شمالی کوریا کا ایٹمی طاقت کے مظاہرے کا عزم     No IMG     عراق کے دارالحکومت بغداد میں خودکش حملے کے نتیجے میں 19 افراد جاں بحق     No IMG     جرمنی کے وزير خارجہ نے اعلان کیا ہے کہ یورپی یونین کے رکن ممالک مشترکہ ایٹمی معاہدے کی حمایت پر متحد اور متفق ہیں۔     No IMG     ایران کو شام میں فوجی بیس بنانے کی اجازت نہیں دیں گے,اسرائیل کے وزير اعظم     No IMG     مقبوضہ کشمیر، یاسین ملک کی مسلسل غیر قانونی نظر بندی کی سخت مذمت کرتے ہوئے عالمی ریڈ کراس کمیٹی سے اپیل     No IMG     سابق وزیراعظم نواز شریف نے چئیرمین نیب جسٹس (ر) جاوید اقبال کو توہین آمیز پریس ریلیز جاری کرنے پر قانونی نوٹس بھجوا دیا۔     No IMG     قونصل جنرل عائشہ فاروقی نے جیل میں ڈاکٹرعافیہ صدیقی سےملاقات     No IMG     پی ٹی آئی چئیرمین نے بڑا فیصلہ کر لیا ، اب پی ٹی آئی میں شمولت اختیار کرنا آسان نہ ہو گا     No IMG     پاکستان میں تھری اور فور جی صارفین کی تعداد 5 کروڑ46 لاکھ ہو گئی،     No IMG     سابق وزیراعظم نواز شریف نے احتساب عدالت میں اپنے نکالنے کی 4 بڑی وجوہات بتادیں     No IMG     حافظ آباد میں کپڑے کی فیکٹری میں آگ لگ گئی     No IMG     پی ٹی آئی کے اعلیٰ عہدے داروں کی پریم کہانی شروع ہو گئی     No IMG     امريکا نے 5 ايرانی اہلکاروں پر پابندی عائد کر دی     No IMG     موجودہ حکومت نے دہشت گردی ، عسکریت پسندی اور توانائی بحران کو حل کیا ، ملکی معیشت کو مستحکم کردیا, لیفٹیننٹ جنرل (ر) عبدالقیوم     No IMG     پی ٹی آئی گزشتہ 5 سالوں میں خیبرپختونخوا میں ڈلیور کرنے میں بری طرح ناکام ہوئی، مائزہ حمید     No IMG    

سپین

  • سپین میں پھولوں کا سالانہ میلہ

    سپین( ورلڈفاسٹ نیوزفاریو )  میں ہر سال رنگ ، خوشبو اور روشنیوں سے سجے پھولوں کے ایک فیسٹیول کا انعقاد کیا جاتا ہے، جو سیاحوں کی بڑی تعداد کو اپنی جانب متوجہ کرتا ہے۔ رواں برس اس میلے کا اہتمام بارہ تا بیس مئی تک کیا گیا۔

  • کاتالونیہ کے نئے صدر قوئم توررا نے آئین اور ہسپانوی بادشاہت کی وفاداری سے انکار کردیا۔

    بارسلونا ( ورلڈفاسٹ نیوزفاریو ) کاتالونیہ کے نئے صدر قوئم توررا نے آئین اور ہسپانوی بادشاہت کی وفاداری سے انکار کردیا۔

    غیرملکی میڈیا کے مطابق نئے صدر کاتالونیہ’’ قوئم توررا ‘‘نے اپنے حلف اٹھانے کی تقریب میں ایک مختصر تقریر کی جس میں انہوں نے ہسپانوی بادشاہ فلپ ششم اور آئین دونوں کے ساتھ بیعت نہیں کی۔

    اپنی مختصر تقریر میں انہوں نے کہا کہ میں حکومت کے سربراہ کے طور پر کام کروں گا، مجھے پارلیمنٹ نے منتخب کیا اور میں عوام کی مرضی کے مطابق خود کو وقف کرتا ہوں۔

  • ماہ رمضان کی آمد،گرین لینڈ والے 21 گھنٹے کا سب سے طویل اور اجنٹائن کے مسلمان مختصر ترین روزہ رکھیں گے جبکہ پاکستان میں15گھنٹے کاروزہ ہوگا

