وزیراعظم عمران خان نے مکران کوسٹل ہائی وے پر دہشت گردی کی سخت مذمت کرتے ہوئے حکام سے واقعے پر رپورٹ طلب کر لی     No IMG     افغانستان اور افغان طالبان کے درمیان مذاکرات ایک مرتبہ پھر کھٹائی میں پڑتے دکھائی دے رہے ہیں     No IMG     وزیراعظم عمران خان نے نیا پاکستان ہاؤسنگ اسکیم کا افتتاح کردیا     No IMG     ایران کے وزیر خارجہ کی ترک صدر اردوغان کے ساتھ ملاقات     No IMG     عمان کے وزیر خارجہ نے اپنے ایک بیان میں شام کی عرب لیگ میں واپسی پر تاکیدکی     No IMG     سعودی عرب کی ایک کمپنی نے ترکی میں 100 ملین ڈالر کا سرمایہ لگانے کا اعلان     No IMG     روس کی سرحد پربرطانوی فوجی ہیلی کاپٹروں کی تعیناتی پر شدید رد عمل     No IMG     چین ,نے سی پیک پر بھارت کے اعتراضات کو مسترد کردیا     No IMG     چلی میں چھوٹا طیارہ ایک گھر پر گر کر تباہ ہوگیا، جس کے نتیجے میں 6 افراد ہلاک     No IMG     فیصل آباد میں جعلی اکاﺅنٹ پکڑے گئے‘بنکوں کا عملہ بھی ملوث نکلا     No IMG     حمزہ شہبازعبوری ضمانت میں توسیع کے لیے ہائی کورٹ پہنچ گئے     No IMG     عوامی مقامات پر غیر مناسب لباس ممنوع، 5 ہزار ریال جرمانہ     No IMG     عالمی بینک نے پاکستان سے جوہری پروگرام، جے ایف 17 تھنڈر، بحری آبدوزوں اور سی پیک قرضوں کی تفصیلات فراہم کرنے کا مطالبہ کردیا     No IMG     امریکی شہری پاکستان کا غیر ضروری سفر کرنے سے گریز کریں, امریکی محکمہ خارجہ     No IMG     ملک بھر میں شدید طوفان آنے کا خدشہ     No IMG    

