شمالی کوریا کا ایٹمی طاقت کے مظاہرے کا عزم     No IMG     عراق کے دارالحکومت بغداد میں خودکش حملے کے نتیجے میں 19 افراد جاں بحق     No IMG     جرمنی کے وزير خارجہ نے اعلان کیا ہے کہ یورپی یونین کے رکن ممالک مشترکہ ایٹمی معاہدے کی حمایت پر متحد اور متفق ہیں۔     No IMG     ایران کو شام میں فوجی بیس بنانے کی اجازت نہیں دیں گے,اسرائیل کے وزير اعظم     No IMG     مقبوضہ کشمیر، یاسین ملک کی مسلسل غیر قانونی نظر بندی کی سخت مذمت کرتے ہوئے عالمی ریڈ کراس کمیٹی سے اپیل     No IMG     سابق وزیراعظم نواز شریف نے چئیرمین نیب جسٹس (ر) جاوید اقبال کو توہین آمیز پریس ریلیز جاری کرنے پر قانونی نوٹس بھجوا دیا۔     No IMG     قونصل جنرل عائشہ فاروقی نے جیل میں ڈاکٹرعافیہ صدیقی سےملاقات     No IMG     پی ٹی آئی چئیرمین نے بڑا فیصلہ کر لیا ، اب پی ٹی آئی میں شمولت اختیار کرنا آسان نہ ہو گا     No IMG     پاکستان میں تھری اور فور جی صارفین کی تعداد 5 کروڑ46 لاکھ ہو گئی،     No IMG     سابق وزیراعظم نواز شریف نے احتساب عدالت میں اپنے نکالنے کی 4 بڑی وجوہات بتادیں     No IMG     حافظ آباد میں کپڑے کی فیکٹری میں آگ لگ گئی     No IMG     پی ٹی آئی کے اعلیٰ عہدے داروں کی پریم کہانی شروع ہو گئی     No IMG     امريکا نے 5 ايرانی اہلکاروں پر پابندی عائد کر دی     No IMG     موجودہ حکومت نے دہشت گردی ، عسکریت پسندی اور توانائی بحران کو حل کیا ، ملکی معیشت کو مستحکم کردیا, لیفٹیننٹ جنرل (ر) عبدالقیوم     No IMG     پی ٹی آئی گزشتہ 5 سالوں میں خیبرپختونخوا میں ڈلیور کرنے میں بری طرح ناکام ہوئی، مائزہ حمید     No IMG    

بزنس

  • ٹوکیو سٹاک سمیت دوسری ایشائی سٹاک مارکیٹس میں پیر کو تیزی کا رجحان رہا۔

    ہانگ کانگ۔ ۔( ورلڈ فاسٹ نیوز فار یو ) ٹوکیو سٹاک سمیت دوسری ایشائی سٹاک مارکیٹس میں پیر کو تیزی کا رجحان رہا۔یورپ اور وال سٹریٹ کے حصص بازار ایسٹر کے تہوار کے باعث بند رہے۔ٹوکیو کا نکی225 انڈکس میں 0.23 فیصد سی50.41 پوانٹس کا اضافہ ہوا جبکہ ٹاپکس انڈکس میں بھی 2.92 پوانٹس بڑھے۔ آسٹریلیا،نیوی لینڈ اور ہانگ کانگ کی سٹاک مارکیٹس عوامی تعطیل کی وجہ سے بند رہیں۔چین کی شنگھائی سٹاک ایکسچینج کا مرکزی کمپوزٹ انڈکس فلیٹ رہا جس کی وجہ یوان کی قدر مستحکم ہونا ہے۔شنگھائی کمپوزٹ انڈیکس 0.88 پوانٹس اضافہ کے ساتھ 3,169.78 پر بند ہوا جبکہ شنزن انڈیکس4.71 پوانٹس کیاضافے کے ساتھ 1,858.43پر بند ہوا۔ سیئول کے کوسپی انڈیکس میں0.56 فیصد اضافہ ہوا اور انڈیکس وقفہ پر 2,459.54 پر بند ہوا۔

