وزیرخارجہ شاہ محمود قریشی ایک روزہ دورے پر سعودی عرب پہنچ گئے     No IMG     مسلم لیگ (ق) کے سربراہ چودھری شجاعت نے آصف زرداری کو تمام قانونی سہولتیں دینے کا مطالبہ کردیا     No IMG     امریکہ نے 18 سالہ افغان جنگ میں حقائق کو عوام سے ہمیشہ چھپایا۔     No IMG     امریکی کمیشن کی بھارتی قیادت پر پابندیاں عائد     No IMG     مسلم لیگ نون نے چیف الیکشن کمشنر سمیت دیگر اہم معاملات پرقانون سازی کا حصہ نہ بننے کا اعلان     No IMG     وفاقی کابینہ اجلاس میں مریم نواز کو بیرون ملک بھیجنے کی مخالفت     No IMG     منی لانڈرنگ کیس: احتساب عدالت نے نیب کو حمزہ شہباز سے متعلق بڑا حکم جاری کر دیا     No IMG     پاکستان کی پہلی الیکٹرک ٹرانسپورٹ اورنج لائن میٹروٹرین نے اپنے پورے روٹ پر آزمائشی سفر کا آغاز کردیا     No IMG     آرمی چیف جنرل قمر جاوید باجوہ کے زیر صدارت کور کمانڈر کانفرنس     No IMG     مقبوضہ کشمیر میں کرفیو کا 116واں روز, وادی میں دفعہ 144کے تحت پابندیاں برقرار     No IMG     برطانوی وزیرِاعظم بورس جانسن نے مسلمان خواتین سے متعلق غیر اخلاقی بیان پر معافی مانگ لی     No IMG     جعلی پارلیمنٹ قانون سازی نہیں کر سکتی, مولانا فضل الرحمان     No IMG     اسرائیل نے القدس میں سب سے بڑی کالونی کے قیام پر کام شروع کردیا     No IMG     عراق میں مظاہرین نے ایرانی سفارتخانےکو آگ لگا دی     No IMG     ثابت ہوگیا کہ عمران خان نالائق تھے، نالائق ہیں اور نالائق ہی رہیں گے,مریم اورنگزیب     No IMG    

ایران

  • عراق میں مظاہرین نے ایرانی سفارتخانےکو آگ لگا دی (11/28/2019)

    بغداد ( ورلڈفاسٹ نیوزفاریو) عراق میں احتجاجی مظاہرے شدت اختیارکرگئے۔نجف میں مظاہرین کے ایک گروہ نے ایرانی قونصل خانے کو آگ لگادی تاہم قونصل خانے کا عملہ عمارت سے بحفاظت باہر نکلنے میں کامیاب ہو گیا تھا۔
    ناصریا میں سکیورٹی فورسز نے مظاہرین کو منتشر کرنے کیلئے فائرنگ کی جس میں آٹھ افراد ہلاک ہوگئے۔حکومت نے والی بدامنی سے نمٹنے کیلئے ہنگانی سیل بھی قائم کر دیے ہیں۔نجف میں ایران مخالف مظاہرین کے ایک گروہ نے ایرانی قونصل خانے کو آگ لگادی ہے اس دوران مظاہرین ’ایران عراق سے نکلو‘ کے نعرے لگا تے رہے۔ ایرانی قونصل خانے پر یہ ایک ماہ میں دوسرا حملہ ہے۔
    اس سے قبل کربلا میں ایرانی قونصل خانے پر تین ہفتے پہلے حملہ ہوا تھا۔ تقریباً دو ماہ سے جاری ان حکومت مخالف مظاہروں میں اب تک کم از کم 344 افراد ہلاک ہو چکے ہیں۔ مظاہرین کرپشن کے خاتمے، مزید نوکریاں فراہم کرنے اور بہتر عوامی سہولیات کیلئے مطالبہ کر رہے ہیں۔
    ان مظاہروں سے زیادہ تر جنوبی عراق اور دارالحکومت بغداد متاثر ہوئے ہیں۔ مظاہرین کی جانب سے ایران پر عراق کے اندرونی معاملات میں مداخلت کا الزام لگایا جا رہا ہے۔پولیس کی جانب سے پیچھے دھکیلنے جانے کے باوجود مظاہرین نے ایرانی قونصلیٹ پر حملہ کیا اور اسے آگ لگا دی۔

  • ایران امریکی غنڈہ گردی اور بد معاشی کے سامنے سر تسلیم خم نہیں کرےگا۔ (11/2/2019)

