امریکی صدر شیر کی دم کے ساتھ کھیلنا ترک کردے ۔ مزاحمت یا تسلیم کے علاوہ کوئي اور راستہ نہیں۔     No IMG     افریقی ملک مراکش کی عدالت نے ایک بچی کی اجتماعی عصمت ریزی کے گھناؤنے واقعے کی اعلیٰ سطحی تحقیقات شروع     No IMG     دوست کو چاقو کے وارسے قتل کرنے والی حسینا کو سزائے موت     No IMG     بہاولپور جلسے میں کم تعداد پر عمران خان برہم لیکن پارٹی عہدیداران نے ایسی بات بتادی کہ کپتان کیساتھ جہانگیر ترین بھی حیران پریشان     No IMG     اکرام گنڈا پور کے قافلے پر خود کش حملہ، ڈرائیور شہید، تحریک انصاف کے امیدوار اور 2 پولیس اہلکاروں سمیت 6 افراد زخمی     No IMG     پاکستان اچھا کھیلاہم بہت براکھیلے،زمبابوین کھلاڑی کا اعتراف     No IMG     پاکستان سمیت دنیا بھر میں28 جولائی کو مکمل چاند گرہن ہوگا     No IMG     حنیف عباسی کا فیصلہ انصاف کے اصولوں پر مبنی نہیں , شہباز شریف     No IMG     سعودی عرب غیر ملکی ٹرک ڈرائیوروں پر پابندی سے ماہانہ 200ملین ریال کا نقصان ہوگا     No IMG     امریکہ میں کال سینٹر اسکینڈل میں ملوث 21 بھارتی شہریوں کو20 سال تک کی سزا     No IMG     اسرائیی حکومت نے القدس میں سرنگ کی مزید کھدائی کی منظوری دے دی     No IMG     ویتنام کے شمالی علاقوں میں سمندری طوفان سے 20 افراد ہلاک اور14 زخمی ہوگئے     No IMG     شیخ رشید کا کہنا ہے کہ حنیف عباسی کو عمر قید کی سزا ملنے سے اب این اے 60 راولپنڈی کا الیکشن یکطرفہ ہو جائے گا     No IMG     حنیف عباسی نے انسداد منشیات عدالت کی جانب سے دی گئی عمرقید کو ہائیکورٹ میں چیلنج کرنے کا اعلان     No IMG     اسرائیل کے مجرمانہ حملوں میں 4 فلسطینی شہری شہید     No IMG    

بھارت

  • بھارت میں گائے کی اسمگلنگ کے الزام میں ایک مسلمان قتل

    رام گڑھ ( ورلڈفاسٹ نیوزفاریو) بھارت میں ہندوؤں کے ہجوم نے دو مسلمان نوجوانوں کو گائے کی خرید و فرخت کا الزام لگا کر بہیمانہ تشدد کا نشانہ بنایا جس کے نتیجے میں ایک نوجوان جاں بحق ہو گیا ہے۔ رام گڑھ کے علاقے الور میں گزشتہ شب ایک بجے دو نوجوان اکبر اور اسلم ایک ایک گائے کو پیدل اپنے ہمراہ لے جا رہے تھے کہ ہندو ہجوم نے گھیر کر گائے کی ملکیت سے متعلق پوچھا۔ ہجوم کا خیال تھا کہ دونوں نوجوان گائے کو ذبح کرنے یا فروخت کرنے کے لیے لے جا رہے ہیں۔
    ہجوم نے دونوں نوجوانوں کو بہیمانہ تشدد کا نشانہ بنایا جس کے نتیجے میں نوجوان اکبر موقع پر ہی دم توڑ گیا جب کہ اسلم مشتعل ہجوم سے جان بچانے میں کامیاب ہو گیا۔ پولیس نے قتل اور اقدام قتل کی دفعات کے تحت نامعلوم افراد کے خلاف ایف آئی آر درج کر کے تحقیقات کا آغاز کردیا ہے۔ واضح رہے کہ ہندوستان میں مشتعل ہجوم کے ہاتھوں معصوم لوگوں کی ہلاکتوں میں اضافہ ہوتا جا رہا ہے جس پر حال ہی میں ہندوستانی سپریم کورٹ نے مشتعل ہجوم کے ہاتھوں ہلاکتوں کے خلاف پارلیمنٹ کو سخت قانون سازی کرنے کا حکم دیا تھا۔