  • پاکستانی سپر اسٹار فواد خان اور بھارت کی خوبرو اداکارہ دپیکا پڈوکون ایک بار پھر ساتھ جلوہ گر ہونے کو تیار

    دبئی( ورلڈ فاسٹ نیوز فار یو )پاکستانی سپر اسٹار فواد خان اور بھارت کی خوبرو اداکارہ دپیکا پڈوکون ایک بار پھر ساتھ جلوہ گر ہونے کو تیار ہیں۔دبئی میں منعقد ہونے والی ایک تقریب میں بالی ووڈ سمیت پاکستانی اسٹارز بھی شرکت کریں گے جن میں بھارتی اداکارہ ودیا بالن، کرن جوہر، جیکی شروف اور دپیکا پڈوکون بھی شامل ہیں،جب کہ پاکستان سے سپر اسٹار فواد خان اور اداکارہ مہوش حیات بھی تقریب

     

     

    میں شریک ہوں گی۔پاکستانی سپر اسٹار فواد خان ایک بار پھر دپیکا پڈوکون کے ساتھ اسٹیج پر دکھائی دیں گے۔اس سے قبل فواد اور دپیکا ایک ساتھ بھارتی معروف ڈیزائنر منیش ملہوترا کے شو اسٹوپر کے طور پر ایک ساتھ ریمپ پر واک کر چکے ہیں۔

  • متحدہ عرب امارات میں ڈیزل کی قیمت میں کمی اعلان کر دیا

    دبئی ( ورلڈ فاسٹ نیوز فار یو )  متحدہ عرب امارت کی ایندھن کمیٹی نے اپریل کے لیے ایندھن کی قیمتوں کا اعلان کر دیا ہے۔ سُپر 98 پٹرول کی قیمت اب سے 2.33 درہم فی لیٹر ہو گی جو کہ مارچ میں بھی یہی تھی جبکہ سُپر 95 پٹرول کی قمیت 2.22 درہم فی لیٹر ہو گی ۔ اپریل کے لیے جاری ہونے والی تمام قیمتیں وہی ہیں جو کہ مارچ 2018 میں تھیں۔ قیمتوں میں کسی قسم کی کوئی تبدیلی دیکھنے کو نہیں ملی ہے ۔ تاہم ڈیزل کی قیمت میں کمی دیکھنے کو ملی ہے جو کہ اب 2.40 درہم فی لیٹر ہو گی ، مارچ میں ڈیزل کی قیمت 2.43 درہم فی لیٹر تھی۔

  • چین، دبئی اور کینیا میں پاکستانی چاول کی دھوم مانگ میں مزید اضافے

    کراچی (ورلڈ فاسٹ نیوز فار یو) چین، دبئی اور کینیا میں پاکستانی چاول کی دھوم مچ گئی۔ 8 ماہ میں چاول کی برآمدات میں 27 فیصد اضافہ ریکارڈ کیا گیا۔

    دنیا کے مختلف ممالک میں پاکستانی چاول کو خوب پسند کیا جاتا ہے۔ یہی وجہ ہے کہ جولائی سے فروری کے دوران چاول کی برآمدات 27 فیصد اضافے سے 1 ارب 22 کروڑ ڈالر تک پہنچ گی ہیں۔ گزشہ مالی سال کے اسی عرصے کے دوران صرف 96 کروڑ ڈالر کے چاول برآمد کیے گے تھے۔

    رائس ایکسپورٹرز ایسوسی ایشن کے مطابق عالمی منڈی میں چاول کی طلب میں اضافہ ہوا ہے۔ پاکستانی چاول اپنے معیار اور کم قیمت کے باعث دنیا بھر میں پسند کیے جارہے ہیں۔ چین، دبئی اور کینیا کی منڈی میں پاکستانی چاول کی مانگ میں اضافہ ہوا ہے اور پاکستانی چاول کی برآمدات میں مزید اضافے کا رجحان جاری ہے۔

