وزیراعظم عمران خان نے امیرقطر امیر شیخ تمیم بن حمد الثانی سے ون آن ون ملاقات     No IMG     بحریہ ٹاون کی انتظامیہ کی طرف سے کراچی میں مذکورہ سوسائٹی کو قانونی دائرے میں لانے کی لیے 350 ارب کی پیشکش     No IMG     وزیراعظم نے آئی جی پنجاب کی کارکردگی پر برہمی کا اظہار     No IMG     وزیراعلیٰ پنجاب سردار عثمان بزدار نے سانحہ ساہیوال پر تشکیل دی جانے والی جے آئی ٹی کو مزید وقت دینے سے انکار کر دیا ہ     No IMG     ای سی جی رپورٹ میں نواز شریف کے دل کا سائز بڑھا ہوا نظر آیا۔ طبی معائنے کے بعد اسپتال داخل کرنے کا فیصلہ     No IMG     انڈونیشیا میں ایک بار پھر 6.6 شدت کا زلزلہ ریکارڈ کیا گیا     No IMG     حب کے قریب بیلہ کراس پر مسافر کوچ اور ٹرک کے درمیان تصادم کے بعد آگ لگنے سے جاں بحق افراد کی تعداد 27 ہوگئی     No IMG     پنجاب اور سندھ کے متعدد شہروں میں دھند کا راج برقرار     No IMG     سانحہ ساہیوال کی فائل دبنے کا خدشہ پیدا ہو گیا ، حادثے کی جگہ کے تمام شواہد ضائع کر دیئے     No IMG     مسلم لیگ ق نے کا تحریک انصاف کے رویے پر تحفظات کا اظہار کرتے ہوئے وزیراعظم عمران خان کو تحفظات سے آگاہ کرنے کا فیصلہ     No IMG     تحریک انصاف نے سابق صدرآصف علی زرداری کی نااہلی کے لیے سپریم کورٹ میں درخواست دائر کردی     No IMG     وزیراعظم عمران خان نے سانحہ ساہیوال پر بغیر تحقیقات کے بیانات دینے پر وزرا اور پنجاب پولیس پر سخت اظہار برہمی     No IMG     وفاقی وزیر اطلاعات فواد چودھری کی جسٹس ثاقب نثارپرتنقید، موجود چیف جسٹس کی تعریف     No IMG     برطانیہ میں بھی برف باری سے شدید سردی     No IMG     برطانیہ کے سابق وزیراعظم کے جان میجر نے موجودہ وزیرِاعظم تھریسا مے سے مطالبہ کیا ہے کہ وہ یورپ سے علیحدگی (بریگزٹ) پر ریڈ لائن سے پیچھے ہٹ جائیں     No IMG    

صدر ڈونلڈ ٹرمپ نے ایران کے ساتھ جوہری معاہدے کو منسوخ کرنے کے بجائے اس کی ترمیم کے واسطے 3 نئی شرائط پیش
تاریخ :   27-02-2018

امریکی (ورلڈ فاسٹ نیوز فار یو) ذرائع نے انکشاف کیا ہے کہ صدر ڈونلڈ ٹرمپ نے ایران کے ساتھ جوہری معاہدے کو منسوخ کرنے کے بجائے اس کی ترمیم کے واسطے 3 نئی شرائط پیش کی ہیں۔

جوہری معاہدے کا دائرہ کار وسیع کرنے کے لیے پیش کی جانے والی اضافی شرائط میں ایران کا انسانی حقوق کی خلاف ورزیوں کو روکنا ، سائبر حملوں اور دھمکیوں کا سلسلہ بند کرنا اور پاسداران انقلاب کی اقتصادی سرگرمیوں کو منجمد کرنا شامل ہے۔

امریکی اخبار واشنگٹن پوسٹ نے ایک امریکی عہدے دار کے حوالے سے بتایا ہے کہ صدر ڈونلڈ ٹرمپ نے جوہری معاہدے کی مدت کی توسیع کے واسطے مذکورہ تین مطالبات کے علاوہ سابقہ مطالبات بھی پورے کرنے کی شرط رکھی ہے۔ سابقہ مطالبات میں ایران کا بیلسٹک میزائلوں کی تیاری ، ترقی اور تجربات کو روکنا ، خطّے کے ممالک سے پاسداران انقلاب کی فورسز کو واپس بلانا اور ایران میں تمام جوہری تنصیبات پر ایٹمی توانائی کی عالمی ایجنسی کے معائنے کی اجازت دینا اور معاہدے کی اس شِق میں ترمیم کرنا جس کے مطابق ایرانی جوہری پروگرام 10 برس بعد دوبارہ شروع کیا جا سکتا ہے۔

