محکمہ موسمیات کی پیش گوئی 19سے 26فروری تک ملک بھر میں بارشوں کی نیا سلسلہ شروع ہونے والا ہے     No IMG     وزیراعظم عمران خان کا سعودی عرب میں مقیم پاکستانیوں کیلئے بڑا مطالبہ     No IMG     حکمرانوں کے تمام حلقے کشمیر کے معاملے پر خاموش ہیں, مولانا فضل الرحمان     No IMG     پاکستان, میں 20ارب ڈالرز کی سرمایہ کاری کا پہلا مرحلہ مکمل ہوگیا: سعودی ولی عہد     No IMG     لاہور قلندرز 78 رنز پر ڈھیر     No IMG     ابو ظہبی میں ہتھیاروں کے بین الاقوامی میلے کا آغاز     No IMG     برطانوی ہوائی کمپنی (Flybmi) دیوالیہ، سینکڑوں مسافروں کو پریشانی     No IMG     یورپ میں قانونی طریقے سے داخل ہونے والے افراد کی طرف سے سیاسی پناہ کی درخواستیں دیے جانے کا رجحان بڑھ رہا ہے     No IMG     ٹرین کے ٹائلٹ میں پستول، سینکڑوں مسافر اتار لیے گئے     No IMG     یورپی یونین ,کے پاسپورٹوں کا کاروبار ’ایک خطرناک پیش رفت     No IMG     بھارت نے کشمیری حریت رہنماؤں کو دی گئی سیکیورٹی اورتمام سرکاری سہولتیں واپس لے لی     No IMG     پی ایس ایل کے چھٹے میچ میں کوئٹہ گلیڈی ایٹرز نے اسلام آباد یونائیٹڈ کو 7وکٹوں سے شکست دےدی     No IMG     وزیرخارجہ کا ایرانی ہم منصب کو ٹیلیفون     No IMG     سعودی ولی عہد کا پاکستان میں تاریخی اور پُرتپاک استقبال     No IMG     پاکستان ,کو زاہدان کے دہشتگردانہ حملے کا جواب دینا ہوگا، ایران     No IMG    

بھارت میں صدی کا بدترین سیلاب سینکڑوں افراد ہلاک اور لاکھوں بے گھر
تاریخ :   19-08-2018

کیرالا ( ورلڈفاسٹ نیوزفاریو ) جنوبی بھارتی ریاست کیرالا میں گزشتہ ایک صدی کے دوران آنے والے بدترین سیلاب کے باعث اب تک سینکڑوں افراد ہلاک اور لاکھوں بے گھر ہو چکے ہیں۔ بے گھر سیلاب زدگان کے لیے چار ہزار عارضی رہائشی کیمپ قائم کیے جا چکے ہیں۔

کیرالا کے شہر چینگانور سے اتوار انیس اگست کو ملنے والی نیوز ایجنسی ایسوسی ایٹڈ پریس کی رپورٹوں کے مطابق حکام نے آج بتایا کہ اب تک یہ سیلاب 350 سے زائد شہریوں کی ہلاکت کی وجہ بن چکے ہیں۔ اس کے علاوہ اپنے گھروں اور رہائشی علاقوں کے پوری طرح زیر آب آ جانے کے نتیجے میں بے گھر ہو جانے والے شہریوں کی تعداد بھی آٹھ لاکھ سے تجاوز کر چکی ہے۔
کیرالا میں قدرتی آفات سے نمٹنے کے محکمے کے اعلیٰ اہلکار پی ایچ کوریان نے بتایا، ’’ہزاروں کی تعداد میں امدادی کارکن متاثرین کی مدد کرنے میں مصروف ہیں۔ چاروں طرف سے پانی میں گھرے ہوئے علاقوں میں سینکڑوں کشتیوں اور دو درجن کے قریب ہیلی کاپٹروں کی مدد سے متاظرین تک ہنگامی امدادی سامان پہنچایا جا رہا ہے۔‘‘
کوریان نے نیوز ایجنسی اے پی کو بتایا کہ اب بھی قریب 10 ہزار افراد ایسے ہیں، جو ہر طرف سے پانی میں گھرے ہوئے ہیں اور اپنے گھروں یا مکانات کی چھتوں پر مدد کے انتطار میں ہیں۔ انہوں نے کہا، ’’ہم ان تقریاﹰ دس ہزار متاثرین کو بھی کل پیر کے دن تک ریسکیو کر لیں گے۔‘‘

کیرالا ہی میں ریاستی حکومت کے دیگر اہلکاروں کے مطابق آٹھ لاکھ بے گھر شہریوں کے لیے چار ہزار کے قریب عارضی رہائشی کیمپ قائم کیے جا چکے ہیں اور امید ہے کہ ان کی مدد کا کام آئندہ دنوں میں زیادہ تیز رفتاری سے کیا جا سکے گا کیونکہ اب بارشیں کچھ کم ہو گئی ہیں۔ لیکن بیس اگست کے دن متاثرین کی مدد کا کام ایک بار پھر اس لیے مشکلات کا شکار ہو سکتا ہے کہ بھارت میں مون سون کے موسم کے عروج پر موسمیاتی ماہرین نے پیر کے روز پوری ساحلی ریاست کیرالا میں نئے سرے سے شدید بارشوں کی پیش گوئی کی ہے۔
ادھر پریس ٹرسٹ آف انڈیا نے بتایا ہے کہ کیرالا کی ہمسایہ بھارتی ریاستوں مدھیہ پردیش اور مہاراشٹر سے کم از کم دو ریل گاڑیاں بہت سا امدادی سامان لے کر کیرالا کے لیے روانہ ہو چکی ہیں۔ بھارتی ریلوے کے ایک مرکزی اعلیٰ افسر کے مطابق ان ریل گاڑیوں کے ذریعے کیرالا کے سیلابی متاثرین کے لیے ہنگامی امدادی سامان اور اشیائے خوراک کے علاوہ پینے کا قریب 1.5 ملین لٹر صاف پانی بھی بھیجا جا رہا ہے۔
کیرالا میں یہ سیلاب ان مسلسل شدید بارشوں کے بعد آئے تھے، جو ملک کے کئی حصوں میں آٹھ اگست کو شروع ہوئی تھیں۔ یہ سیلاب اتنے شدید تھے کہ گزشتہ ایک صدی کے دوران کم از کم کیرالا میں اس کی کوئی مثال نہیں ملتی۔ ان سیلابوں کے دوران زیادہ تر ہلاکتیں لینڈ سلائیڈنگ، مکانات کے منہدم ہو جانے اور بنیادی ڈھانچے کو پہنچنے والے شدید نقصان کے نتیجے میں ہوئی تھیں۔
سیلاب کی تباہ کاریوں کے نتیجے میں کیرالا میں اب تک بہت سے پل بھی منہدم ہو چکے ہیں جبکہ مجموعی طور پر 10 ہزار کلومیٹر سے زیادہ طویل روڈ نیٹ ورک کو بھی بری طرح نقصان پہنچا ہے۔ سیلاب ہی کی وجہ سے گزشتہ منگل کے دن سے ریاست کے بڑے ہوائی اڈوں میں شمار ہونے والا کوچی شہر کا ایئر پورٹ بھی بند ہے، جو شاید 26 اگست کو دوبارہ کھولا جا سکے گا۔

Print Friendly, PDF & Email
فلسطین:یہودی انتہا پسندوں کی آج مسجد اقصیٰ میں تلمودی نماز کی ادائی کی دعوت
آسٹریا کی وزیر خارجہ کی شادی، روسی صدر کا رقص
Translate News »