    بارسلونا  ( ورلڈفاسٹ نیوزفاریو ) ماہ رمضان کی آمد آمد ہے، چاند نظر آنے والا ہے اوردنیا بھر کے مسلمان رمضان کے منتظر ہیں، دنیا کے ایک کونے سے دوسرے کونے میں بسنے والے مسلمان روزے سے ہوں گے گرین لینڈ والے سب سے طویل اور اجنٹائن کے مسلمان مختصر ترین روزہ رکھیں گے جبکہ پاکستان میں15گھنٹے کاروزہ ہوگا۔۔دنیا میں سحر اور افطار کے درمیان کادورانیہ یاسب سے طویل ترین روزہ گرین لینڈ کے مسلمان رکھیں گے ،جس کا دورانیہ 21 گھنٹے 02 منٹ ہوگا۔آئس لینڈ کے مسلمان 21 گھنٹے ،فن لینڈ کے 19 گھنٹے 56 منٹ ،،ناروے اور سوئیڈن کے مسلمان 19 گھنٹے طویل روزہ رکھیں گے۔روس،،،جرمنی،،آئرلینڈ، برطانیہ،، بلجیم ,سپین اور دیگر یورپی ملکوں میں مسلمان 18 گھنٹے بعد افطار کریں گے جبکہ کینیڈا میں 17 گھنٹے 24 منٹ ،امریکا میں 16 گھنٹے 29 منٹ کے بعد روزہ افطار کیا جائے گا۔۔ایران میں 16 گھنٹے 04 منٹ ،،افغانستان میں 15 گھنٹے 51 منٹ ،،بھارت میں 15 گھنٹے 2 منٹ اور پاکستان میں 15 گھنٹے کا روزہ ہوگا۔۔سعودی عرب میں 14 گھنٹے 41 منٹ ،انڈونیشیا میں 13 گھنٹے 02 منٹ ،آسٹریلیا،نیوزی لینڈ میں 11 گھنٹے 40 منٹ سے زائددورانیہ کا روزہ ہوگا۔سب سے مختصر ترین دورانیے کا روزہ ارجنٹائن کے مسلمان رکھیں گے جس کا دورانیہ 11 گھنٹے 32 منٹ ہوگا۔

  • نوازشریف کے بیان سےعالمی سطح پر پاکستان کا وقار مجروح ہوا,میاں قربان حسین سپین

    بارسلونا( ورلڈفاسٹ نیوزفاریو ) سپین میاں قربان حسین نے اپنے بیان میں کہا کہ نوازشریف نے پاکستان کی عزت وقار کو مجروح کیااورمودی کے بیان پر ٹھپہ لگایا۔

    ان خیالات کا اظہار انہوں نے ورلڈفاسٹ نیوزفاریو سے کرتے ہوئے کہا کہ3بار وزیراعظم بننے والا شخص پاکستان کے خلاف ایسے بیان دے رہا ہے،ج

    ملکی سالمیت کےلئے خطرناک ہیں۔پوری قوم عدلیہ اورپاک فوج کےساتھ کھڑی ہے ۔سابق وزیراعظم نے پاکستان کی قربانیوں پر پانی پھیرنے کی کوشش کی اورپاکستان کے وقار کو مجروح کیا، وہ ایسے بیانات سے لوگوں کی توجہ نہیں ہٹاسکتے۔

    نوازشریف سیاسی شہید نہ بنیں ذمہ داری دکھائیں، اپنا بیان واپس لیں یا اس کی وضاحت دیں، ملکی استحکام کو قطعاً مجروح نہیں ہونے دیں گے، مزید کہا کہ کیا نوازشریف نے نریندر مودی کے مؤقف کی تائید کرتے ہوئے کشمیریوں کی قربانیوں کا بھی خیال نہیں کیا جو مقبوضہ کشمیر میں پاکستان کےلئے اپنی جانوں کا نذرانہ پیش کررہے ہیں نوازشریف کا بیان پاکستان کو عالمی سطح پربدنام کرنے کی کوشش ہے

  • نوازشریف اپنی کرپشن بچانے کیلئے ملک کے خلاف غداری پر اتر آئے ہیں:میاں قربان حسین سپین بارسلونا