امریکی صدر نے اپنے یورپی حلیفوں کو 120 روز کی مہلت دی تھی تا کہ اس دوران وہ ایران کے ساتھ جوہری معاہدے کا جائزہ لے لیں۔ ٹرمپ نے دھمکی دی تھی کہ 11 مئی کو مہلت کے اختتام پذیر ہونے سے قبل اگر معاہدے کی اصلاح نہیں کی گئی تو امریکا معاہدے سے نکل جائے گا۔ ادھر ایران یہ دھمکی دے رہا ہے کہ اگر امریکا اس معاہدے سے باہر آیا تو تہران اپنی جوہری سرگرمیوں کی طرف پھر سے لوٹ جائے گا۔

واضح رہے کہ ڈونلڈ ٹرمپ ایران کے ساتھ جوہری معاہدے کو امریکا کی تاریخ کا بدترین سمجھوتا قرار دیتے ہیں۔

نئی شرائط کے حوالے سے ایسا لگتا ہے کہ ایران نے دباؤ کے سبب لچک کا مظاہرہ کیا ہے۔ ایرانی پاسداران انقلاب کی جانب سے عارضی طور پر بیلسٹک میزائلوں کے تجربات بھی روک دیے گئے ہیں۔

ایٹمی توانائی کی عالمی ایجنسی کے معائنہ کاروں کی جانب سے کچھ عرصہ قبل جاری رپورٹ میں انکشاف کیا گیا تھا کہ ایران یورینیئم کی افزودگی منجمد کرنے اور متنازع سرگرمیاں روک دینے کے حوالے سے کاربند رہا ہے۔ ایجنسی نے باور کرایا کہ تہران جوہری معاہدے کی تکنیکی شقوں کی پاسداری کر رہا ہے۔

سیاسی میدان میں حسن روحانی کی حکومت نے مغربی ممالک اور امریکا کو اس طرح کے اشارے بھیجے ہیں کہ وہ مذاکرات کے لیے تیار ہے۔ یہاں تک کہ ایرانی وزیر خارجہ محمد جواد ظریف اور ان کے معاونین نے بہت سے مضامین ، انٹرویوز اور سیاسی محفلوں میں اس بات کا اظہار کیا ہے کہ ان کی حکومت میزائل پروگرام سے متعلق مسائل کو زیر بحث لانے پر آمادہ ہے۔

البتہ ان تمام رعائتوں اور دست برداریوں کے باوجود ایسا لگتا ہے کہ بعض شقوں میں ترمیم کی شرط اور واشنگٹن کی جانب سے مسلسل یہ مطالبہ کہ معاہدے کی مدت مکمل ہو جانے کے بعد بھی ایرانی جوہری پروگرام پر پابندی برقرار رہے.. یہ اُن مشکل ترین شرائط میں سے ہے جو ایران میں سخت گیر حلقوں کے سامنے روحانی کی حکومت کے موقف کو کمزور بناتی ہیں۔

جہاں تک دیگر شرائط مثلا پاسداران انقلاب کی معیشت میں مداخلت ، خطے کے ممالک میں دہشت گری کی سپورٹ اور انسانی حقوق کی خلاف ورزی کا تعلق ہے تو یہ ایسے معاملات ہیں جن کے سبب سخت گیر حلقہ جن میں مرشد اعلی علی خامنہ ای سرفہرست ہیں جوہری معاہدے سے نکلنے کا رخ کر سکتا ہے۔

Print Friendly, PDF & Email
پاکستان کے چیف جسٹس میاں ثاقب نثار نے کہا ہے کہ خدا کی قسم میرا کوئی سیاسی ایجنڈا نہیں
سی پیک منصوبہ پاکستان اور چین کے ساتھ ساتھ افغانستان کے لیے بھی بے پناہ اہمیت کا حامل ہے,صدر مملکت ممنون حسین

Leave a Reply

Your email address will not be published. Required fields are marked *

*

Translate News »