چودھری پرویزالٰہی سے فردوس عاشق اعوان کی ملاقات     No IMG     یوکرین کے مزاحیہ اداکار ملک کے صدر منتخب     No IMG     وزیروں کو نکالنے سے سلیکٹڈ وزیراعظم کی نااہلی نہیں چھپے گی, بلاول بھٹو زرداری     No IMG     ایران کے صدر حسن روحانی نے تہران میں سعد آباد محل میں پاکستانی وزیر اعظم عمران خان کا باقاعدہ اور سرکاری طور پر استقبال     No IMG     بھارت اور چین کے مابین پیر کے روز بیجنگ میں باہمی فیصلہ کن مذاکرات کا آغاز     No IMG     بھارتی وزیر اعظم,ہمارا پائلٹ واپس نہ کیا جاتا تو اگلی رات خون خرابے کی ہوتی     No IMG     ملکی سیاسی پارٹیاں ووٹ تو غریبوں ،محنت کشوں کے نام پر لیتی ہیں مگر تحفظ جاگیرداروں اور مافیاز کو دیتی ہیں ,جواد احمد     No IMG     افغان سپریم کورٹ نے صدر کے انتخاب تک صدر اشرف غنی کی مدت صدارت میں توسیع کردی     No IMG     آزاد کشمیر میں منڈا بانڈی کے مقام پر ایک جیپ کھائی میں گرنے سے 5 افراد ہلاک     No IMG     مصرمیں صدرکےاختیارات میں اضافے کےلیے ہونےوالے تین روزہ ریفرنڈم میں ووٹ ڈالنےکا سلسلہ جاری ہے     No IMG     لاہور میں 3 منزلہ خستہ حال گھر زمین بوس ہونے کے نتیجے میں خاتون سمیت 6 افراد جاں بحق جبکہ 4 افراد زخمی     No IMG     وزیراعظم عمران خان ایران کے پہلے سرکاری دورے پر تہران پہنچ گئے     No IMG     سری لنکا میں کل ہونے والے آٹھ بم دھماکوں کے نتیجے میں 300 افراد ہلاک اور 500 زخمی     No IMG     وزیراعظم عمران خان نے مکران کوسٹل ہائی وے پر دہشت گردی کی سخت مذمت کرتے ہوئے حکام سے واقعے پر رپورٹ طلب کر لی     No IMG     افغانستان اور افغان طالبان کے درمیان مذاکرات ایک مرتبہ پھر کھٹائی میں پڑتے دکھائی دے رہے ہیں     No IMG    

برطانیہ کی یورپی یونین سے علیحدگی کے معاملے پر ایک اور ریفرنڈم کرانے کی تجویز پر پارلیمان غور کرسکتی ہے
تاریخ :   13-04-2019

واشنگٹن (ورلڈ فاسٹ نیوز فاریو) برطانیہ کے وزیرِ خزانہ فلپ ہیمنڈ نے عندیہ دیا ہے کہ برطانیہ کی یورپی یونین سے علیحدگی کے معاملے پر ایک اور ریفرنڈم کرانے کی تجویز پر پارلیمان غور کرسکتی ہے۔