    بارسلونا ( ورلڈفاسٹ نیوزفاریو ):سپین بارسلونا میاں قربان حسین نے بھارت میں دہشت گردی کے حوالے سے نوازشریف کے انٹرویو پر شدید غم و غصہ کا اظہار کرتے ہوئے کہا ہے کہ نوازشریف اپنی کرپشن بچانے کیلئے پاکستان سے غداری پر اتر آئے ہیں۔ انہوں نے کہا کہ

    شریف برادران کی پاکستان اور اس کی سلامتی و یکجہتی کی ضامن مسلح افواج کے خلاف ایک اور واردات سامنے آ گئی ہے۔
    میاں قربان حسین نے بارسلونا میں ورلڈفاسٹ نیوز فاریو سےگفتگو کرتے ہوئے۔کہا کہ پاکستان،، پاک فوج اور عدلیہ کے خلاف اپنے غیر ملکی سرپرستوں کی مدد سے سازشوں میں مصروف مفاد پرست اس بات کو نہ بھولیں کہ پاکستان کے 20 کروڑ محب وطن عوام ان کی ہر ناپاک کوشش اور منصوبہ کو ناکام بنا دیں گے۔
    انہوں نے کہا کہ نوازشریف کو پاکستان اور پاکستان کے قومی اداروں کے خلاف زبان کھولتے ہوئے یاد رکھنا چاہئے کہ اسی ملک نے ان کو اس مقام پر پہنچایا۔ انہوں نے مزید کہا کہ پاکستان کے مفادات کے خلاف کام کرنے والے جو بھی کر لیں ان کی ہر سازش ناکام رہے گی، پاکستان کے عوام اس بات سے آگاہ ہیں کہ ایسے لوگ اپنے ذاتی مفادات کو ملکی و قومی مفادات پر ترجیح دے رہے ہیں اور اپنی لوٹی ہوئی دولت کو بچانے کیلئے وہ پاکستان اور عوام کے خلاف کسی بھی حد تک جا سکتے ہیں۔

  • سپین کریم چوری کرنے کے الزام میں میڈریڈ کی وزیراعلیٰ مستعفیٰ

    میڈرڈ  (ورلڈ فاسٹ نیوز فار یو)  سپین کے میڈریڈ صوبے کی خاتون وزیراعلیٰ کریسٹینا سیفونٹیس نے بدھ کے روز ایک پریس کانفرنس میں محض اس لیے عہدے سے استعفیٰ دے دیا کہ ان پر چند سال قبل ایک سپر مارکیٹ سے کریم کے دو پیکٹ چوری کرنے کا الزام سامنے آیا تھا۔

    اسپین کے ایک آن لائن اخبار ’اوکیڈیاریو’ نے اس واقعے کی ایک فوٹیج پوسٹ کی ہے۔ کریم چوری کا یہ واقعہ 2011ء میں پیش آیا تھا۔ اس فوٹیج میں مسز سیفونٹیس کو جنوبی میڈریڈ میں واقع ایک سپر مارکیٹ کے سیکیورٹی گارڈ کے سامنے اپنا بیگ خالی کرتے دیکھا جاسکتا ہے۔ انہوں نے اعتراف کیا تھا کہ سپر مارکیٹ سے انہوں نے کریم کے دو پیکٹ چوری کیے تھے۔ بعد ازاں چالیس یوور ان کی قیمت ادا کردی گئی تھی۔ سپر مارکیٹ کی طرف سے سیفونٹیس کے خلاف کسی قسم کی شکایت درج نہیں کی گئی۔

    خیال رہے کہ سیفونتیس وزیراعظم ماریانو راخوی کی قدامت پسند پیپلز پارٹی سے تعلق رکھتی ہیں۔ وزیراعظم بھی حالیہ دنوں میں ایم اے کے ایک مقالے میں جعل سازی کے الزامات کا سامنا کرچکے ہیں۔ جامعہ کارلوس کے ملازمین کا کہنا ہے کہ مقالے پر ثبت دسخط ماریانو راخوی کے نہیں بلکہ جعلی ہیں۔

