آرمی چیف سے بحرین نیشنل گارڈ کے کمانڈر کی ملاقات     No IMG     اسرائیل کی جیل میں آگ بھڑک اٹھی، کئی کمرے جھلس گئے     No IMG     اسرائیلی فوج کی گھر گھر تلاشی15 فلسطینی شہری گرفتار     No IMG     وزیر ریلوے شیخ رشید کی نا اہلی کے لیے الیکشن کمیشن میں درخواست دائر     No IMG     فضائی حدود کی بندش، ائیرانڈیا کو کروڑوں کا نقصان     No IMG     دہشت گردی کا کوئی دین اور نسل نہیں ہوتی ,سعودی وزیر خارجہ     No IMG     ایران، عراق اور شامی افواج کے خون نے تینوں ممالک کے درمیان تعلقات کو مزید مضبوط بنایا, بشار الاسد     No IMG     آصف زرداری اور فریال تالپور کی 10 دن کے لیے حفاظتی ضمانت منظور     No IMG     سابق وزیراعلی شہباز شریف کے خلاف ایک اور انکوائری شروع     No IMG     کینیڈین وزیر اعظم جسٹس ٹروڈو نے نیوزی لینڈ میں دہشت گردی کے واقعہ کی مذمت     No IMG     روسی صدر پوتن نے کہا ہے کہ وہ روس میں کرائسٹ چرچ جیسا دہشت گرد حملہ نہیں ہونے دیں گے     No IMG     برطانوی حکام نے نیوزی لینڈ کی مسجدوں میں ہوئی دہشت گردی کی طرز پر برطانیہ میں بھی واقعات پیش آنے کا خدشہ     No IMG     نیوزی لینڈ کی پارلیمنٹ کے پہلے اجلاس کا آغاز تلاوت کلام پاک سے ہوا     No IMG     نیوزی لینڈ مساجد پر دہشت گرد حملے سے متعلق امریکی صدر ڈونلڈ ٹرمپ اپنے بیان پر میڈیا کی تنقید سے برہم     No IMG     نیوزی لینڈ کی قومی فٹسل ٹیم کے گول کیپر عطا الیان بھی کرائسٹ چرچ واقعے میں شہید     No IMG    

ستائیس برس کی کشیدگی کے بعد ریاض اور بغداد کے تعلقات میں گرمجوشی پیدا ہوئی ہے۔ امریکا
تاریخ :   22-10-2017

تقریبا ستائیس برس کی کشیدگی کے بعد ریاض اور بغداد کے تعلقات میں گرمجوشی پیدا ہوئی ہے۔ امریکا کو امید ہے کہ اس طرح علاقائی سطح پر ایران کے اثرو رسوخ کو کم کیا جا سکتا ہے۔

امریکی (ورلڈ فاسٹ نیوز فار یو) وزیر خارجہ ریکس ٹلرسن کی موجودگی میں عراقی وزیر اعظم حیدر العبادی اور سعودی شاہ سلمان نے جوائنٹ کوآرڈینیشن کونسل کی بنیاد رکھی ہے۔ دو طرفہ تعاون کی اس کونسل کے ذریعے دونوں ملک مستقبل میں ایک دوسرے کے ساتھ مل کر کام کرنا چاہتے ہیں۔

سعودی عرب کے دارالحکومت ریاض میں موجود امریکی وزیر خارجہ کی طرف سے اس پیش رفت کی تعریف کرتے ہوئے کہا گیا ہے کہ مشترکہ تعاون کونسل نہ صرف داعش کے خلاف جنگ بلکہ آزاد کرائے گئے علاقوں کی تعمیر نو میں بھی مددگار ثابت ہوگی۔ امریکی وزیر خارجہ کا مزید کہنا تھا، ’’ہم اس پیش رفت کے حوالے سے شکر گزار ہیں۔‘‘ ان کا کہنا تھا کہ اس طرح یہ خطہ مزید مستحکم ہوگا۔