جمعے کو امریکہ کے دارالحکومت واشنگٹن میں صحافیوں سے گفتگو کرتے ہوئے برطانوی وزیرِ خزانہ کا کہنا تھا کہ ان کی حکومت بریگزٹ کے معاملے پر دوسرا ریفرنڈم کرانے کی مخالف ہے لیکن قوی امکان ہے کہ یہ تجویز پارلیمان میں پیش ہوسکتی ہے۔
ہیمنڈ عالمی مالیاتی فنڈ (آئی ایم ایف) کے اجلاس میں شرکت کے لیے واشنگٹن میں ہیں جہاں انہوں نے جمعے کو صحافیوں سے گفتگو میں بریگزٹ کے معاملے پر اپنے خیالات کا اظہار کیا۔
فلپ ہیمنڈ نے امید ظاہر کی کہ برطانوی پارلیمان جون سے قبل بریگزٹ سے متعلق معاہدے کی منظوری دے کر جاری بحران حل کردے گی جس کے نتیجے میں ان کے بقول دوسرے ریفرنڈم کے مطالبات بھی دم توڑ جائیں گے۔
انہوں نے اس امید کا بھی اظہار کیا کہ بریگزٹ کے معاملے پر حکمران جماعت کنزرویٹو اور حزبِ اختلاف کی جماعت لیبر پارٹی کےد رمیان سمجھوتہ ہوجائے گا جس کے بعد پارلیمان سے معاہدے کی منظوری ممکن ہوسکے گی۔
لیکن ساتھ ہی انہوں نے خبردار کیا کہ اگر ایسا نہ ہوا تو پھر قوی امکان ہے کہ برطانیہ کے یورپی یونین سے علیحدہ ہونے یا نہ ہونے پر ایک اور ریفرنڈم کی تجویز پارلیمان کے سامنے آئے گی۔
فلپ ہیمنڈ کا شمار تھریسا مے کی کابینہ کے ان ارکان میں ہوتا ہے جو یورپی یونین کے حامی ہیں اور بریگزٹ کے بعد بھی برطانیہ اور یونین کے درمیان قریبی تعلقات کی حمایت کر رہے ہیں۔
ہیمنڈ اس سے قبل بھی بریگزٹ کے معاملے پر ایک اور ریفرنڈم کرانے کی تجویز کی حمایت میں بیانات دے چکے ہیں جن کی وجہ سے بریگزٹ کے حامی ارکانِ پارلیمان ان سے سخت ناراض ہیں۔
برطانیہ کی وزیرِ اعظم تھریسا مے کی جانب سے بریگزٹ کا معاہدہ پارلیمان سے منظور کرانے کی تمام کوششیں ناکامی سے دوچار ہوئی ہیں جس پر انہوں نے اور یورپی قیادت نے کئی ماہ کے مذاکرات کے بعد گزشتہ سال اتفاق کیا تھا۔

معاہدہ پارلیمان سے منظور کرانے کی تمام کوششیں ناکام ہونے کے بعد برطانوی حکومت کی درخواست پر یورپی یونین نے بریگزٹ کے لیے 31 اکتوبر کی نئی ڈیڈلائن مقرر کردی ہے۔
یونین نے برطانوی حکومت سے کہا ہے کہ وہ اس ڈیڈ لائن سے قبل بریگزٹ سے متعلق معاہدہ پارلیمان سے منظور کرالے۔
مجوزہ معاہدے پر خود حکمران جماعت کنزرویٹو کے اندر سخت اختلاف ہے جس کی وجہ سے وزیرِ اعظم اور ان کے ساتھ اب لیبر پارٹی کو معاہدے کی حمایت پر راضی کرنے کی کوششیں کر رہے ہیں۔
لیکن خود لیبر پارٹی بھی اس معاملے پر تقسیم کا شکار ہے۔ کئی لیبر ارکانِ پارلیمان پارٹی سربراہ جیرمی کوربن پر دباؤ ڈال رہے ہیں کہ وہ حکومت کے ساتھ مجوزہ معاہدے پر مذاکرات کے بجائے بریگزٹ کے معاملے پر دوبارہ ریفرنڈم کرانے کا مطالبہ کریں۔
برطانیہ میں 23 جون 2016ء کو ہونے والے ایک ریفرنڈم میں 52 فی صد برطانوی شہریوں نے یورپی یونین سے الگ ہونے کے حق میں رائے دی تھی جس کے بعد سے یہ معاملہ برطانوی سیاست پر چھایا ہوا ہے۔

Print Friendly, PDF & Email
پارلیمنٹ انسداد دہشتگردی کے قانون کو آسان بنائے,سستا اورفوری انصاف کی فراہمی ریاست کی ذمہ داری:چیف جسٹس
باراتیوں کی گاڑی سیلابی ریلے میں بہہ گئی، 7 خواتین جاں بحق
Translate News »