  • بھارتی وزیراعظم نریندر مودی کے خلاف عدم اعتماد کی تحریک پر انڈین پارلیمنٹ میں بحث شروع

    نئی دہلی( ورلڈفاسٹ نیوزفاریو) بھارتی وزیراعظم نریندر مودی کے خلاف عدم اعتماد کی تحریک پر انڈین پارلیمنٹ میں بحث شروع ہو گئی ہے۔ مودی حکومت کو بظاہر اس قرارداد سے کوئی خطرہ لاحق نہیں ہے۔ حکمران بھارتیہ جنتا پارٹی، ایوانِ زیریں لوک سبھا میں واضح اکثریت رکھتی ہے۔ بی جے پی کو 545 ارکان کے ایوان میں 300 نشستیں حاصل ہیں۔ مودی کی قوم پرست ہندو اتحادی جماعتوں شیو سینا اور بِیجو جنتا دَل نے عدم اعتماد کی قرارداد پر شروع ہونے والی بحث کے اجلاس میں شرکت سے معذوری کا اظہار کیا ہے۔

  • بھارت کی ریاست اتراکھنڈ میں بس کھائی میں گرنے کے نتیجے میں 14 مسافر جاں بحق اور 17 زخمی

    اتراکھنڈ ( ورلڈفاسٹ نیوزفاریو) بھارت کی ریاست اتراکھنڈ میں بس کھائی میں گرنے کے نتیجے میں 14 مسافر جاں بحق اور 17 زخمی ہوگئے ہیں۔ تفصیلات کے مطابق حادثہ ہندوستانی شہر دیرہ دون میں پیش آیاجب ڈرائیور سے بس بے قابو ہو کر گہری کھائی میں جا گری تھی۔ ریسکیو ذرائع کے مطابق زخمیوں میں سے 9 افراد کی حالت تشویشناک ہے جنہیں ہیلی کاپٹر کے ذریعے اسپتال پہنچا دیا گیا ۔بس میں 31افراد سوار تھے۔

  • بھارتی وزیر قانون و انصاف کو بی بی سی نمائندے نے بھارت کا اصل چہرہ دکھا دیا

    نئی دہلی( ورلڈفاسٹ نیوزفاریو) بی بی سی نمائندے نے بھارتی وزیر قانون و انصاف کو بھارت کا اصل چہرہ دکھا دیا ۔ مودیحکومت بظاہر مسلم کش ، اقلیتوں کے خلاف پالیسیوں پر عمل پیرا ہے، بی بی سی نمائندے کے بھارتی وزیر قانون سے چبھتے سوالات ، بھارتی وزیر قانون کوئی تسلی بخش جواب نہ دے دکے مقبوضہ کشمیر میں معصوم کشمیریوں کا بھارتی افواج کے ہاتھوں قتل عام ، کشمیری خواتین کے ساتھ زیادتی کے الزامات ، 8 سالہ کشمیری لڑکی کے ساتھ اجتماعی زیادتی کے ملزمان کو بھارت حکومت کی پشت پناہی کے سوال پر بھارتی وزیر قانون آئیں بائیں شائیں کرتے رہے ۔مودی حکومت کے دور میں انسانی حقوق کی سنگین خلاف ورزیوں کے واقعات کو تفتیش کے لئے اقوام متحدہ کی معائنہ ٹیم کو مقبوضہ کشمیر میں داخلے کی اجازت دینے کے سوال پر بوکھلاہٹ کا مظاہرہ کرتے ہوئے بھارتی وزیر قانون و انصاف روی شنگر نے یو این انسانی حقوق کمشنر کی رپورٹ مسترد کر دی ۔

    بی بی سی کی جانب سے بھارت کو ہندو قوم پرستوں کا ملک اور بھارت میں بسنے والے مسلمانوں کے ساتھ بھارتی ظلم و ستم گائو ماتا کے نام پے بے گناہ مسلمانوں کے قتل کے واقعات کے حوالے سے اٹھائے جانے والے سوالات کا بھارتی وزیر کوئی تسلی بخش جواب نہ دے سکے ۔