عراق کے اپنے ہمسایہ شیعہ ملک ایران سے قریبی تعلقات ہیں اور اس وقت عراق میں لڑنے والے متعدد شیعہ ملیشیا گروپوں پر ایران کا اثرو رسوخ ہے۔ اب امریکی وزیر خارجہ ریکس ٹلرسن نے مطالبہ کیا ہے کہ ایرانی حمایت یافتہ ملیشیا گروہ عراق سے نکل جائیں۔ انہوں نے کہا کہ داعش کے خلاف جنگ اب ختم ہونے کو ہے، اس لیے ایسے جنگجو گروہوں کو اب عراق سے نکل جانا چاہیے۔ ریاض میں ایک پریس کانفرنس سے خطاب میں انہوں نے مزید کہا کہ تمام غیر ملکی جنگجوؤں کو اب عراق چھوڑ دینا چاہیے۔

امریکی صدر ڈونلڈ ٹرمپ ایران کے خلاف سخت پالسیاں اپنانے کی راہ پر گامزن ہیں۔ امریکی وزارت خارجہ کے ایک بیان کے مطابق ریکس ٹلرسن نے سعودی شاہ سلمان سے خصوصی ملاقات کرتے ہوئے خطے میں ایران کا اثرو رسوخ کم کرنے کے حوالے سے بات چیت کی ہے۔

سعودی عرب عراق مشترکہ تعاون کونسل کے قیام کے حوالے سے آج ریاض میں گفتگو کرتے ہوئے سعودی وزیر خارجہ عادل الجبیر کا کہنا تھا، ’’ہمیں امید ہے کہ اس سے عراق کے اندر ایران کے منفی اثر و رسوخ کا کسی حد تک مقابلہ کیا جا سکے گا۔‘‘

نیوز ایجنسی اے پی کے مطابق عراق کی سرحدوں کو خطے میں مستقبل کی نسلی اور مذہبی تشکیل کے حوالے سے اہم تصور کیا جاتا ہے۔ سن انیس سو نوے میں سابق عراقی صدر کے کویت پر حملے کے بعد بغداد اور ریاض میں تعلقات کشیدہ ہو گئے تھے لیکن اب ان میں بہتری لانے کی کوششیں جاری ہیں۔

یہ ان کوششوں کا ہی نتیجہ ہے کہ سن دو ہزار پندرہ میں سعودی عرب نے عراق میں اپنا سفارت خانہ دوبارہ کھول دیا تھا اور رواں برس کے آغاز پر اس ملک سے متصل اپنی سرحد بھی کھول دی تھی۔ دوسری جانب عراق میں دن بدن بڑھتا ہوا ایرانی اثر و رسوخ نہ صرف سعودی عرب بلکہ امریکا کو بھی ناپسند ہے۔

گزشتہ ہفتے امریکی صدر کے نیشنل سکیورٹی ایڈوائزر مک ماسٹر کا کہنا تھا، ’’صدر ٹرمپ ایک مستحکم عراق دیکھنا چاہتے ہیں لیکن یہ کہ اسے ایران سے منسلک نہیں ہونا چاہیے۔‘‘ ان کا کہنا تھا کہ اس میں سعودی عرب اہم اور وسیع کردار ادا کر سکتا ہے۔

دوسری جانب تجزیہ کاروں کا یہ بھی خدشہ ہے کہ ایسا کرنے سے عراق مزید خانہ جنگی کا شکار ہو سکتا ہے جیسا کہ عراق میں فوجی مداخلت کے بعد ہوا تھا اور داعش جیسی تنظیم وجود میں آ گئی تھی۔

Print Friendly, PDF & Email
کسی عہدہ دار نے اسرائیل کا دورہ نہیں کیا،’سعودی وزارتِ خارجہ
اب شمالی کوریا سے ثابت قدمی سے نمٹا جائے گا، آبے،جاپانی وزیراعظم آبے

Leave a Reply

Your email address will not be published. Required fields are marked *

*

Translate News »