پاک فوج نے ایک آپریشن میں 4 مغوی ایرانی فوجیوں کو بازیاب کرالیا     No IMG     دنیا بھر میں آج ہندو برادری اپنا مذہبی تہوار ہولی منا رہی ہے     No IMG     افغانستان کے صوبے ہرات میں سیلاب سے 13 افراد کے جاں بحق ہونے سے ہلاکتوں کی مجموعی تعداد 63 ہوگئی     No IMG     لیبیا میں پناہ گزینوں کو لے جانے والی کشتی ڈوب گئی جس کے نتیجے میں 9 افراد ہلاک     No IMG     اسرائیلی دہشت گردی، غرب اردن میں مزید3 فلسطینیوں کو شہید کردیا     No IMG     پیپلز پارٹی کےچیئرمین نے 3 وفاقی وزرا کو فارغ کرنے کا مطالبہ کردیا     No IMG     وزیراعظم عمران خان کی ہولی کے تہوار پر ہندو برادی کو مبارک باد     No IMG     سابق وزیراعظم نوازشریف نے ای سی ایل سے نام نکالنے کی درخواست دائر کردی     No IMG     سمجھوتہ ایکسپریس کیس کا فیصلہ 12 سال بعد بھی تاخیر کا شکار     No IMG     وزیر اعظم آئین کے آرٹیکل 214 کی شق دو اے پر عمل کرنے میں ناکام     No IMG     روس کے وزیر دفاع سرگئی شویگو نے شام کے صدر بشار اسد سے ملاقات     No IMG     بھارت اور پاکستان متنازع معاملات مذاکرات کے مذاکرات کے ذریعے حل کریں,چین     No IMG     بریگزیٹ پرٹریزامے کی حکمت عملی انتہائی کمزورہے، ٹرمپ     No IMG     امریکی وزیر خارجہ مائیک پمپئو کی کویت کے بادشاہ سے ملاقات     No IMG     نیوزی لینڈ میں جمعہ کو سرکاری ریڈیو اور ٹی وی سے براہ راست اذان نشر ہوگی,جیسنڈا آرڈرن     No IMG    

عمران خان کے بقول پاکستان میں جمہوریت کو مافیاز کنٹرول کر رہے
تاریخ :   17-01-2018

لاہور(ورلڈ فاسٹ نیوز فار یو) تحریک انصاف کے سربراہ عمران خان نے کہا ہے کہ وہ پارلیمنٹ سے استعفٰی دینے کے معاملے پر وہ اپنی پارٹی سے مشاورت کریں گے اور اس تجویز کو قبول کیا جا سکتا ہے۔ یہ تجویز شیخ رشید کی طرف سے پیش کی گئی۔

لاہور کے مال روڈ پر آج بدھ 17 جنوری کو ہونے والے ایک احتجاجی جسلے سے خطاب کرتے ہوئے عمران خان کا کہنا تھا کہ یہ کیسی پارلیمنٹ ہے جو مجرم کو پارٹی سربراہ کا اہل بناتی ہے۔ عمران خان کے بقول پاکستان میں جمہوریت کو مافیاز کنٹرول کر رہے ہیں: ’’ میں پارلیمنٹ سے استعفوں کی شیخ رشید کی تجویز کے حق میں ہوں۔ میں اس مسئلے پر اپنی پارٹی سے مشاورت کروں گا اور ہو سکتا ہے کہ ہم یہ تجویز قبول کر لیں۔‘‘

لاہور میں پاکستان عوامی تحریک کی اپیل پر ہونے والے متحدہ اپوزیشن کے احتجاجی جلسے سے خطاب کرتے ہوئے تحریک انصاف کے چیئر مین عمران خان کا کہنا تھا کہ قصور میں بچوں کے ساتھ فحش فلموں کا اسکینڈل سامنے آیا، 11 بچیوں کے ساتھ زیادتی ہوئی، زینب کا سانحہ ہوا لیکن ملزمان کا پتہ نہیں چل سکا۔  ان کے بقول ماڈل ٹاؤن کا سانحہ طاہرالقادری کو سبق سکھانے کے لیے کیا گیا اور اس سانحے کے پیچھے شریف برادران ہیں۔ عمران خان نے مزید کہا کہ وہ ڈاکٹر طاہر القادری کے ساتھ کھڑے ہیں کیونکہ اگر ایک جلسہ کر کے وہ گھر چلے گئے تو اس سے سانحہ ماڈل ٹاؤن کے مظلوموں کو انصاف نہیں مل سکے گا۔

آصف علی زرداری نے اس جلسے سے خطاب کرتے ہوئے کہا کہ وہ جب چاہیں شریف فیملی کو اقتدار سے باہرنکال سکتے ہیں۔