    بی بی سی نمائندے کی جانب سے جب یہ سوال اٹھایا گیا کہ بھارت میں ذات پات مذہب کی بنیاد پر تیزاب گردی اور دیگر مظالم کے واقعات میں مودی دور میں اضافہ ہوا ہے اس پر بھارتی وزیر قانون نے کہا کہ یہ حقیقت کے برعکس ہے ۔ بی بی سی پروگرام کے میزبان نے کئی مواقع پر بھارت میں ہونے والے انسانیت سوز مظالم ، کسانوں کے ساتھ روا رکھے جانے والے سلوک ، جمہوریت کے نام پر غیر جمہوری اقدامات ، دنیا بھر میں خواتین کو ہراساں کرنے کے واقعات میں بھارت کے سرفہرست آنے کی رپورٹس کا حوالہ دیتے ہوئے بھارتی حکومت کو قابل نفرت قرار دیا۔سٹیفن سکر نے بھارت کو مسلم دشمن ریاست قرار دیتے ہوئے کہا کہ بظاہر بھارت میں کوئی بھی مسلمان اقلیت محفوظ نہیں ، مودی حکومت نے 18 کروڑ مسلمانوں کو تسلیم کرنے سے انکار کر دیا ۔ بی بی سی نمائندے کے پوچھے گئے سوالات کا بھارتی وزیر قانون کسی بھی سوال کا تسلی بخش جواب نہ دے سکے ۔

  • بھارتی فضائیہ کامگ21 طیارہ ہماچل پردیش کے ضلع کنگرا میں گر کر تباہ ہو گیا،حادثے میں طیارے کا پائلٹ بھی ہلاک

    ضلع کنگر( ورلڈفاسٹ نیوزفاریو)بھارتی فضائیہ کامگ21 طیارہ ہماچل پردیش کے ضلع کنگرا میں گر کر تباہ ہو گیا،حادثے میں طیارے کا پائلٹ بھی ہلاک ہو گیاہے۔ ہندوستانی فضائیہ کے جیٹ طیارے نے پٹھان کوٹ ایئربیس سے اڑان بھری تھی کہ تکنیکی خرابی پر ہماچل پردیش کے ضلع کنگرا میں گر کر تباہ ہو گیا۔بھارتی میڈیا کے مطابق جیٹ طیارے کے گرنے کی کورٹ آف انکوائری کا حکم دے دیا گیاہے۔

  • بھارتی وزیراعظم کے جلسے میں ٹینٹ گرنے سے 22 افراد زخمی

    ضلع مڈناپور ( ورلڈفاسٹ نیوزفاریو) بھارت کے وزیراعظم نریندرا مودی کے جلسے میں ٹینٹ گرنے سے 22 افراد زخمی ہو گئے ہیں۔ اطلاعات کے مطابق ریاست مغربی بنگال کے ضلع مڈناپور میں وزیراعظم مودی عوامی اجتماع سے خطاب کرنے پہنچے تھے تاہم جلسہ کے شرکاء کو بارش سے محفوظ رکھنے کے لیے نصب ٹینٹ اچانک شرکاء پر گر گیا جس کی زد میں آکر 22 افراد زخمی ہو گئے جنہیں طبی امداد کے لیے قریبی اسپتال منتقل کردیا گیا ہے۔

    وزیراعظم نریندرا مودی نے جلسہ گاہ کا ٹینٹ گرنے پر تقریر روک کر امدادی کام کی نگرانی کی، ادھوری تقریر کو مختصر کرنے کے بعد وہ زخمیوں کی عیادت کے لیے اسپتال پہنچے اور اسپتال انتظامیہ کو زخمیوں کو ہر ممکن طبی امداد فراہم کرنے کی ہدایت کی۔

  • بھارتی ریاست آسام میں پہلی بار ایک خواجہ سرا کو جج مقرر

    بھارت ( ورلڈفاسٹ نیوزفاریو) ریاست آسام میں پہلی بار ایک خواجہ سرا کو جج مقرر کردیا گیا ہے۔ جج سواتی بدھان بارو نے مقدمات کی سماعت بھی کی۔ آسام کی جج سواتی نے بتایا کہ انہیں جج بننے کا حق آسانی سے نہیں ملا، اس کے لیے اُنہیں باقاعدہ قانونی جنگ لڑنی پڑی۔ہندوستان میں اس سے پہلے بھی دو خواجہ سراؤں کو جج مقرر کیا جاچکا ہے۔

     

