دنیا بھر میں آج ہندو برادری اپنا مذہبی تہوار ہولی منا رہی ہے     No IMG     افغانستان کے صوبے ہرات میں سیلاب سے 13 افراد کے جاں بحق ہونے سے ہلاکتوں کی مجموعی تعداد 63 ہوگئی     No IMG     لیبیا میں پناہ گزینوں کو لے جانے والی کشتی ڈوب گئی جس کے نتیجے میں 9 افراد ہلاک     No IMG     اسرائیلی دہشت گردی، غرب اردن میں مزید3 فلسطینیوں کو شہید کردیا     No IMG     پیپلز پارٹی کےچیئرمین نے 3 وفاقی وزرا کو فارغ کرنے کا مطالبہ کردیا     No IMG     وزیراعظم عمران خان کی ہولی کے تہوار پر ہندو برادی کو مبارک باد     No IMG     سابق وزیراعظم نوازشریف نے ای سی ایل سے نام نکالنے کی درخواست دائر کردی     No IMG     سمجھوتہ ایکسپریس کیس کا فیصلہ 12 سال بعد بھی تاخیر کا شکار     No IMG     وزیر اعظم آئین کے آرٹیکل 214 کی شق دو اے پر عمل کرنے میں ناکام     No IMG     روس کے وزیر دفاع سرگئی شویگو نے شام کے صدر بشار اسد سے ملاقات     No IMG     بھارت اور پاکستان متنازع معاملات مذاکرات کے مذاکرات کے ذریعے حل کریں,چین     No IMG     بریگزیٹ پرٹریزامے کی حکمت عملی انتہائی کمزورہے، ٹرمپ     No IMG     امریکی وزیر خارجہ مائیک پمپئو کی کویت کے بادشاہ سے ملاقات     No IMG     نیوزی لینڈ میں جمعہ کو سرکاری ریڈیو اور ٹی وی سے براہ راست اذان نشر ہوگی,جیسنڈا آرڈرن     No IMG     جھوٹی گواہی دینے پر کاروائی کی جائے گی،عدالتیں جھوٹے گواہ کے خلاف کسی قسم کی لچک نہ دکھائیں,۔چیف جسٹس آف پاکستان     No IMG    

ایران پاکستان گیس پائپ لائن پراجیکٹ ایک بار پھر پاکستان میں زیرِ بحث ہے
تاریخ :   04-11-2017

ایران پاکستان (ورلڈ فاسٹ نیوز فار یو)گیس پائپ لائن پراجیکٹ ایک بار پھر پاکستان میں زیرِ بحث ہے اور آج پاکستان کی قومی اسمبلی میں بھی اس پراجیکٹ کے حوالے سے سوال و جواب کیے گئے ہیں۔

حکومت کی طرف سے کہا گیا ہے کہ یہ منصوبہ بروقت مکمل نہ ہونے پر پاکستان کو جرمانہ ادا نہیں کرنا پڑے گا کیونکہ تاخیر ایران پر عالمی پابندیوں کی وجہ سے ہوئی۔ اس پراجیکٹ کی تکمیل کے لیے بینکنگ چینلز ضروری ہیں۔ منصوبے کی تکمیل کے حوالے سے ایران کے ساتھ بات چیت جاری ہے۔

اس پراجیکٹ پر بات چیت نوّے کی دہائی میں شروع ہوئی تھی، بعد ازاں افغانستان میں طالبان کے برسرِ اقتدار آنے سے یہ معاملہ سردخانے میں ڈال دیا گیا۔ ایران پر پابندیاں لگنے کی وجہ سے بھی اس معاملے نے طوالت پکڑی لیکن اب کئی ماہرین حیران ہیں کہ ایران پر سے بیشتر پابندیاں اٹھنے کے باوجود بھی یہ پراجیکٹ مکمل کیوں نہیں ہو رہا۔

توانائی کے ایک ماہر نے نام ظاہر نہ کرنے کی شرط پر ڈوئچے ویلے کو بتایا کہ اس مسئلے کو صرف سیاسی عوامل کی وجہ سے طول دیا جا رہا ہے۔ اس ماہر توانائی نے ڈی ڈبلیو کو مزید بتایا، ’’پاکستان کا موجودہ مالیاتی خسارہ بڑھتا جا رہا ہے، جس کی وجہ سے ہمیں سعودی عرب کے پاس مالیاتی امداد کے لیے جانا پڑے گا۔ اطلاعات یہ ہیں کہ وزیرِ اعظم شاہد خاقان عباسی نے اپنے پچھلے دورہ سعودی عرب میں سعودی حکومت سے deferred payment پر تیل کی فراہمی کی گزارش کر دی ہے اور اگر ہمیں سعودی مالی مدد چاہیے تو ہم ایسا کوئی کام نہیں کریں گے ، جس سے وہ ناراض ہو۔ ‘‘

