پاک فوج نے ایک آپریشن میں 4 مغوی ایرانی فوجیوں کو بازیاب کرالیا     No IMG     دنیا بھر میں آج ہندو برادری اپنا مذہبی تہوار ہولی منا رہی ہے     No IMG     افغانستان کے صوبے ہرات میں سیلاب سے 13 افراد کے جاں بحق ہونے سے ہلاکتوں کی مجموعی تعداد 63 ہوگئی     No IMG     لیبیا میں پناہ گزینوں کو لے جانے والی کشتی ڈوب گئی جس کے نتیجے میں 9 افراد ہلاک     No IMG     اسرائیلی دہشت گردی، غرب اردن میں مزید3 فلسطینیوں کو شہید کردیا     No IMG     پیپلز پارٹی کےچیئرمین نے 3 وفاقی وزرا کو فارغ کرنے کا مطالبہ کردیا     No IMG     وزیراعظم عمران خان کی ہولی کے تہوار پر ہندو برادی کو مبارک باد     No IMG     سابق وزیراعظم نوازشریف نے ای سی ایل سے نام نکالنے کی درخواست دائر کردی     No IMG     سمجھوتہ ایکسپریس کیس کا فیصلہ 12 سال بعد بھی تاخیر کا شکار     No IMG     وزیر اعظم آئین کے آرٹیکل 214 کی شق دو اے پر عمل کرنے میں ناکام     No IMG     روس کے وزیر دفاع سرگئی شویگو نے شام کے صدر بشار اسد سے ملاقات     No IMG     بھارت اور پاکستان متنازع معاملات مذاکرات کے مذاکرات کے ذریعے حل کریں,چین     No IMG     بریگزیٹ پرٹریزامے کی حکمت عملی انتہائی کمزورہے، ٹرمپ     No IMG     امریکی وزیر خارجہ مائیک پمپئو کی کویت کے بادشاہ سے ملاقات     No IMG     نیوزی لینڈ میں جمعہ کو سرکاری ریڈیو اور ٹی وی سے براہ راست اذان نشر ہوگی,جیسنڈا آرڈرن     No IMG    

بیگم کلثوم نواز مرحومہ کی رسم قل کل ( اتوار) بعد از نماز عصر تا اذان مغرب تک جاتی امراء رائے ونڈ میں ادا کی جائے گی
تاریخ :   15-09-2018

لاہور( ورلڈ فاسٹ نیوزفاریو ) سابق وزیر اعظم محمد نواز شریف کی اہلیہ بیگم کلثوم کے انتقال پر جاتی امراء کی فضاء سوگوار ہے ،پارٹی کے مرکزی رہنمائوں سمیت دیگر اہم شخصیات نے جاتی امراء رائے ونڈ میں سابق وزیر اعظم نواز شریف اور شریف خاندان کے دیگر افراد سے ملاقات کر کے بیگم کلثوم

