چیف جسٹس کے اعزاز میں فُل کورٹ ریفرنس کاایک جج نے بائیکاٹ کردیا، جانتے ہیں وہ معزز جج کون ہیں ؟     No IMG     الیکشن کمیشن آف پاکستان نے گوشوارے جمع نہ کروانے پر 322 ارکان کی رکنیت معطل     No IMG     حکومت کا غیر قانونی موبائل فونز ضبط کرنے کا فیصلہ     No IMG     امریکہ نے پریس ٹی وی کی اینکر پرسن کو بغیر کسی جرم کے گرفتار کرلیا     No IMG     سندھ میں آئینی تبدیلی لائیں گے، فواد چودھری     No IMG     کسی کی خواہش پرسابق آصف زرداری کو گرفتار نہیں کرسکتے، نیب     No IMG     نئے پاکستان میں تبدیلی آگئی تبدیلی آگئی، اب لاہور ایئرپورٹ پر شراب دستیاب ہوگی     No IMG     برطانوی وزیراعظم ٹریزامےکیخلاف تحریکِ عدم اعتماد ناکام ہوگئی     No IMG     وزیراعظم کی رہائش گاہ پر وفاقی کابینہ کا ہنگامی اجلاس طلب     No IMG     گاڑیوں کی درآمد پر ٹیکس اب غیر ملکی کرنسی میں ادا کرنا ہوگا, وزیر خزانہ     No IMG     تائيوان, کے معاملے ميں مداخلت برداشت نہيں کی جائے گی, چين     No IMG     امریکی صدر ڈونلڈ ٹرمپ نے ترکی کی معیشت کو تباہ کرنے کے بیان سے یوٹرن لیتے ہوئے کہا ہے کہ دونوں ممالک کے درمیان معاشی ترقی کے وسیع مواقع ہی     No IMG     وزیراعظم سے سابق امریکی سفیر کیمرون منٹر کی ملاقات     No IMG     آپ لوگ کام نہیں کر سکتے چیف جسٹس نے اسد عمرکو دو ٹوک الفاظ میں کیا کہہ ڈالا     No IMG     شادی والے گھر میں آگ لگنے سے دلہن سمیت 4 خواتین جاں بحق     No IMG    

جموں کشمیرمیں علیحدگی پسندوں کے لانگ مارچ کی کوشش ناکام
تاریخ :   02-02-2018

نئی دہلی (ورلڈ فاسٹ نیوز فار یو) کے زیرِ انتظام کشمیر میں مسلح پولیس اور نیم فوجی دستوں نے جمعے کے سری نگر کے کئی علاقوں اور جنوبی قصبے شوپیان میں غیر معمولی حفاظتی پابندیوں کے نفاذ اور گرفتاریوں سے استصوابِ رائے کا مطالبہ کرنے والی جماعتوں کے لانگ مارچ کو ناکام بنا دیا۔

ان جماعتوں کے سرکردہ قائدین کے ایک اتحاد نے لوگوں سے کہا تھا کہ وہ جمعہ کے روز شوپیان کی طرف لانگ مارچ کریں تاکہ اُن سات افراد کے خاندانوں سے اظہارِ یکجہتی کیا جا سکے جو 24 جنوری کو عسکریت پسندوں اور حفاظتی دستوں کے ساتھ ایک جھڑپ کے دوران اور اس کے تین دن بعد پتھراؤ کرنے والے ایک ہجوم پر فوج کی فائرنگ میں ہلاک گئے تھے جن میں دو عسکریت پسند اور ایک دس سالہ لڑکا اور پانچ شہری شامل تھے۔

ان ہلاکتوں کے خلاف شوپیان اور ہمسا یہ ضلع پلوامہ میں جمعہ کو نویں روز بھی عام ہڑتال کی وجہ سے کاروبارِ زندگی مفلوج رہا۔

بعد دوپہر جب قوم پرست جموں کشمیر لبریشن فرنٹ کے چیئرمین محمد یاسین ملک نے شوپیان کی جامع مسجد سے باہر آکر ایک احتجاجي جلوس کو منظم کرنے کی کوشش کی تو پولیس نے انہیں اور ان کے چند ساتھیوں کو حراست میں لے لیا۔ اس کے ساتھ ہی شوپیان کی سڑکوں پر مشتعل نوجوانوں اور حفاظتی دستوں کے درمیان جھڑپیں شروع ہوگئیں

میر واعظ عمر فاروق لانگ مارچ شروع کرنے سے قبل اپنے گھر کے باہر صحافیوں سے گفتگو کر رہے ہیں۔ 2 فروری 2018

اس سے پہلے سری نگر میں سرکردہ آزادی پسند لیڈروں سید علی شاہ گیلانی اور میرواعظ عمر فاروق اپنے اپنے گھروں سے باہر نلک کر شوپیان کی طر ف مارچ کرنے لگے تو پولیس نے سید گیلانی کا راستہ روکااور پھر انہیں واپس گھر لوٹنے پر مجبور کیا جبکہ میرواعظ عمرکو حراست میں لے کر قریبی پولیس اسٹیشن پہنچا دیا گیا۔

واضح رہے 88 سالہ سید گیلانی گزشتہ کئی برس سے سری نگر کے حیدر پورہ علاقے میں واقع اپنی رہائش گاہ میں نظر بند ہیں جبکہ میرواعظ عمر کو چند دن پہلے ایک مرتبہ پھر خانہ نظر بند کیا گیا تھا۔

یاسین ملک گرفتاری سے بچنے کے لئے دو دن پہلے روپوش ہو گئے تھے اور جمعہ کو نمازِ جمعہ سے ذرا پہلے سری نگر سے 53 کلو میٹر جنوب میں واقع شوپیان کی تاریخی جامع مسجد میں نمودار ہوئے۔

عہدے داروں نے سری نگر اور شوپیان میں حفاظتی پابندیاں عائد کرنے کا دفاع کرتے ہوئے کہا ہے کہ یہ اقدامات امن و امان اور جان و مال کے تحفظ کو یقینی بنانے کے لئے کیے گئے۔

اس دوران شوپیان میں تشدد کی گونج ایک مرتبہ پھر ریاستی اسمبلی میں سنائی دی جس کا بجٹ اجلاس سرمائی دارالحکومت میں جاری ہے -سابق وزیرِ اعلیٰ اور حزبِ اختلاف کی جماعت نیشنل کانفرنس کے کار گزار صدرعمر عبداللہ نے جمعہ کو ایوان میں تقریر کرتے ہوئے 27 جنوری کو بھارتی فوج کی ایک کانوائے پر سنگبازوں کے مبینہ حملے اور اس پر فوج کی فائرنگ میں تین افراد کی ہلاکت کے واقعے کی تحقیقات کے لئے پولیس کی ایک خصوصي ٹیم تشکیل دینے کا مطالبہ کیا۔

Print Friendly, PDF & Email
پاک فضائیہ نےسومیانی فائرنگ رینج میں میزائل کا کامیاب تجربہ کرلیا,ترجمان پاک فضائیہ
افغانستان کے صدر اشرف غنی نے جمعے کے روز قوم سے اپنے خطاب میں کہا کہ پاکستان طالبان کا مرکز ہے

Leave a Reply

Your email address will not be published. Required fields are marked *

*

Translate News »