پاکستان کے سابق صدر اور پاکستان پیپلز پارٹی کے شریک چیئرمین آصف علی زرداری نے اس جلسے سے خطاب کرتے ہوئے کہا کہ وہ جب چاہیں شریف فیملی کو اقتدار سے باہرنکال سکتے ہیں: ’’اور مجھے انہیں نکالنے میں کوئی دیر نہیں لگے گی لیکن میں پاکستان کے مستقبل کا سوچتا ہوں۔ ہماری آنے والی نسلوں نے اس ملک میں رہنا ہے۔ یہ جہاں جائیں گے وہاں جاتی امرا بنالیں گے ۔ انہیں کسی کی پرواہ نہیں۔ انہیں صرف جاتی امرا کی پرواہ ہے۔‘‘

لاہور میں متحدہ اپوزیشن کے احتجاجی جلسے سے خطاب کرتے ہوئے آصف زرداری کا یہ بھی کہنا تھا کہ نواز شریف کا شیخ مجیب کی سوچ کو اپنانا ملک کے مفاد کے منافی ہے، ’’اس ملک کو خطرہ اور کسی سے نہیں صرف جاتی امرا سے ہے۔‘‘ یاد رہے کہ جاتی امرا پاکستان کے سابق وزیر اعظم میاں نواز شریف کی لاہور کے نواح میں واقع رہائش گاہ کا نام ہے۔

اس موقع پر خطاب کرتے ہوئے شیخ رشید احمد نے کہا کہ بھارتی آرمی چیف کا پاکستان مخالف بیان اور ٹرمپ کی ٹویٹ کی ٹائمنگ بہت معنی خیز ہے۔ انہوں نے الزام لگایا کہ اجمل قصاب کے گھر کا ایڈریس میاں نواز شریف نے روئٹرز کو دیا تھا۔ انہوں نے کہا کہ شریف فیملی تقریروں سے اقتدار سے الگ نہیں ہوگی۔ انہوں نے عمران خان کو استعفے دینے، لاٹھی اٹھانے اور جاتی عمرہ کی طرف مارچ کرنے کا مشورہ دیا اور پاکستان کی قومی اسمبلی سے مستعفی ہونے کا اعلان کیا۔

اس سے پہلے پاکستان عوامی تحریک کے سربراہ علامہ طاہر القادری نے اپنی تقریر میں کہا کہ ملک کی سیاسی قیادت کا اکھٹا ہونا سانحہ ماڈل ٹاؤن کے شہداء کی قربانیوں کی وجہ سے ہے۔

جلسے سے خطاب کرتے ہوئے انہوں نے کہا ، ’’آج ہم سب سانحہ ماڈل ٹاؤن کے متاثرین کو انصاف دلانے جمع ہوئے ہیں۔‘‘ ان کا کہنا تھا کہ ہر مظلوم کو انصاف دلانے کے لیے سب کواکٹھے ہو جانا چاہیے، ’’قوم اٹھے اور پہچانے کہ دشمن کون ہے۔۔۔ نواز شریف اور شہباز شریف جان لیں کہ اگر ہم نے امن یا قانون کو توڑنا ہوتا تو آپ کو جاتی امرا سے باہر ایک قدم رکھنے کی جرأت نہ ہوتی۔‘‘

پولیس نے جاتی امرا کو تحفظ دیا۔ قوم کی بچیوں کو تحفظ کیوں نہیں دیا؟ فیصلہ کرنا ہےکہ کیا ایسے لوگوں کو گوارا کیا جائے گا؟، طاہر القادری

انہوں نے کہا کہ ہم چاہتے ہیں قانون عوام اور نوازشریف کے بچوں سب کے لیے برابر ہو۔ عوامی تحریک کے سربراہ نے مزید کہا کہ پولیس ان کے خاندان کو تحفظ دینے میں لگی ہے اور سارا پنجاب غیرمحفوظ کر دیا گیا ہے: ’’پولیس نے جاتی امرا کو تحفظ دیا۔ قوم کی بچیوں کو تحفظ کیوں نہیں دیا؟ فیصلہ کرنا ہےکہ کیا ایسے لوگوں کو گوارا کیا جائے گا؟ جمہوریت کی حقیقی روح کو بحال کرنا چاہتے ہیں۔ ہم ظلم کے خلاف آواز بلند کر کے کھڑے نہ ہوئے تو تاریخ ہمیں معاف نہیں کرے گی۔‘‘

Print Friendly, PDF & Email
چودہ برس کے طویل انتظار کے بعد بین لاقوامی ہاکی کی پاکستان میں واپسی
امریکہ نے فلسطین کی کروڑوں ڈالر کی امداد روک دی

Leave a Reply

Your email address will not be published. Required fields are marked *

*

Translate News »