  • گوجرانوالہ۔ ہیٹرو سافٹ کے اشتراک سے چائنہ میں فری تعلیم کے حوالہ سے سیمینار کا نعقاد کیا گیاُُ۔

    گوجرانوالہ۔ ہیٹرو سافٹ اور AIAU کے اشتراک سے چائنہ میں فری تعلیم کے حوالہ سے سیمینار کا نعقاد کیا گیاُُ۔ گوجرانوالہ۔ ہیٹرو سافٹ اور AIAU کے اشتراک سے چائنہ میں فری تعلیم کے حوالہ سے سیمینار کا نعقاد کیا گیاُُ۔جس میں ملک کے نامور شخصیات نے شرکت کی۔ طلبا سے خطاب کرتے ہوئے عدنان صاحب کا کہنا تھا کہ چین پاکستان کی عوام کو تعلیم یافتہ کرنے کئلیے اچھے موقع دے رہا ہے جن سے ہمیں فائدہ حاصل کرنا چاہئے

    ۔اس موقع پر عمیر اشرف سانسی،عمر شہزاد،علی اسد،امیدالرحمن،عمر چٹھہ اور دیگر نے بھی خطاب کیا۔

     

  • سٹیٹ بینک آف پاکستان کے مطابق اگست کے اواخر تک ملک کا مجموعی قرضہ تقریباً 21 کھرب 80 ارب روپے تک پہنچ گی

     

    اسلام آباد (ورلڈ فاسٹ نیوز فار یو) سٹیٹ بینک آف پاکستان کے مطابق اگست کے اواخر تک ملک کا مجموعی قرضہ تقریباً 21 کھرب 80 ارب روپے تک پہنچ گیا جو کہ گزشتہ سال اسی عرصے کے دوران کی شرح سے 11.23 فیصد زیادہ ہے۔

    گزشتہ سال 31 اگست کو پاکستان کا قرض ساڑھے 19 کھرب روپے تک تھا۔

    مرکزی بینک کے ہفتہ کو سامنے آنے والے اعدادوشمار ظاہر کرتے ہیں کہ وفاقی حکومت بدستور بینکوں سے قرضوں پر انحصار کر رہی ہے جب کہ ماہرین اس بڑھتے ہوئے قرضے کو اخراجات اور بجٹ خسارے میں اضافے، ٹیکسوں کی کم وصولی اور بڑی تعداد میں ٹیکس کا دائرہ محدود ہونے اور بیرونی سرمایہ کاری کے فقدان کا شاخسانہ قرار دیتے ہیں۔

    پاکستان کو ایک دہائی سے زائد عرصے تک دہشت گردی کے علاوہ توانائی کے شدید بحران کا بھی سامنا رہا جس سے اس کی معیشت بری طرح متاثر ہوئی۔ لیکن موجودہ حکومت یہ دعویٰ کرتی آئی ہے کہ ماضی کی نسبت ملک کی معیشت اپنے پیروں پر کھڑی ہو چکی ہے اور حکومتی پالیسیوں کی وجہ سے مستقبل میں مزید فروغ پائے گی۔

    تاہم خاص طور پر وفاقی وزیر خزانہ اسحٰق ڈار کے خلاف احتساب عدالت میں جاری کارروائیوں کے بعد سے حزب مخالف اور ماہرین اقتصادیات یہ کہتے آ رہے ہیں کہ ضروری ہے کہ ملک کی اقتصادیات کو کسی بڑے بحران سے بچانے کے لیے اسحٰق ڈار منصب سے علیحدہ ہو جائیں اور حکومت اس جانب سنجیدگی سے توجہ دے۔

    حکومت کو سیاسی طور پر بھی مختلف چیلنجز کا سامنا ہے اور کاروباری طبقہ ملک میں جاری سیاسی کشمکش کو بھی معیشت کے لیے مضر قرار دیتا آ رہا ہے۔

    یہ امر قابل ذکر ہے کہ عالمی بینک بھی اپنی ایک تازہ رپورٹ میں پاکستان کی معیشت کے بارے میں خبردار کر چکا ہے اور اس کے بقول پاکستان میں ترسیلات زر اور زرمبادلہ میں مسلسل کمی، مجموعی قرض، تجارتی اور بجٹ خسارہ بڑھتا چلا جا رہا ہے۔

