پاک فوج نے ایک آپریشن میں 4 مغوی ایرانی فوجیوں کو بازیاب کرالیا     No IMG     دنیا بھر میں آج ہندو برادری اپنا مذہبی تہوار ہولی منا رہی ہے     No IMG     افغانستان کے صوبے ہرات میں سیلاب سے 13 افراد کے جاں بحق ہونے سے ہلاکتوں کی مجموعی تعداد 63 ہوگئی     No IMG     لیبیا میں پناہ گزینوں کو لے جانے والی کشتی ڈوب گئی جس کے نتیجے میں 9 افراد ہلاک     No IMG     اسرائیلی دہشت گردی، غرب اردن میں مزید3 فلسطینیوں کو شہید کردیا     No IMG     پیپلز پارٹی کےچیئرمین نے 3 وفاقی وزرا کو فارغ کرنے کا مطالبہ کردیا     No IMG     وزیراعظم عمران خان کی ہولی کے تہوار پر ہندو برادی کو مبارک باد     No IMG     سابق وزیراعظم نوازشریف نے ای سی ایل سے نام نکالنے کی درخواست دائر کردی     No IMG     سمجھوتہ ایکسپریس کیس کا فیصلہ 12 سال بعد بھی تاخیر کا شکار     No IMG     وزیر اعظم آئین کے آرٹیکل 214 کی شق دو اے پر عمل کرنے میں ناکام     No IMG     روس کے وزیر دفاع سرگئی شویگو نے شام کے صدر بشار اسد سے ملاقات     No IMG     بھارت اور پاکستان متنازع معاملات مذاکرات کے مذاکرات کے ذریعے حل کریں,چین     No IMG     بریگزیٹ پرٹریزامے کی حکمت عملی انتہائی کمزورہے، ٹرمپ     No IMG     امریکی وزیر خارجہ مائیک پمپئو کی کویت کے بادشاہ سے ملاقات     No IMG     نیوزی لینڈ میں جمعہ کو سرکاری ریڈیو اور ٹی وی سے براہ راست اذان نشر ہوگی,جیسنڈا آرڈرن     No IMG    

سلام آباد ,افغان عسکری وفد کے پاکستانی فوجی کمانڈروں سے مذاکرات
تاریخ :   01-12-2017

اسلام آباد(ورلڈ فاسٹ نیوز فار یو)افغانستان کی فوج کا ایک وفد جمعرات سے پاکستان میں ہے جہاں دونوں ملکوں کے اعلیٰ عسکری کمانڈروں کے درمیان سرحد آر پار دہشت گردوں کے حملوں کو روکنے اور سلامتی سے متعلق اُمور پر بات چیت ہوئی ہے۔

پاکستانی فوج کے ترجمان میجر جنرل آصف غفور نے مقامی ذرائع ابلاغ سے گفتگو میں بتایا ہے کہ کہ افغان فوج کے ڈائریکٹر جنرل ملٹری آپریشن اپنے وفد کے ہمراہ جمعرات کو پاکستان پہنچے تھے۔

واضح رہے کہ جمعے کو پشاور میں ایک مہلک دہشت گرد حملے کے بعد ایک مرتبہ پھر پاکستانی فوج نے دعویٰ کیا ہے کہ حملے کے تانے بانے افغانستان کی سرزمین پر موجود دہشت گردوں سے ملتے ہیں۔

اگرچہ افغانستان کی طرف سے اس دعوے پر تاحال کوئی ردِعمل سامنے نہیں آیا لیکن مبصرین کا کہنا ہے کہ دہشت گردی کے خطرات کے پیشِ نظر دونوں ملکوں کے درمیان عسکری رابطے اہم ہیں۔

تجزیہ کار لیفٹننٹ جنرل ریٹائرڈ امجد شعیب نے وائس آف امریکہ سے گفتگو میں کہا کہ پاکستان فوج کے سربراہ جنرل قمر جاوید باجوہ کے دورۂ افغانستان کے بعد دونوں ممالک کے درمیان فوجی رابطوں میں بہتری آئی ہے۔

’’میرا اپنا اندازہ ہے کہ پیش رفت بہت اہم ہے۔ جنرل باجوہ نے افغانستان کا دورہ کیا اور کھل کر باتیں کیں اور اس کے بعد سے پاکستان افغانستان کی مدد بھی کر رہا ہے۔‘‘

اُن کے بقول امریکہ کی بھی خواہش ہے کہ دونوں ممالک ایک دوسرے کے ساتھ مل کر کام کریں۔

’’افغانستان کا جو مسئلہ ہے اس میں میرا خیال ہے کہ عالمی قوتیں افغانستان کو باور کرانے کی کوشش کر رہی ہیں کہ بات چیت سے آگے راستہ نکلے گا۔ میرا خیال ہے یہ بھی ایک چیز ہے جو کردار ادا کر رہی ہے دونوں ملکوں کو بات چیت کی طرف مائل کرنے میں۔‘‘

پاکستان اور افغانستان کے درمیان سرحد لگ بھگ 2600 کلو میٹر طویل ہے اور پاکستان نے سرحد پر باڑ لگانے کا کام بھی شروع کر رکھا ہے تاکہ دہشت گردوں کی آمد و رفت کو روکا جا سکے۔

تاہم افغانستان، پاکستان کی طرف سرحد پر باڑ لگانے کے اس عمل کی مخالفت کرتا رہا ہے اور اس معاملے کو افغان حکام نے پاکستان کے ساتھ مختلف فورمز اور اجلاسوں میں اٹھایا بھی ہے۔

دریں اثنا پاکستان میں تعینات افغانستان کے سفیر حضرت عمر زخیلوال نے سماجی رابطے کی ویب سائیٹ ٹوئٹر پر ایک پیغام میں پشاور میں ہونے والے دہشت گرد حملے کی شدید مذمت کی ہے۔

افغان سفیر کا کہنا تھا کہ عید میلادالنبی کے اہم دن اس بزدلانہ حملے میں معصوم طالب علم ہلاک و زخمی ہوئے۔

Print Friendly, PDF & Email
مسلم لیگ (ن) اپنے ان اراکینِ اسمبلی کی ناراضی دور کرنے کے لیے کوشاں
ایران نے تھائی مرد کوچ کو حجاب کا پابند کر دیا

Leave a Reply

Your email address will not be published. Required fields are marked *

*

Translate News »