    تہران ( ورلڈفاسٹ نیوزفاریو) ایران کے وزير خارجہ محمد جواد ظریف نے امریکہ کو مشترکہ ایٹمی معاہدے میں واپس آنے کی دعوت دیتے ہوئے کہا کہ ایران امریکی غنڈہ گردی اور بد معاشی کے سامنے سر تسلیم خم نہیں کرےگا۔ ایرانی وزیر خآرجہ نے کہا کہ امریکہ اگر ہر ایرانی مرد اور عورت کے خلاف بھی پابندیاں عائد کرےگا پھر بھی ایرانی قوم امریکہ کے سامنے تسلیم نہیں ہوگی۔

  • ہم پڑوسیوں کی ماضی کی خطائیں اور غلطیاں معاف کرنے کے لئے تیارہیں,ایرانی صدر (9/22/2019)

    تہران ( ورلڈفاسٹ نیوزفاریو) ایران بھر میں آج ہفتہ دفاع مقدس قومی جوش و ولولہ سے ساتھ منایا جارہا ہے اس موقع پر مسلح افواج کی شاندار فوجی پریڈز کا سلسلہ ملک بھر میں جاری ہے۔ اسلامی جمہوریہ ایران کے دارالحکومت تہران میں ہفتہ دفاع مقدس کی مناسبت سے شاندار فوجی پریڈ منعقد ہوئی ۔ جس میں صدر حسن روحانی خطاب کرتے ہوئے کہا کہ آج ایران پر معدوم صدام کی یلغار کو 39 سال بیت گئے ہیں ہمیں انقلاب اسلامی کے پہلے عشرے کا ایک بار پھر مطالعہ کرنا چاہیے۔ ہم نے انقلاب اسلامی کی بدولت استقلال اور آزادی حاصل کرلیا ، لیکن دشمن نے انھیں ہم سے سلب کرنے کے لئے گھناؤنی سازشوں اور کوششوں کا آغاز کردیا اور اس سلسلے میں ہم پر آٹھ سال تک جنگ مسلط کی گئی ۔ ایرانی قوم، ایران کی مسلح افواج نے بڑھ کر دشمن کی طرف سے مسلط کردہ جنگ کامقابلہ کیا اور آج خطے میں ایران کی مسلح افواج امن و صلح اورپائدارسلامتی کامظہر ہیں۔ صدر حسن روحانی نے ہمسایہ ممالک کو امریکہ کی گھناؤنی سازشوں کے بارے میں ہوشیار رہنے کی تاکید کرتے ہوئے کہا کہ ہمسایہ ممالک کو امریکہ کے تخریبی اور ظالمانہ اقدامات سے آگاہ رہنا چاہیے انھوں نے کہا کہ ہم ہمسایہ ممالک کی طرف دوستی اور محبت کا ہاتھ بڑھانے کے لئے آمادہ ہیں اور حتی ان کی ماضی کی خطائیں اور غلطیاں بھی معاف کرنے کے لئے تیار ہیں۔

  • سعودی عرب اور امارات کی ایران کے بارے میں مؤقف میں واضح اور نمایاں تبدیلی (8/6/2019)

