دنیا بھر میں آج ہندو برادری اپنا مذہبی تہوار ہولی منا رہی ہے     No IMG     افغانستان کے صوبے ہرات میں سیلاب سے 13 افراد کے جاں بحق ہونے سے ہلاکتوں کی مجموعی تعداد 63 ہوگئی     No IMG     لیبیا میں پناہ گزینوں کو لے جانے والی کشتی ڈوب گئی جس کے نتیجے میں 9 افراد ہلاک     No IMG     اسرائیلی دہشت گردی، غرب اردن میں مزید3 فلسطینیوں کو شہید کردیا     No IMG     پیپلز پارٹی کےچیئرمین نے 3 وفاقی وزرا کو فارغ کرنے کا مطالبہ کردیا     No IMG     وزیراعظم عمران خان کی ہولی کے تہوار پر ہندو برادی کو مبارک باد     No IMG     سابق وزیراعظم نوازشریف نے ای سی ایل سے نام نکالنے کی درخواست دائر کردی     No IMG     سمجھوتہ ایکسپریس کیس کا فیصلہ 12 سال بعد بھی تاخیر کا شکار     No IMG     وزیر اعظم آئین کے آرٹیکل 214 کی شق دو اے پر عمل کرنے میں ناکام     No IMG     روس کے وزیر دفاع سرگئی شویگو نے شام کے صدر بشار اسد سے ملاقات     No IMG     بھارت اور پاکستان متنازع معاملات مذاکرات کے مذاکرات کے ذریعے حل کریں,چین     No IMG     بریگزیٹ پرٹریزامے کی حکمت عملی انتہائی کمزورہے، ٹرمپ     No IMG     امریکی وزیر خارجہ مائیک پمپئو کی کویت کے بادشاہ سے ملاقات     No IMG     نیوزی لینڈ میں جمعہ کو سرکاری ریڈیو اور ٹی وی سے براہ راست اذان نشر ہوگی,جیسنڈا آرڈرن     No IMG     جھوٹی گواہی دینے پر کاروائی کی جائے گی،عدالتیں جھوٹے گواہ کے خلاف کسی قسم کی لچک نہ دکھائیں,۔چیف جسٹس آف پاکستان     No IMG    

لاہور قلندرز کی پہلی کامیابی، ملتان سلطانز کو چھ وکٹوں سے شکست، شاہین شاہ آفریدی کی شاندار باؤلنگ
تاریخ :   09-03-2018

کراچی (ورلڈ فاسٹ نیوز فار یو) پاکستان سپر لیگ سیزن تھری کے 20ویں میچ میں شاہین شاہ آفریدی کی شاندار باؤلنگ کے باعث لاہور قلندرز نے ملتان سلطانز کو با آسانی 6وکٹوں سے شکست دے کر ایونٹ میں پہلی کامیابی حاصل کرلی۔

شاہین آفریدی نے صرف 4 رنز دے 5وکٹیں حاصل کیں۔

ملتان سطانز نے پہلے بیٹنگ کرتے ہوئے 114رنز بنائے۔ لاہور قلندرز نے ہدف 4وکٹوں پر حاصل کرلیا۔

دبئی انٹرنیشنل کرکٹ اسٹیڈیم میں ملتان سلطانز نے ٹاس جیت کر بیٹنگ کا فیصلہ کیا۔ اوپنرز احمد شہزاد اور کمارسنگاکارا نے 61 رنز کا شاندار آغاز فراہم کیا۔

سنگا کارا 45رنز بناکر سنیل نارائن کی گیند پر ڈیویچ کے ہاتھوں کیچ آؤٹ ہو گئے۔

نئے بلے باز صہیب مقصود اور احمد شہزاد نے رنز کے سلسلے کو جاری رکھا اور دوسری وکٹ کی شراکت میں 36 رنز بناکر اسکور 97 رنز تک پہنچا دیا۔

احمد شہزاد 32رنز بناکر ہمت ہار گئے اور مک کلےنیگھن کی گیند پر گلریز صفدر کو کیچ دے بیٹھے۔