نواز کے انتقال پر اظہار تعزیت اور فاتحہ خوانی کی ، مرحومہ کی رسم قل کل ( اتوار) بعد از نماز عصر تا اذان مغرب تک جاتی امراء رائے ونڈ میں ادا کی جائے گی جس میں صرف شریف خاندان کے افراد اور قریبی عزیز و اقارب شریک ہوں گے،سابق صدر مملکت آصف علی زرداری اور پیپلز پارٹی کے چیئرمین بلاول بھٹو پارٹی کے مرکزی رہنمائوں کے ہمراہ تعزیت کیلئے آج (اتوار) جاتی امراء رائیونڈ آئیں گے۔
گزشتہ روز سابق وزیراعظم محمد نواز شریف ، ان کی والدہ بیگم شمیم اختر ،محمد شہباز شریف ،مریم نوا ز، کیپٹن (ر) محمد صفدر ،سلمان شہباز، جنید صفدر سمیت خاندان کے دیگر افراد اور عزیز و اقارب نے جاتی امراء میں مدفون بیگم کلثوم نواز کی قبر پر پھولوں کی چادریں چڑھائیں ۔ اس موقع پر قرآن خوانی اور فاتحہ خوانی بھی کی گئی ۔۔مسلم لیگ (ن) کے رہنمائوںخواجہ عمران نذیر، علی پرویز ملک، چوہدری شہباز سمیت دیگر نے بھی بیگم کلثوم نواز کی قبر پر حاضری دی اور فاتحہ خوانی کی ۔
لاہور سمیت ملک کے مختلف مقامات پر بھی مرحو مہ کی روح کے ایصال ثواب کے لئے قرآن خوانی اور فاتحہ خوانی کا اہتمام کیا گیا ۔۔قطر کے امیر کے بھائی شیخ ثانی بن حماد التھانی ،سابق سفیر اور ڈپلومیٹک کلب کے صدر جاوید ملک اور چیئرمین البیراک گروپ آف کمپنیز احمت البیراک نے جاتی امراء رائے ونڈ میں نواز شریف سے ملاقات کر کے ان کی اہلیہ کے انتقال پر اظہار تعزیت اور فاتحہ خوانی کی ۔
اس موقع پر مسلم لیگ (ن) کے صدر محمد شہباز شریف بھی موجود تھے ۔جاویدملک نے کہا ک اوورسیز پاکستانیز بھی بیگم کلثوم نواز کی وفات کے صدمے میں برابر کے شریک ہیں ۔(ن) لیگ کے مرکزی رہنمائوں خواجہ آصف ، پرویز رشید،،،مریم اورنگزیب،، پرویز ملک ، ذکیہ شاہنواز،چوہدری اقبال چنڑ ،خواجہ عمران نذیر ِ ، علی پرویز ملک، بلوچستان نیشنل پارٹی کے سربراہ اختر مینگل ،سینئر سیاستدان سیدہ عابدہ حسین، سینئر صحافی حامد میر سمیت دیگر شخصیات نے جاتی امراء رائے ونڈ میں نواز شریف اور شریف خاندان کے دیگر افراد سے ملاقات کر کے بیگم کلثوم نواز کے انتقال پر اظہار تعزیت اور فاتحہ خوانی کی ۔
ترجمان کے مطابق بیگم کلثوم نواز کی رسم قل آج بروز ( اتوار)کو بعد از نماز عصر سے اذان مغرب تک جاتی امراء رائے ونڈ میں ادا کی جائے گی ۔ذرائع کے مطابق پارٹی قیادت کی جانب سے پارٹی کارکنوں اور عوام سے اپیل کی گئی ہے کہ وہ اپنے اپنے علاقوں اور مقامی سطح پر قرآن خوانی اور دعائوں کا اہتمام کر کے بیگم کلثوم نواز کو ایصال ثواب کریں ۔۔مسلم لیگ (ن) کے صدر و قومی اسمبلی میں قائد حزب اختلاف محمد شہباز شریف نے اپنی بھابھی بیگم کلثوم نواز کی نماز جنازہ میں شرکت کیلئے آنے والے قائدین اور ہزاروں افراد کا شکریہ ادا کرتے ہوئے کہا ہے کہ قوم کی دعائوں نے دکھ کی اس گھڑی میں پورے خاندان کی ڈھارس بندھائی، قوم کا پیار اور غمگساری زندگی کا اہم سرمایہ ہے۔
اپنے بیان میں انہوں نے کہاکہ قائد مسلم لیگ (ن) و سابق وزیراعظم محمد نوازشریف سمیت پورا شریف خاندان جنازے میں شرکت کرنے والے اور اپنی دعائوں اور تعزیت میں شریک ہونے والے تمام اندرون وبیرون ملک پاکستانیوں، ہمدردوں اور غمگساروں کا تہہ دل سے شکرگزار ہے۔ ان کی محبتوں کی ہمارے دل میں بے حد قدر ہے اور ہمارے دل احساس تشکر سے بھرے ہوئے ہیں۔
غیرملکی رہنمائوں، محترم سفراکرام،حکومتی اور دیگر شخصیات کا بھی شکریہ ادا کرتے ہیں کہ انہوں نے تعزیتی پیغامات اور بالمشافہ اظہار ہمدردی کیا۔ انہوں نے کہاکہ سفرکی مشکلات اور دشواری کے باوجود ہزاروں افراد کا افسوس کے لئے پہنچنے سے ہمیں حوصلہ ملا اور بڑی بہن کلثوم نواز کے انتقال کی تکلیف میں جس طرح سب نے ڈھارس بندھائی وہ انمول ہے۔
شہباز شریف نے کہاکہ سفر کی دقتوں اور موسم کے پیش نظر درخواست ہے کہ بیگم کلثوم کے ایصال ثواب کیلئے رسم قل میں خاندان کے افراد ہی شریک ہوں گے تاکہ دیگر افراد کو زحمت اور مشکل پیش نہ آئے ۔ہماری درخواست ہے کہ آپ سب مرحومہ بیگم کلثوم نواز کیلئے اپنے علاقوں اور مقامی سطح پر ہی دعائوں اور قرآن خوانی کا اہتمام فرما کر جزائے خیر میں حصہ ڈالیں۔
رسم قل میں صرف شریف فیملی کی شرکت ، عوام، ہمدردوں، غمگساروں ، پرخلوص دعائوں اورمحبت سے ہماری قوت بڑھانے والے دوستوں کو زحمت اور پریشانی سے بچانے کیلئے ہے۔۔مسلم لیگ (ن) لاہور کے جنرل سیکرٹری خواجہ عمران نذیر نے کہا کہ کارکنوں اور عوام سے گزارش ہے کہ وہ گھروں میں رہ کر ہی بیگم کلثوم نواز کی روح کے ایصال ثواب کیلئے قرآن خوانی اور دعا کریں۔
یہ طے ہوا ہے کہ جاتی امراء میں قل خوانی میں صرف خاندان کے افراد اور عزیز و اقارب شرکت کریں گے۔۔پیپلز پارٹی کے ترجمان کے مطابق سابق صدر مملکت آصف علی زرداری اور پیپلز پارٹی کے چیئرمین بلاول بھٹو پارٹی کے دیگر رہنمائوں کے ہمراہ آج اتوار جاتی امراء رائے ونڈ میں سابق وزیر اعظم محمد نواز شریف سے ملاقات کر کے ان کی اہلیہ بیگم کلثوم نواز کے انتقال پر اظہار تعزیت اور فاتحہ خوانی کریں گے۔

Print Friendly, PDF & Email
افغانستان میں فوج کا ہیلی کاپٹر گر کر تباہ 4 اہلکار ہلاک
انڈین, روپے کی قدر میں ریکارڈ کمی
Translate News »