سینیٹر میر کبیراحمد نے بھی اس بات کا اعتراف کیا ہے، ’’پاکستان بین الاقوامی برادی کے کچھ ممالک کو ناراض نہیں کرنا چاہتا اور یہ عمل نہ صرف ایران پاکستان پائپ لائن کو متاثر کر رہا ہے بلکہ ایران کے ساتھ ہونے والے کچھ اور معاہدے بھی اس کی زد میں آرہے ہیں اور ہم ان پر تاخیری حربے استعمال کر رہے ہیں۔‘‘

کبیر احمد نے مزید کہا، ’’ایران کے ساتھ سو میگا واٹ بجلی کا معاہدہ ہوا تھا اور وہ مکران کو بجلی فراہم کر رہا تھا۔ حالیہ ہفتوں میں جب اس معاہدے کی معیاد پوری ہوئی تو اس میں بہت زیادہ توسیع نہیں کی گئی۔ ایک اور معاہدہ تین سو میگا واٹس کا ہے، جس کے لیے ایران نے پسنی کے قریب تک بجلی کے کھمبے بھی لگا دیے تھے لیکن ہم نے اس پر بھی تاخیری حربوں سے کام لیا اور یہ بھی مکمل نہیں ہوا۔ دلچسپ بات یہ ہے کہ ہم پابندیوں کا بہانہ کر کے ایران کو کپاس اور چاول کی شکل میں ادائیگی کر رہے ہیں اور وہ پھر بھی ہم سے تعاون کرنا چاہتا ہے لیکن ہماری طرف سے کوئی گرم جوشی نہیں ہے۔‘‘

کبیر احمد کا یہ بھی کہنا تھا، ’’ایران پاکستان پائپ لائن خطے کے ممالک میں تعاون کو فروغ دے سکتی ہے اور ہمارے مستقبل کو محفوظ کر سکتی ہے،ہمارے گیس کے ذخائر تیزی سے ختم ہور ہے ہیں۔ جس طرح ہم نے ماضی میں لوڈ شیڈنگ سے نمٹنے کی تیاری نہیں کی تھی اور اس کا نتیجہ آج ہم بھگت رہے ہیں۔ بالکل اسی طرح آج ایران پاکستان پائپ لائن کا پراجیکٹ اگر ہم نے مکمل نہیں کیا تو کل ہم گیس کے بھی بہت بڑے بحران کا شکار ہوجائیں گے۔‘‘

ماہرین کے خیال میں یہ پراجیکٹ ایل این جی اور تاپی سمیت کئی دوسرے معاہدوں سے مالی طور پر بہت فائدے مند ہے۔ ماہرِ توانائی ڈاکڑ وقار احمد نے اس حوالے سے ڈی ڈبلیو کو بتایا، ’’اس بات میں کوئی شک نہیں ہے کہ مالی اعتبار سے یہ پراجیکٹ دوسرے کئی پراجیکٹوں سے بہتر ہے۔ آپ دیکھیں کہ ایل این جی سے آپ کی ٹرانسپورٹیشن کی قیمت کتنی بڑھ جاتی ہے۔ اب ہم ملائیشیا سے ایل این جی درآمد کرنے کی باتیں کر رہے۔ اس میں بھی ہمیں ٹرانسپورٹیشن جارچز آئی پی کے مقابلے میں بہت زیادہ دینے پڑیں گے۔‘‘

وقار احمد کا کہنا تھا کہ اس پراجیکٹ کی وجہ سے پاکستان خطے میں ’انرجی حب‘ بن سکتا ہے، ’’مغربی چین کی توانائی کی مانگ میں آنے والے وقتوں میں اضافہ ہوگا۔ بھارت کو انرجی کی اشد ضرورت ہو گی۔ روس ایک ایرانی پائپ لائن بھارت لے کر جانا چاہتا ہے اور اس میں وہ پاکستان کو بھی شامل کرنا چاہتا ہے۔ اگر ایسا ہوتا ہے تو پاکستان خطے میں انرجی حب بن جائے گا۔ جس سے یقینہ طور پر ملکی معیشت کو بہت فائدہ ہو گا۔‘‘
دوسری طرف ماہرین کا ایک ایسا طبقہ بھی ہے جو اس بات کو رد کرتا ہے کہ پاکستان پر کوئی دباؤ ہے۔ سابق سیکرٹری خزانہ وقار مسعود نے اس حوالے سے ڈی ڈبلیو کو بتایا، ’’پاکستان پر سعودی عرب کی طرف سے کوئی دباؤ نہیں ہے۔ ایران پر اب بھی کچھ پابندیاں ہیں اور ایران نے اپنی طرف بھی کوئی کام نہیں کیا ہے۔ اس کی وجہ صرف امریکا کی طرف سے لگائی گئی پابندیاں ہیں، جو اب بھی قابلِ اطلاق ہیں۔ اس میں کوئی سیاسی مسئلہ نہیں ہے۔‘‘

Print Friendly, PDF & Email
یورپی ہائی ویز: الیکٹرک کاروں کے چارجنگ اسٹیشن، آغاز اسی سال شروع کر دیا جائے گا
بھارت سے داعش کی اسمگل شدہ ’فائٹر ڈرگ‘ اٹلی کسٹم پولیس نے پکڑ لی

Leave a Reply

Your email address will not be published. Required fields are marked *

*

Translate News »