اگلی وکٹ کے لئےلاہور قلندرز کو زیادہ دیر انتظار نہیں کرنا پڑا اورمجموعی اسکور میں صرف5رنز کے اضافے پر صہیب مقصود کو سنیل نارائن نے کلین بولڈ کردیا۔

صہیب مقصود کے آؤٹ ہونے کے بعد ملتان سلطانز کی وکٹیں گرنے کا ایسا سلسلہ شروع ہوا جو اننگز کے اختتام پر ہی جاکر رکا۔

شاہین آفریدی نے اپنے ایک اوور میں پہلےشعیب ملک کو 3 پھر ویٹلے کو صفر اور آخر میں سیف بدر کو بھی بغیر کھاتہ کھولے پویلین کی راہ دکھائی۔

سہیل تنویر اور محمد عرفان کی وکٹیں بھی شاہین شاہ آفریدی کے حصے میں آئیں اور ملتان سلطانز کی پوری ٹیم 19اعشاریہ 4 اوورز میں 114رنز پر ڈھیر ہوگئی۔92رنز پر ملتان سلطانز کا ایک کھلاڑی آؤٹ ہوا تھالیکن 114 رنز پر پوری ٹیم ریت کی دیوار کی طرح زمین بوس ہو گئی۔ یوں اُس کی اگلی 9 وکٹیں اسکور میں صرف 22 کا اضافہ کرسکیں۔

17 سالہ شاہین شاہ نےجادوئی باؤلنگ کرتے ہوئے 3 اعشاریہ 4 اوورز میں صرف 4 رنز دے 5وکٹیں حاصل کیں۔ جو ٹی ٹوئنٹی کی تاریخ میں کسی بھی بولر کاسب سے کم سکور پر 5 وکٹیں حاصل کرنے کا ریکارڈ ہے۔

سنیل نارائن نے 2 جبکہ سہیل خان اور مک کلے نیگھن نے ایک۔ ایک کھلاڑی کو آؤٹ کیا۔

نسبتاً آسان ہدف کے تعاقب میں لاہور قلندر کی اننگز کا آغا بھی اچھا رہا ۔ اوپنرز فخر زمان اور ڈیویچ نے 33رنز بنائے۔ڈیویچ 22رنز بناکر فخرزمان کا ساتھ چھوڑ گئے توفخر بھی زیادہ دیر وکٹ پر نہ ٹھہر سکے اور 16رنز بناکر پویلین کی راہ لی۔

نئے بیٹسمین آغا سلمان لمبی اننگز نہ کھیل سکے اور صرف تین رنز بنانے کے بعد محمد عرفان کا شکار ہو گئے۔

ابتدائی وکٹیں جلد گرنے کے بعد گلریز صدف اور کپتان مک کولم نے رنز بنانے کی ذمے داری سنبھالی اور اسکورمیں 53رنز کا اضافہ کیا۔ گلریز صفدر 27رنز بناکر آؤٹ ہوئے۔

نئے بیٹسمین سہیل اختر اور مک کولم نے مزید کو ئی وکٹ گنوائے بغیر مطلوبہ ہدف 18اعشاریہ 4 اوورز میں 4 وکٹوں کے نقصان پر حاصل کر کے ایونٹ میں پہلی کامیابی حاصل کرلی۔مک کولم 35 اور سہیل 11رنز پر ناٹ آؤٹ رہے۔

آج کے میچ میں شکست کے باوجود ملتان سلطانز 9پوائنٹس کے ساتھ ٹاپ پر ہے۔ کوئٹہ گلیڈی ایٹرز اور اسلام آباد یونائیٹڈ کے 8، 8 کراچی کنگز کے 7، پشاور زلمی کے 6 اور لاہور قلندرز کے 2 پوائنٹس ہیں۔

Print Friendly, PDF & Email
گوجرانوالہ: شہر بھر میں منہ زور ڈاکووں کا راج
سعودی عرب اور برطانیہ کی کمپنیوں میں 2.1 ارب ڈالرز مالیت کے 18 سمجھوتے طے پائے ہیں

Leave a Reply

Your email address will not be published. Required fields are marked *

*

Translate News »