  • گرجا گھر کے 3پادریوں کی کئی سال تک خاتون سے جنسی زیادتی ، افسوسناک واقعہ

    نئی دہلی( ورلڈفاسٹ نیوزفاریو) بھارت کی ایک عدالت نے ملک کے جنوبی حصے میں واقع ایک گرجا گھر کے تین پاردیوں کے خلاف ایک خاتون سے جنسی زیادتی کے مقدمے میں ضمانت دینے سے انکار کر دیا ہے۔گرفتاری کے خوف سے ریاست کیرالا کے تین پادریوں نے قبل از گرفتاری ضمانت کے لیے کوچی میں واقع ہائی کورٹ سے رجوع کیا۔پولیس نے ایک خاتون کی شکایت کے بعد کہ تین پادری کئی سال تک اسے

    جنسی زیادتی کا نشانہ بناتے رہے، اس مہینے کے شروع میں تحقیقات شروع کیں۔پادریوں کو خدشہ ہے کہ پولیس انہیں گرفتار کر لے گی۔ہائی کورٹ کے جج وجے راگھوان نے بدھ کے روز اپنے فیصلے میں کہا کہ وہ پولیس کے ان خدشات کو نظر انداز نہیں کر سکتے کہ پادری آزاد رہنے کی صورت میں شواہد کو ضائع کر سکتے ہیں اور تفتیش کے دوران گواہوں پر اثر انداز ہو سکتے ہیں۔پریس ٹرسٹ آف انڈیا نے اپنی رپورٹ میں بتایا ہے کہ۔ کیرالا کی 25 فی صد آبادی مسیحوں پر مشتمل ہے

  • ہم جنس پرستی کے خلاف قانون سے متعلق فیصلہ سپریم کورٹ کرے

    بھارت(ورلڈفاسٹ نیوزفاریو) بھارتی حکومت نے اس امر کا تعین کرنے کا اختیار ملکی سپریم کورٹ پر چھوڑ دینے کا فیصلہ کیا ہے کہ آیا ہم جنس پرستی کے خلاف ایک پرانا ملکی قانون غیر آئینی ہے۔ بھارت میں یہ قانون برطانوی نوآبادیاتی دور سے نافذ چلا آ رہا ہے۔ ملکی سپریم کورٹ پہلے ہی چند ایسی آئینی درخواستوں کی سماعت کر رہی ہے، جن میں اسی عدالت کے چند ایسے گزشتہ فیصلوں کے نئے سرے سے جائزے کی اپیل کی گئی ہے، جن میں اس قانون کا آئین سے ہم آہنگ قرار دیا گیا تھا۔ مروجہ قانون کے تحت ہم جنس پرستی کے مرتکب کسی بھی شہری کو جرمانے کے علاوہ دس سال تک قید کی سزا سنائی جا سکتی ہے۔

  • تاج محل سے ملحقہ مسجد میں نماز کی ادائیگی پر پابندی عائد

    آگرہ (ورلڈفاسٹ نیوزفاریو) بھارتی سپریم کورٹ نے تاج محل سے ملحقہ مسجد میں غیر مقامی افراد کو نماز کی ادائیگی سے روک دیا ہے۔ اطلاعات کے مطابق سپریم کورٹ نے اپنے مختصر فیصلے میں تاج محل سے متصل جامع مسجد میں غیر مقامی افراد کے نماز کی ادائیگی پر پابندی عائد کردی ہے۔ فیصلے کی رو سے صرف آگرہ کے رہائشیوں کو شناخت کے بعد مسجد میں نماز جمعہ کی ادائیگی کی اجازت دی جائے گی۔سپریم کورٹ نے اپنے فیصلے میں کہا ہے کہ تاج محل دنیا کے سات عجائب میں سے ایک ہے یہ ایک قومی ورثہ ہے جس کی حفاظت ہم سب پر لازم ہے اس لیے تاج محل سے ملحقہ مسجد میں سیاحوں اور غیر مقامیوں کی نماز کی ادائیگی سے سیکیورٹی خدشات میں اضافہ ہو جاتا ہے اور نماز جمعہ کے وقت زیادہ رش کے باعث خوبصورت تاج محل کو نقصان پہنچنے کا بھی احتمال رہتا ہے۔ واضح رہے کہ اس سے قبل مقامی مجسٹریٹ کی عدالت نے بھی اسی قسم کی پابندی عائد کی تھی جس پر ایک شہری نے سپریم کورٹ سے رجوع کیا تھا تاہم سپریم کورٹ نے مقامی انتظامیہ کے فیصلے کی توثیق کردی ہے۔

