بھارت اور پاکستان متنازع معاملات مذاکرات کے مذاکرات کے ذریعے حل کریں,چین     No IMG     بریگزیٹ پرٹریزامے کی حکمت عملی انتہائی کمزورہے، ٹرمپ     No IMG     امریکی وزیر خارجہ مائیک پمپئو کی کویت کے بادشاہ سے ملاقات     No IMG     نیوزی لینڈ میں جمعہ کو سرکاری ریڈیو اور ٹی وی سے براہ راست اذان نشر ہوگی,جیسنڈا آرڈرن     No IMG     جھوٹی گواہی دینے پر کاروائی کی جائے گی،عدالتیں جھوٹے گواہ کے خلاف کسی قسم کی لچک نہ دکھائیں,۔چیف جسٹس آف پاکستان     No IMG    

مذاکرات کی کامیابی تک شام اور عراق سے نہیں نکلیں گے,امریکی وزیر دفاع جیمز میٹس
تاریخ :   14-11-2017

امریکی (ورلڈ فاسٹ نیوز فار یو) سربراہی میں قائم اتحاد شام اور عراق میں داعش کے خلاف جنگ اُس وقت تک جاری رکھے گا جب تک اقوام متحدہ کی طرف سے جاری امن مذاکرات آگے نہیں بڑھتے۔ یہ بات امریکی وزیر دفاع جیمز میٹس نے کہی ہے۔

خبر رساں ادارے اے ایف پی کے مطابق جمیز میٹس کا صحافیوں سے گفتگو کرتے ہوئے کہنا تھا، ’’جب تک جنیوا امن مذاکرات آگے نہیں بڑھتے، ہم اُس وقت تک چھوڑ کر جانے والے نہیں ہیں۔‘‘ میٹس کا مزید کہنا تھا، ’’آپ کو اس بگڑی ہوئی صورتحال کو سنبھالنے کے لیے اب کچھ کرنا ہے، صرف یہ نہیں کہ آپ فوجی لڑائی تو لڑیں اور باقی صورتحال کے لیے محض گڈ لک کہہ کر چھوڑ دیں۔‘‘

سابق میرین جنرل کا یہ بھی کہنا تھا کہ امریکی سربراہی میں اتحاد کا ہمیشہ سے ہدف داعش کے خلاف لڑنا اور شام کی خانہ جنگی کے خاتمے کے لیے ایک سفارتی حل تلاش کرنا تھا: ’’ہم اس بات کو یقینی بنا رہے ہیں کہ ایک سفارتی حل کے لیے صورتحال کو موزوں بنایا جائے۔‘‘

امریکی وزیر دفاع جیمز میٹِس کی طرف سے یہ بیان امریکا اور روس کی طرف سے ہفتہ 11 نومبر کو جاری کیے گئے ایک مشترکہ بیان کے دو دن بعد سامنے آیا جس میں کہا گیا تھا کہ شامی تنازعے کا ’’کوئی فوجی حل‘‘ نہیں ہے۔

امریکا اور روس کی طرف سے جاری کردہ مشترکہ بیان کے مطابق، ’’دونوں صدور نے شام کی خودمختاری، اتحاد، آزادی، علاقائی سالمیت اور غیر فرقہ ورانہ کردار کے حوالے سے اپنی ذمہ داری ادا کرنے کی تائید کی۔‘‘ اس بیان میں شامی بحران کے تمام فریقوں سے یہ مطالبہ بھی کیا گیا کہ وہ اقوام متحدہ کی طرف سے جنیوا امن مذاکرات میں شریک ہوں۔

اقوام متحدہ کی طرف سے شامی بحران کے خاتمے کے لیے امن مذاکرات کی آئندہ تاریخ 28 نومبر مقرر کی گئی ہے۔ سوئٹزرلینڈ کے دارالحکومت جنیوا میں یہ مذاکرات شام کے لیے اقوام متحدہ کے خصوصی مندوب اسٹیفان ڈے مِستورا کی سربراہی میں کرائے جا رہے ہیں۔

خبر رساں ادارے اے ایف پی کے مطابق اب تک شامی حکومت اور اپوزیشن کے درمیان ان امن مذاکرات کے سات راؤنڈ منعقد ہو چکے ہیں تاہم ان میں سب سے بڑی رکاوٹ کو دور کرنے کی کوئی راہ نہیں نکل سکی اور یہ رکاوٹ شامی صدر بشار الاسد کے مستقبل کے حوالے سے ہے۔

مارچ 2011ء میں حکومت مخالف مظاہروں سے شروع ہونے والی شامی خانہ جنگی کے نتیجے میں اب تک ساڑھے تین لاکھ سے زائد شامی ہلاک ہو چکے ہیں جبکہ کئی ملین گھر بار سے محروم ہو کر مہاجرت اختیار کرنے پر مجبور ہو چکے ہیں۔

Print Friendly, PDF & Email
مسلہ کشمیر ایٹمی جنگ کا پیش خیمہ ثابت ہوسکتا ہے ،جنرل زبیر
روہنگیا مسلمانوں پر کوئی ظلم نہیں کیا اورنہ ہی خواتین کے ساتھ جنسی زیادتی کے واقعات میں ملوث ہیں۔ : برمی فوج

Leave a Reply

Your email address will not be published. Required fields are marked *

*

Translate News »