  • چیف جسٹس صاحب پاکستان میں اس کار مافیا کا بھی نوٹس لیں, نوید عاشق سپین

    بارسلونا (ورلڈ فاسٹ نیوز فار یو) چیف جسٹس صاحب پاکستان میں اس کار مافیا سے ہماری جان چھڑوایئں
    یہ کمپنیاں حکومت کے ساتھ مل کر قوم کو لوٹ رہی ہیں باہر سے گاڑیاں امپورٹ کرنے پر لاکھوں روپے ڈیوٹی لگوائی ہے
    3 لاکھ کی گاڑی 30 لاکھ میں پڑتی ہے
    اور اپنی گھٹیا گاڑیاں مہنگی بیچ رہےہیں باہر کی کمپنیوں کو پاکستان آنے نہیں دیتے
    چیف جسٹس صاحب نوٹس لے اس مافیہ کو ختم کریں تاکہ لوگ خود سستی اور اچھی گاڑیاں باہر سے منگوائیں
    نوید عاشق ،بارسلونا،سپین

  • سپین گینگ ریپ کے ملزموں کو بری کیے جانے بعد مظاہروں کا سلسلہ جاری

     پامپلونا  (ورلڈ فاسٹ نیوز فار یو  سپین ) سپین  میں عدالت کی جانب سے گینگ ریپ کے ملزموں کو اس الزام سے بری کیے جانے بعد مظاہروں کا سلسلہ جاری ہے۔ پانچ افراد کی جانب سے اٹھارہ سالہ لڑکی کو گینگ ریپ کیے جانے کا مبینہ واقعہ ہسپانوی شہر پامپلونا میں پیش آیا تھا۔

    سات جولائی سن 2016 کے روز پانچ افراد کی جانب سے ایک نوجوان لڑکی کو گینگ ریپ کیے جانے کا مبینہ واقعہ ہسپانوی شہر پامپلونا میں بیل دوڑ کے تہوار کے موقع پر پیش آیا تھا۔ جمعرات چھبیس اپریل کے روز ہسپانوی عدالت نے اس مقدمے میں پانچ ملزموں کے خلاف مقدمے کا فیصلہ سناتے ہوئے انہیں گینگ ریپ کے الزام سے بری کر دیا تھا اور انہیں ’جنسی طور پر ہراساں‘ کے جرم میں قصوار قرار دے کر نو برس قید کی سزا سنائی تھی۔

    گینگ ریپ کے الزام سے بری کیے جانے کے اس عدالتی فیصلے پرسپین کے عوام نے شدید ردِ عمل کا اظہار کرتے ہوئے آج دوسرے روز بھی مظاہروں کا سلسلہ جاری رکھا۔ یہ مظاہرے بارسلونا، میڈرڈ اور دیگر ہسپانوی شہروں کے علاوہ سیویا میں بھی ہوئے۔ خود کو ’دی پیک‘ کہنے والے پانچوں ملزوں کا تعلق بھی اسی ہسپانوی شہر سے ہے۔

    جمعے کے روز پامپلونا شہر کی عدالت کے سامنے ہزاروں مظاہرین جمع ہوئے اور یہ مظاہرین ’یہ جنسی ہراسانی نہیں، ریپ ہے‘ کے نعرے لگا رہے تھے۔ سپین بھر میں حقوق نسواں کے لیے سرگرم تنظیموں نے مظاہروں کا یہ سلسلہ ہفتے کے روز بھی جاری رکھنے کا اعلان کیا ہے۔

    ستائیس تا انتیس برس کی عمروں کے پانچ مردوں پر اٹھارہ سالہ لڑکی کے گینگ ریپ کیے جانے کا الزام تھا۔ یہ واقعہ سن 2016 میں یہ واقعہ سان فیرمین فیسٹیول کے دنوں میں پیش آیا، جس میں ہزاروں افراد شرکت کرتے ہیں۔

    ایک اپارٹمنٹ بلڈنگ کے داخلی دروازے کے قریب نوجوان لڑکی کو جنسی زیادتی کا نشانہ بنانے کے بعد مبینہ طور پر ان پانچوں نے اس عمل کی ویڈیو بھی بنائی اور بعد ازاں دوستوں کے ساتھ فخریہ جملوں کے ساتھ یہ ویڈیو شیئر بھی کی تھی۔

    علادت نے اس مقدمے کا فیصلہ سناتے ہوئے کہا کہ اس واقعے میں ’جنسی حملے‘ یا ریپ کیے جانے کے ثبوت نہیں مل پائے۔ ججوں کا یہ بھی کہنا تھا کہ جب پانچوں مردوں نے نوجوان لڑکی کے ساتھ جنسی عمل کیا تو لڑکی نے اس عمل کی اجازت نہیں دی، تاہم اس نے اس کے خلاف مزاحمت بھی نہیں کی تھی۔