  • بھارت میں ایک مسافر نے 25 لڑکیوں کو اسمگل ہونے سے بچا لیا

    بھارت(ورلڈفاسٹ نیوزفاریو) کی ریاست اتر پردیش میں ایک مسافر نے 25 نو جوان لڑکیوں کو اسمگل ہونے سے بچا لیا۔ اطلاعات کے مطابق ریاست اتر پردیش میں ایک شخص ٹرین میں سفر کر رہا تھا کہ اس نے محسوس کیا کہ یہ لڑکیاں پریشانی میں ہیں اور رو بھی رہی ہیں۔

    اس شخص نے انتظار کئے بغیر ٹوئٹر پر پیغام لکھ کر لڑکیوں کی پریشانی کے حوالے سے بھارتی وزیر اعظم نریندر مودی، وزیر ریلوے، وزیر اعلیٰ سمیت چند وزرأ کو ٹیگ کیا۔ اس کے ٹوئٹ میں ٹرین کا نام اور دوسری ساری معلومات شامل تھی،ساتھ ہی لکھا کہ ’لگ بھگ 25 لڑکیاں رو رہی ہیں اور کسی مشکل میں ہیں۔‘کچھ گھنٹوں میں ہی اس ٹوئٹ الرٹ نے ریاست کے پولیس اسٹیشنوں اور ریلوے اسٹیشنوں پرہل چل مچا دی۔پولیس انسداد اسمگلنگ یونٹ سے رابطہ کر کے لڑکیوں کو ڈھونڈ نکالنے میں کامیاب ہو گئی۔

  • بھارت میں پانچ عرب باشندے گرفتار وہ ایسا کیا کر رہے تھے

    نئی دہلی (ورلڈ فاسٹ نیوز فار یو) بھارت میں انتہا پسندی کے تمام تر اشاریئے اس وقت بلند ترین سطح پر ہیں ،سیکولر بھارت میں مذہبی جنونیت اور انتہا پسندی کی شدت کا اندازہ یوں لگایا جا سکتا ہے کہ مذہبی انتہا پسندی میں بھارت دنیا میں ہر سال اولین نمبروں پر رہتا ہے۔

    خواتین کے ساتھ جنسی زیادتی اور جبری مشقت کے واقعات کی وجہ سے گزشتہ ہفتے بھارت کودنیا کا سب سے خطرناک ملک قرار دیا گیا ہے جبکہگائو رکشکوں کے ہاتھوں کسی بھی راہ چلتے کو قتل کردینا معمول بن گیا ہے،سوشل میڈیا پر آج کل بھارت کی ایک ویڈیو زیر گردش ہے جس میں پانچ ہندو عرب مسلمانوں کا روپ دھارے بھیک مانگ رہے ہیں۔

    انہوں نے باقاعدہ طور پر سروں پر ٹوپیاں پہنی ہو ئی ہیں اور عربی لباس زیب تن کیا ہوا ہے اور لوگوں سے دست سوال کر رہے ہیں،تاہم ایک شخص جسے ان کی حقیقت کا علم ہے ان کو پکڑ لیتا ہے اور انہیں اس بات کا احساس دلاتا ہےکہ تم ہندو دہرم سے تعلق رکھتے ہو اور مسلمان بن کر بھیک مانگ رہے ہو۔

    مذکورہ ویڈیوں میں دیکھا جا سکتا کہ وہ شخص جسے ان پانچوں افراد کی حقیقت کا علم ہے ان سے کہتا ہے کہ تم ہندو بن کر بھی دست سوال کرتے تب بھی تمہاری مدد ضرور کی جاتی لیکن مسلمانوں کا روپ دھار کر بھیک مانگ کر لوگوں کو دھوکہ دے رہے ہو ،دھوکہ دہی بالکل نہیں چلے گی۔

    اس شخص نے پانچوں افراد کی جان اس وقت تک نہیں چھوڑی جب تک انہوں نے اپنے سروں سے ٹوپیاں نہیں اتاردیں اور آئندہ بھی ایسا نہ کرنے کا وعدہ نہیں کرلیا۔