چودھری پرویزالٰہی سے فردوس عاشق اعوان کی ملاقات     No IMG     یوکرین کے مزاحیہ اداکار ملک کے صدر منتخب     No IMG     وزیروں کو نکالنے سے سلیکٹڈ وزیراعظم کی نااہلی نہیں چھپے گی, بلاول بھٹو زرداری     No IMG     ایران کے صدر حسن روحانی نے تہران میں سعد آباد محل میں پاکستانی وزیر اعظم عمران خان کا باقاعدہ اور سرکاری طور پر استقبال     No IMG     بھارت اور چین کے مابین پیر کے روز بیجنگ میں باہمی فیصلہ کن مذاکرات کا آغاز     No IMG     بھارتی وزیر اعظم,ہمارا پائلٹ واپس نہ کیا جاتا تو اگلی رات خون خرابے کی ہوتی     No IMG     ملکی سیاسی پارٹیاں ووٹ تو غریبوں ،محنت کشوں کے نام پر لیتی ہیں مگر تحفظ جاگیرداروں اور مافیاز کو دیتی ہیں ,جواد احمد     No IMG     افغان سپریم کورٹ نے صدر کے انتخاب تک صدر اشرف غنی کی مدت صدارت میں توسیع کردی     No IMG     آزاد کشمیر میں منڈا بانڈی کے مقام پر ایک جیپ کھائی میں گرنے سے 5 افراد ہلاک     No IMG     مصرمیں صدرکےاختیارات میں اضافے کےلیے ہونےوالے تین روزہ ریفرنڈم میں ووٹ ڈالنےکا سلسلہ جاری ہے     No IMG     لاہور میں 3 منزلہ خستہ حال گھر زمین بوس ہونے کے نتیجے میں خاتون سمیت 6 افراد جاں بحق جبکہ 4 افراد زخمی     No IMG     وزیراعظم عمران خان ایران کے پہلے سرکاری دورے پر تہران پہنچ گئے     No IMG     سری لنکا میں کل ہونے والے آٹھ بم دھماکوں کے نتیجے میں 300 افراد ہلاک اور 500 زخمی     No IMG     وزیراعظم عمران خان نے مکران کوسٹل ہائی وے پر دہشت گردی کی سخت مذمت کرتے ہوئے حکام سے واقعے پر رپورٹ طلب کر لی     No IMG     افغانستان اور افغان طالبان کے درمیان مذاکرات ایک مرتبہ پھر کھٹائی میں پڑتے دکھائی دے رہے ہیں     No IMG    

سعودی عرب عالم اسلام کا دل ،اسلام کے ا عتدال پسند نظریات کی تعلیم پوری دنیا میں عام اور دہشت گردی و انتہا پسندی کے خاتمے کی کوششیں جاری رکھیں گے :سعودی فرمانروا شاہ سلمان
تاریخ :   23-08-2018

مکہ مکرمہ( ورلڈفاسٹ نیوزفاریو )خادم حرمین شریفین شاہ سلمان بن عبدالعزیز نے کہا ہے کہ سعودی عرب عالم اسلام کا دل ہے،وہ اعتدال پسند اسلام کی ترجمانی ،اسلام کے ا عتدال پسند نظریات اور روا داری کی تعلیم کو پوری دنیا میں عام کرتا رہیگا جبکہ دہشتگردی اور انتہا پسندی کی ہر شکل کے خاتمے کیلئے سعودی عرب اپنی کوششیں جاری رکھے گا۔اس موقع پر پاک فوج کے سابق سربراہ راحیل شریف بھی موجود تھے ۔