    تہران (ورلڈفاسٹ نیوزفاریو–06 اگست 2019) خبررساں ایجنسی کے بین الاقوامی امور کے نامہ نگار کی رپورٹ کے مطابق گذشتہ چند دنوں میں ایران کے بارے میں سعودی عرب اور متحدہ عرب امارات کے مؤقف میں تبدیلی واضح اور نمایاں رہی ہے ذرائع ابلاغ نے سعودیہ اور امارت کی ایران کی طرف نمایاں گردش کو عالمی ذرائع ابلاغ میں بعض دیگر موضوعات کی طرح واضح طور پر بیان کیا ہے۔ امارات کے مشیر خارجہ انور قرقاش جو ایران کے خلاف سخت مؤقف کے سلسلے میں مشہور ہیں اس نے اپنے ایک ٹوئیٹر بیان میں کہا ہے کہ ایران کے ساتھ محاذ آرائی کے بجائے سیاسی مذاکرات اور گفتگو کو ترجیح دینی چاہیے۔ ادھر 6 سال کے طویل عرصہ کے بعد ایران اور متحدہ عرب امارت کے کوسٹ گارڈ فورسز کا تہران میں مشترکہ اجلاس منعقد ہوا ۔ اس کے ساتھ ہی گذشتہ چند دنوں میں متحدہ عرب امارات کے ایک اعلی وفد نے بھی تہران کا دورہ کیا۔ متحدہ عرب امارات کے وفد کے دورے کو عرب ذرائع ابلاغ میں نمایاں طور پر شائع کیا گیا۔ اماراتی وفد کا مقصد دونوں ممالک کے درمیان باہمی تعاون کو فروغ دینے پر مبنی ہے۔ ادھر عبری زبان کی ایک سائٹ نے فاش کیا ہے کہ سعودی عرب اور متحدہ عرب امارات مخفیانہ طور پر ایران کے ساتھ تعلقات برقرار کرنے کی کوشش کررہے ہیں ۔ اطلاعات کے مطابق یہ تمام امور سلسلہ وار اور یکے بعد دیگرے انجام پذير ہورہے ہیں جن سے ظاہر ہوتا ہے کہ ایران کے بارے میں سعودی عرب اور متحدہ عرب امارت کے مؤقف میں نمایاں تبدیلی پیدا ہورہی ہے اور ان پر واضح ہوگيا ہے کہ اگر امریکہ ایران کے ساتھ مذاکرات کے لئے بیتاب ہے تو انھیں بھی اپنے اس طاقتور ہمسایہ اور برادر اسلامی ملک کے ساتھ براہ راست مذاکرات کی کوشش کرنی چاہیے اور امریکہ کی پیروی اور اطاعت کو ترک کردینا چاہیے کیونکہ امریکہ انھیں مشکلات کے دلدل میں پھنسا سکتا ہے ان کی کوئی مدد نہیں کرسکتا۔ ایران واحد اسلامی ملک ہے جو اپنے برادر اسلامی ممالک کے درمیان تعاون کو فروغ دینے اور ان کو درپیش مشکلات کے حل کے سلسلے میں انھیں اپنا گرانقدر تعاون پیش کرسکتا ہے۔ امارات نے یمن جنگ میں اپنی غلطی کو تسلیم کرلیا ہے یمن جنگ سے سعودی عرب اور متحدہ عرب امارات کو کوئی فائدہ نہیں پہنچا بلکہ امریکہ اور اسرائیل نے انھیں اس جنگ میں دھکیل کر انھیں بہت بڑی مصیبت میں گرفتار کردیا ہے۔ سعودی عرب کی پالیسیوں کی شام ، یمن اور عراق میں شکست بھی نمایاں ہے لہذا سعودی عرب کے ولیعہد پر یہ حقیقت بھی نمایاں ہوگئی ہے امریکہ کا ساتھ دینے کی صورت میں اس کا حشر صدام معدوم جیسا ہی ہوگا کیونکہ امریکہ مشکل میں پھنسا سکتا ہے بچا نہیں سکتا۔ اور ایران واحد اسلامی ملک ہے جو اپنے برادر اسلامی ممالک کی آخری وقت اور آخری سانس تک مدد کرسکتا ہے اور ایران نے شامی اور عراقی حکومتوں اور عوام کی مدد کرکے عملی طور پر اس بات کو ثابت بھی کیا ہے۔

  • ایران اور برطانیہ کے درمیان ضبط شدہ کشتیوں کا تبادلہ ناممکن ہے, بعیدی نژاد (7/30/2019)

    لندن ( ورلڈفاسٹ نیوزفاریو–30 جولائی2019ء) برطانیہ میں تعینات ایران کے سفیر حمید بعیدی نژاد نے کہا ہے کہ ایران اور برطانیہ کے درمیان ضبط شدہ کشتیوں کا تبادلہ ناممکن ہے کیونکہ برطانیہ نے ایرانی آئل ٹینکر کو غیر قانونی طریقہ سے ضبط کیا ہے جبکہ ایران نے برطانوی آئل ٹینکر کو بین الاقوامی اور بحری قوانین کی خلاف ورزی کرنے کے جرم میں ضبط کیا ہے۔ حمید بعیدی نژاد نے کہا کہ برطانیہ نے جبل الطارق میں ایرانی تیل بردار جہاز کو ضبط کیا جبکہ ایران نے آبنائے ہرمز میں برطانوی تیل بردار جہاز کو قوانین کی خلاف ورزی کرنے کے جرم میں ضبط کیا ہے لہذا دونوں تیل بردار جہازوں کا تبادلہ ممکن نہیں ہے۔

  • ایران نے امریکی خفیہ ایجنسی سی آئی اے کے 17 جاسوسوں کو گرفتار کرلیا,ایرانی وزارت انٹلیجنس (7/22/2019)