    دوسری جانب ہسپانوی حکومت نے جمعے کے روز اعلان کیا ہے کہ وہ اس حوالے سے ملکی قوانین میں اصلاحات متعارف کرانے پر غور کر رہی ہے۔

  • سپین کے معروف صحافی پاک سہارہ انٹرنیشنل کے بانی اور چیف ایڈیٹر شاہین ملک نے پاکستان تحریک انصاف میں شمولیت اختیار کر لی

    بارسلونا(ورلڈ فاسٹ نیوز فاریو سپین)پاکستان تحریک انصاف سپین کے زیر اہتمام پی ٹی آئی کے بائیسویں یوم تاسیس کے سلسلہ میں منعقدہ تقریب کے موقع پر   سپین کے معروف صحافی ماہنامہ پاک سہارہ انٹرنیشنل کے بانی اور چیف ایڈیٹر شاہین ملک نے پاکستان تحریک انصاف میں شمولیت اختیار کی-پی ٹی آئی سپین کے تمام مرکزی عہدیداران نے ان کو پی ٹی آئی میں شمولیت پر خوش آمدید کہا-اس موقع پر صدر پی ٹی آئی سپین محمد شہباز ملک نے ان کے گلے میں

    پی ٹی آئی کا رومال ڈالتے ہوئے ان کو خوش آمدید کہا اور تمام پی ٹی آئی سپین کے عہدیداران،ممبران اور کارکنان کو مبارک باد پیش کی-اس موقع پر شاہین ملک کا کہنا تھا کہ مجھے صحافت کرتے ہوئے ایک طویل عرصہ گزر چکا ہے اور میری پاکستان کی سیاست پر ہمیشہ بڑی گہری نظر رہی ہے اور ہمیشہ پاکستان کے لئے کسی اچھی قیادت کا خواہشمند تھا-عمران خان ان قائدانہ صلاحیتوں کے مالک ہیں جو پاکستان کو دنیا کے بہترین ممالک کی صف میں لا کر کھڑا کر سکتے ہیں- اور پاکستان کے عوام کو بنیادی سہولیات کے علاوہ اس ملک سے کرپشن اور ناانصافی کا خاتمہ کر سکتے ہیں-اس لئے میں نے فیصلہ کیا ہے کہ میں عمران خان کی قیادت میں نئے پاکستان کی اس جدوجہد کے حصول میں اپنا حصہ ڈالوں گا اور پی ٹی آئی سپین کے تمام عہدیداران کے ساتھ مل کر پارٹی کے لئے اپنی خدمات سر انجام دوں گا-

    پی ٹی آئی سپین کے ممبران و کارکنان اور پاکستانی کمیونٹی کے معززین شاہین ملک کی شمولیت کو پارٹی میں ایک خوبصورت اضافہ قرار دے رہے ہیں-

  • بارسلونا نے لگاتار 39 میچز تک ناقابل شکست رہ کر 38 سال بعد کلب کا نیا ریکارڈ قائم کردیا

    بارسلونا (ورلڈ فاسٹ نیوز فاریو سپین) سپین فٹبال لیگ میں بارسلونا نے لگاتار 39 میچز تک ناقابل شکست رہ کر 38 سال بعد کلب کا نیا ریکارڈ قائم کردیا۔

    بارسلونا نے ویلنسیا کیخلاف 2-1 سے فتحیاب ہوکر لگاتار 39 میچز تک ناقابل شکست رہ کر 38 سال بعد کلب کا نیا ریکارڈ قائم کردیا، فلپ کوٹینہو نے دونوں گولز میں معاونت کی ، لوئس سواریز اور سیموئل یومٹیٹی نے ایک ایک بار گیند کو جال میں پہنچایا، اوسمین ڈیمبیل کے فاؤل پر ویلنسیا کو فائنل وسل سے تین منٹ پہلے پنالٹی ایوارڈ ہوئی، اس پر آندریس پریرا نے گول بناکر خسارہ کم کرلیا۔

    اس سے قبل 1980 میں رئیل سوسائیڈڈ نے 38 میچز میں ناقابل شکست رہنے کا اعزاز پایا تھا۔