تفصیلات کے مطابق خادم حرمین شریفین نے ان خیالات کا اظہار قصر منیٰ میں دنیا بھر سے آئے ہوئے حج مشنوں کے سربراہان کے اعزاز میں منعقدہ تقریب سے خطاب کر تے ہوئے کیا ،اس موقع پر تقریب میں سعودی ولی عہد شہزادہ محمد بن سلمان، گورنر مکہ مکرمہ شہزاد ہ خالد الفیصل ، وزیر داخلہ شہزادہ عبدالعزیز بن سعود بن نایف،سابق پاکستانی آرمی چیف جنرل(ر) راحیل شریف ،پاکستان علما کونسل کے سربراہ علامہ حافظ طاہر محمود اشرفی سمیت شاہی خاندان کے افراد، وزراءاورحج منصوبے پر کام کرنے والے ادارو ں کے سربراہان بھی موجود تھے۔
سعودی فرمانروا شاہ سلمان بن عبدالعزیز کا کہنا تھا کہ سعودی عرب میں مسلمانوں کا قبلہ اوررسول اکرم ﷺ کی مبارک مسجد ہے، یہی وجہ ہے کہ علاقائی اور عالمی سطح پر اس ملک کی ایک خاص حیثیت ہے،اسی بناءپر سعودی عرب دہشتگردی کی بیخ کنی کیلئے کوششیں جاری اور اسلام کے ا عتدال پسند نظریات اور روا داری کی تعلیم کو پوری دنیا میں عام کرتا رہیگا۔ انہوں نے کہا کہ اللہ تعالیٰ نے اس ملک کو حرمین شریفین اور ضیوف الرحمن کی خدمت کا موقع دیا ہے، بانی مملکت شاہ عبدالعزیز کے دور سے لیکر آج تک سعودی حکومت ، حرمین شریفین اور ضیوف الرحمن کی خدمت کو ترجیح اول سمجھتی ہے،سعودی عرب عالم اسلام کا دل ہے،وہ اعتدال پسند اسلام کی ترجمانی ، دہشتگردی اور انتہا پسندی کی ہر شکل کے خاتمے کیلئے اپنی کوششیں جاری رکھے گا۔
تقریب سے خطاب کرتے ہوئے وزیر حج و عمرہ ڈاکٹر محمد صالح بنتن نے خادم حرمین شریفین شاہ سلمان بن عبدالعزیز، ولی عہد شہزادہ محمد بن سلمان ، حج مشنوں کے سربراہان اور امت مسلمہ کو عید الاضحی کی مبارکباد دیتے ہوئے کہا کہ اللہ تعالیٰ کا شکر اور احسان ہے کہ جس نے حاجیوں کو مناسک حج کی ادائیگی کی توفیق عطا فرمائی، حج منصوبہ انتہائی کامیاب رہا، تمام سول اور عسکری اداروں نے حجاج کرام کی خدمت دل و جان سے کی۔ انہوں نے کہاکہ اس ملک کو یہ فخر حاصل ہے کہ اس نے گزشتہ 10سال کے دوران 150ملین معتمر کی میزبانی کی ہے، جن کا تعلق 100 مختلف ممالک سے تھا، امسال معتمرین کی تعداد میں 7ملین کا ریکارڈ اضافہ ہوا ہے، 20لاکھ سے زیادہ مسلمانوں نے فریضہ حج کی سعادت حاصل کی،ان تمام افراد کو حکومت نے ہر قسم کی

سہولت فراہم کی، حجاج کی خدمت ہمارے لئے فخر و اعزاز کی بات ہے۔
رابطہ عالم اسلامی کے جنرل سیکریٹری شیخ ڈاکٹر محمد عبدالکریم العیسیٰ نے تقریب سے خطاب کرتے ہوئے کہا کہ اسلام کے خلا ف بلند ہونے والے نعروں کا عقل و منطق سے جواب دینا ضروری ہے، اسلام خیر کا داعی ہے، یہ امن و سلامتی کا علمبردار ہے،دنیا کو اسلام کی حقیقی روح پہنچانی ہے، رابطہ عالم اسلامی سعودی حکومت کی نگرانی میں دہشتگردی و انتہا پسندی کے خلاف کام کرتا رہا ہے، ہم حق اور دلیل کی بنیاد پر دنیا کو اسلام کی حقانیت واضح کرتے رہیں گے۔ حج مشنوں کے سربراہوں کی نمائندگی کرتے ہوئے ترکی کے دینی امور کے سربراہ ڈاکٹر علی ارباش نے خطاب کرتے ہوئے خادم حرمین شریفین شاہ سلمان بن عبدالعزیز اور ولی عہد شہزادہ محمد بن سلمان کو رجب طیب اردگان کی جانب سے عید الاضحی کی مبارکباد پیش کی۔ انہوں نے کہا کہ سعودی حکومت کی نگرانی میں حجاج نے انتہائی آسانی اور شاندار طریقہ سے حج کے مناسک ادا کئے، اللہ تعالیٰ سے دعا ہے کہ حجاج کا حج قبول فرمائے اور انہیں بخیر و عافیت اپنے وطن واپس لیجائے،حرمین شریفین کی توسیع اور حجاج کو پیش کی جانے والی خدمات اس بات کی گواہ ہیں کہ سعودی حکومت حج و عمرہ کو آسان سے آسان تر بنانے میں کس قدر سنجیدہ ہے؟ امت مسلمہ کو اس وقت سب سے زیادہ اتحاد اور یکجہتی کی ضرورت ہے،حج ایسا موقع ہے جو امت کے تمام افراد کو متحد کرتا ہے، یہی روح تمام ممالک میں منتقل کرنی ہے،امت مسلمہ ایک ہی امت اور جسد واحد کی مانند ہے۔

Print Friendly, PDF & Email
مقبوضہ کشمیر مختلف حملوں میں ایک انسپکٹر سمیت تین پولیس اہلکار ہلاک
اڈیالہ جیل کی انتظامیہ کا بڑا اعلان کوئی بھی شخص نوازشریف سے ملاقات نہیں کر سکے گا
Translate News »