    تہران ( ورلڈفاسٹ نیوزفاریو – 22 جولائی2019ء) ایران کی وزارت انٹلیجنس کے انسداد جاسوسی ادارے کے ڈائریکٹر نے اعلان کیا ہے کہ ایران نے امریکی خفیہ ایجنسی سی آئی اے کے 17 جاسوسوں کو گرفتار کرلیا ہے جن میں بعض کو سزائے موت ہوسکتی ہے۔ انھوں نے کہا کہ ایران کے ایٹمی پروگرام ، اقتصادی پروگرام اور ایران کے سائیبر نظام میں تخریب کاری ان جاسوسوں کی اصلی ماموریت تھی۔ انھوں نے کہا کہ سی آئی اے کے جاسوس ایران کے اندر ماہرانہ انداز میں کام کررہے تھے اور ان کا ایکدوسرے کے ساتھ کوئی رابطہ بھی نہیں تھا۔

    انھوں نے کہا کہ گرفتار ہونے والے 17 جاسوسوں ميں سے کوئی غیر ملکی نہیں ہے ان افراد کو امریکی ویزا کی لالچ دیکر تخریبی اور جاسوسی پر مبنی کارروائیوں کی ذمہ داری سونپی گئی۔ انھوں نے کہا کہ گرفتار ہونے والے تمام افراد نے امریکی خفیہ ایجنسی سی آئی اے کے ساتھ رابطہ کا اعتراف کیا ہے اور ان افراد کو مزد قانونی کارروائی کے لئے عدالت کے
    حوالے کردیا گیا ہے۔

  • امریکہ نے جہاں بھی قدم رکھا وہاں اس نے تباہی و بربادی مچائی اور دہشت گردی کو فروغ دیا ,ایرانی وزیر خارجہ (7/20/2019)

    ونزوئلا ( ورلڈفاسٹ نیوزفاریو – 20 جولائی2019ء) ایران کے وزير خارجہ محمد جواد ظریف نے ونزوئلا میںص حافیوں سے گفتگو کرتے ہوئے کہا ہے کہ امریکہ نے جہاں بھی قدم رکھا وہاں اس نے تباہی ، بربادی اور دہشت گردی پھیلائی ہے۔ اطلاعات کے مطابق ایرانی وزیر خارجہ نے ونزوئلا پہنچنے پر نامہ نگاروں سے گفتگو کرتے ہوئے کہا کہ امریکہ نے جہاں بھی قدم رکھا وہاں اس نے بد امنی اور دہشت گردی کو فروغ دیا اور خلیج فارس میں بھی امریکہ اپنی اسی پالیسی پر گامزن ہے۔ ایرانی وزیر خارجہ نے کہا کہ دنیا کی کوئی ایسی جگہ نہیں جہاں امریکہ نے امن و ثبات قائم کیا ہو۔ انھوں نے کہا کہ امریکہ دنیا میں شرارت اور اور دہشت گردی کو فروغ دینے کا ذمہ دار ہے ، تمام دہشت گرد تنظیموں کی تشکیل کے پیچھے امریکہ کا ہاتھ نمایاں ہے۔

  • ایران کی بحریہ نے گذشتہ چندگھنٹوں ميں برطانیہ کے دوسرے تیل بردار جہاز کو بھی ضبط کرلیا (7/19/2019)

    تہران ورلڈفاسٹ نیوزفاریو – 19 جولائی2019ء)ایران کی بحریہ نے گذشتہ چند گھنٹوں ميں برطانیہ کے دوسرے تیل بردار جہاز کو بھی ضبط کرلیا ہے۔ برطانیہ کے دوسرے تیل برادر جہاز میں 160 ہزار ٹن تیل موجود ہے اس بحری جہاز پر لیبریا کا پرچم نصب ہے، بحری جہاز کا نام مصدار بتایا جاتا ہے۔ اس جہاز کا تیل بھی برطانیہ سے متعلق ہے۔ واضح رہے کہ اسلامی جمہوریہ ایران کی سپاہ پاسداران انقلاب اسلامی نے اس سے قبل ایک بیان میں کہا تھا کہ آبنائے ہرمز میں بین الاقوامی قوانین کی خلاف ورزی کرنے پر تیل بردار برطانوی بحری جہاز کو ضبط کرلیا گیا ہے۔ سپاہ نے بیان میں کہا ہے کہ آبنائے ہرمز میں بین الاقوامی قوانین کی خلاف ورزی کرنے پر برطانوی بحری جہاز” اسٹینا ایمپرو” کو ضبط کرلیا گیا ہے۔ سپاہ کے بیان کے مطابق صوبہ ہرمزگان کے بحری اورپورٹس ادارے کی درخواست پر سپاہ پاسداران انقلاب اسلامی نے برطانوی بحری جہاز کو بین الاقوامی قوانین کی خلاف ورزی کرنے کے جرم میں ضبط کرکے مذکورہ ادارے کے حوالے کردیا ہے۔

Translate News »