ایرانی سرمایہ کاری سے پاک ایران دو طرفہ تعلقات مزید مستحکم
تاریخ :   08-12-2017

کراچی  (ورلڈ فاسٹ نیوز فار یو)گورنر سندھ محمد زبیر نے کہا ہے کہ پاک ایران دو طرفہ تعلقات احترام ، باہمی مفادات کے تحفظ ،بھائی چارہ اور اسلامی اخوت کے گہرے رشتہ پر قائم ہیں ، ایران نے ہر مشکل گھڑی میں پاکستان کا ساتھ دیا یہ مستحکم تعلقات کی اعلیٰ مثال ہے ۔ انہوں نے کہا کہ ایرانی سرمایہ کاروں کی کراچی کے مختلف شعبوں میں سرمایہ کاری میں بھرپور دلچسپی خوش آئند ہے ،پاکستانی حکومت ایران سے سرمایہ کاری ، تجارتی اور دیگر معاشی سرگرمیوں کے مزید فروغ کی خواہشمند ہے ۔ان خیالات کا اظہا ر انہوں نے گورنر ہائوس میں ایران کے سفیر مہدی ہنر دوست سے ملاقات میں کیا ۔اس موقع پر ایران کے قونصل احمد محمدی بھی اس موقع پر موجود تھے۔ ملاقات میں پاک ایران باہمی تجارت،صوبہ میں سرمایہ کاری کے مواقعوں ،سماجی شعبہ میں ایرانی تعاون ،دہشت گردی کے خلاف جنگ میں پاکستان کے کلیدی کردار اور باہمی دلچسپی کے دیگر امور پر تفصیلی تبادلہ خیال کیا گیا ۔گورنر سندھ نے کہا کہ خواہش ہے کہ ایرانی سرمایہ کار بھی صوبہ با الخصوص کراچی کی استعداد سے بھرپور فائدہ اور معاشی خوشحالی کی ضمانت سی پیک میں سرمایہ کاری کریں اس ضمن میں ایرانی سرمایہ کاروں کو حکومت ہر ممکن مدد اور تعاون بھی فراہم کرے گی ۔ انہوں نے کہا کہ پاک ایران دو طرفہ تعلقات کے فروغ اور سرمایہ کاری میں اضافہ کے لئے ایرانی سفیر مہدی ہنر دوست کلیدی کردار ادا کررہے ہیں جو کہ دو طرفہ مفاد کے لئے خوش آئند ہے ۔انہوں نے کہا کہ کراچی ملک کا معاشی و تجارتی حب اور خطہ کا اہم شہر ہے، امن و امان کے قیام کے بعد یہاں سرمایہ کاری کے لئے حالات نہایت سازگار ہیں، سی پیک منصوبہ کی تکمیل کے بعد گوادر کے بعد کراچی سب سے زیادہ تجارتی سرگرمیوں کا مرکز ہوگا ،غیر ملکی سرمایہ کاری میں تسلسل سے اضافہ اس کا واضح مظہر ہے اس ضمن میں ایران کے سرمایہ کار بھی ان مواقعوں سے فائدہ اٴْٹھائیں۔انہوں نے کہا کہ تیزی سے بدلتے عالمی حالات کے تناظر میں پاک ایران اقتصادی تعاون میں مزید اضافہ وقت کی اہم ضرورت ہے، خطہ سے غربت ، بے روزگاری کے خاتمہ اور علاقائی استحکام کے لئے پاک ایران تعاون اہم ثابت ہوگا ۔ انہوں نے کہا کہ موجودہ حکومت کے دور میں معیشت کے ہر شعبہ میں ترقی ہوئی ہے، حکومت کی معاشی پالیسی کے ہر شعبہ میں مثبت نتائج ظاہر ہو رہے ہیں ، سرمایہ کاری ، تجارت ، معاشی و اقتصادی سرگرمیوں میں اضافہ کے ساتھ ساتھ نجی سیکٹر بھی فعال کردار ادا کررہا ہے ۔ملاقات میں ایران کے سفیر مہدی ہنر دوست نے بتایا کہ پاک ایران دو طرفہ تعلقات کے فروغ کے لئے دونوں ممالک کے حکمرانوں سمیت عوام بھی خواہش مند ہیں،عوامی سطح پر قائم تعلقات مستقبل ، گہرے اور مضبوط ہوتے ہیں اس ضمن میں پاک ایران تجارت ، سرمایہ کاری اور دیگر معاشی سرگرمیوں میں تسلسل سے اضافہ ہو رہا ہے ، ایرانی سرمایہ کارکراچی میں توانائی ، انفرااسٹرکچر ڈیویلپمنٹ ، تعلیم ، صحت اور دیگر شعبوں میں سرمایہ کاری میں بھرپور دلچسپی رکھتے ہیں تاکہ شہر کی استعداد سے بھرپور استفادہ حاصل کرنے کے ساتھ ساتھ دو طرفہ تعلقات کو فروغ دیا جا سکے ۔انہوں نے کہا کہ کوئی بھی بین الاقوامی کمپنی پاکستان جیسی بڑی مارکیٹ کو نظر انداز نہیں کر سکتی، صوبہ کی تعمیر و ترقی کے لئے ہر ممکن تعاون جاری رکھیں گے

Print Friendly, PDF & Email
مولانافضل الرحمن نے کہاہے کہ میرے خیال سے مزیدکوئی اور دھرنانہیں ہونے جارہا
وفاقی وزیر ریلوے خواجہ سعد رفیق نے کہا ہے کہ اورنج لائن منصوبہ کے خلاف عدالت جاکر تحریک انصاف نے عوام دشمنی کاایک اور مظاہرہ کیا

Leave a Reply

Your email address will not be published. Required fields are marked *

*

Translate News »