    لیکن وفاقی وزارت خزانہ نے ایک بیان میں کہا ہے کہ چیلنجز کے باوجود ملک کی معیشت مستحکم ہے۔

    حکومتی عہدیداران بھی یہ کہتے آ رہے ہیں کہ معیشت کی بحالی اور اس کا استحکام موجودہ حکومت کی ترجیح رہی ہے اور اس کی پالیسی کی وجہ سے ماضی کی نسبت صورتحال اتار چڑھاؤ کے باوجود بہتری کی طرف گامزن ہے۔

    حکمران جماعت کے قانون ساز اور قومی اسمبلی کی قائمہ کمیٹی برائے خزانہ کے رکن میاں عبدالمنان نے اتوار کو وائس آف امریکہ سے گفتگو میں کہا کہ حکومت نے اس ضمن میں اصلاحات بھی کی ہیں۔

    “2013-14 میں جب ہم آئے تھے تو ہمارا کل ریونیو کلیکشن 1955 ارب روپے تھا اور اس سال ہمارا ہدف 4000 ارب روپے ہے یعنی دگنے سے بھی زیادہ ہے۔ جب یہ سارے سی پیک کے منصوبے اور توانائی کے منصوبے مکمل ہوں گے تو اس سے صورتحال مزید بہتر ہو جائے گی۔”

    ماہرین معیشت کا کہنا ہے کہ صورتحال کی بہتری کے لیے ٹیکس کا دائرہ وسیع کرنے کے ساتھ ساتھ حکومت کو بیرونی سرمایہ کاروں کو راغب کرنے کے لیے بھی ٹھوس اقدام کرنا ہوں گے۔

  • ٹیکنالوجی کی دنیا کی معروف ترین کمپنی ایپل کے اثاثوں کی مالیت 1000 ارب ڈالر (10 لاکھ 6 ہزار ارب پاکستانی روپی)کے قریب جا پہنچی

    لندن (ورلڈ فاسٹ نیوز فار یو)ٹیکنالوجی کی دنیا کی معروف ترین کمپنی ایپل کے اثاثوں کی مالیت 1000 ارب ڈالر (10 لاکھ 6 ہزار ارب پاکستانی روپی)کے قریب جا پہنچی ۔معروف سیلولر اورکمپیوٹر ساز کمپنی ایپل کے اثاثوں کی مالیت 1000 ارب ڈالر کے قریب ہوگئی ہے، رواں سال کے چوتھی ساماہی میں توقع کی جارہی تھی کہ ایپل کا نیا موبائل فون آئی فون ایکس مارکیٹ میں آنے کے بعد کمپنی کے اثاثوں میں کمی آسکتی ہے تاہم توقعات کے برعکس کمپنی کے اثاثوں میں حیرت انگیز طور پر اضافہ دیکھا گیا۔ایپل کمپنی کے ایک حصص کی مالیت 3.7 فیصد اضافے کے بعد بڑھ کر 174.26 ڈالر ہوگئی ہے۔ مارکیٹ کی سرمایہ کاری میں یہ اضافہ تقریبا 32 ارب ڈالر ہے۔ توقع کی جارہی ہے کہ آنے والے دنوں میں آئی فون ایکس کی فروخت میں تیزی دیکھی جاسکتی ہے کیونکہ کمپنی کا کہنا ہے کہ 2017 میں آئی فون ایکس کے مجموعی طور پر 3 کروڑ سیٹس بنائے جائیں گے۔تجزیاتی فرم مورگن اسٹینلے کی مینیجنگ ڈائریکٹرکیٹی ہوربٹ کا کہنا ہے کہ ایپل کمپنی کی مختلف مصنوعات کو بہت زیادہ پسند کیا جارہا ہے جن میں آئی فون کے مختلف ماڈلز، آئی پیڈ، دی میک اور ایپل واچ بھی شامل ہیں۔