امریکی صدر شیر کی دم کے ساتھ کھیلنا ترک کردے ۔ مزاحمت یا تسلیم کے علاوہ کوئي اور راستہ نہیں۔     No IMG     افریقی ملک مراکش کی عدالت نے ایک بچی کی اجتماعی عصمت ریزی کے گھناؤنے واقعے کی اعلیٰ سطحی تحقیقات شروع     No IMG     دوست کو چاقو کے وارسے قتل کرنے والی حسینا کو سزائے موت     No IMG     بہاولپور جلسے میں کم تعداد پر عمران خان برہم لیکن پارٹی عہدیداران نے ایسی بات بتادی کہ کپتان کیساتھ جہانگیر ترین بھی حیران پریشان     No IMG     اکرام گنڈا پور کے قافلے پر خود کش حملہ، ڈرائیور شہید، تحریک انصاف کے امیدوار اور 2 پولیس اہلکاروں سمیت 6 افراد زخمی     No IMG     پاکستان اچھا کھیلاہم بہت براکھیلے،زمبابوین کھلاڑی کا اعتراف     No IMG     پاکستان سمیت دنیا بھر میں28 جولائی کو مکمل چاند گرہن ہوگا     No IMG     حنیف عباسی کا فیصلہ انصاف کے اصولوں پر مبنی نہیں , شہباز شریف     No IMG     سعودی عرب غیر ملکی ٹرک ڈرائیوروں پر پابندی سے ماہانہ 200ملین ریال کا نقصان ہوگا     No IMG     امریکہ میں کال سینٹر اسکینڈل میں ملوث 21 بھارتی شہریوں کو20 سال تک کی سزا     No IMG     اسرائیی حکومت نے القدس میں سرنگ کی مزید کھدائی کی منظوری دے دی     No IMG     ویتنام کے شمالی علاقوں میں سمندری طوفان سے 20 افراد ہلاک اور14 زخمی ہوگئے     No IMG     شیخ رشید کا کہنا ہے کہ حنیف عباسی کو عمر قید کی سزا ملنے سے اب این اے 60 راولپنڈی کا الیکشن یکطرفہ ہو جائے گا     No IMG     حنیف عباسی نے انسداد منشیات عدالت کی جانب سے دی گئی عمرقید کو ہائیکورٹ میں چیلنج کرنے کا اعلان     No IMG     اسرائیل کے مجرمانہ حملوں میں 4 فلسطینی شہری شہید     No IMG    

چین

  • چين کے صدر شی جینپنگ گذشتہ 29 سال میں پہلی بار متحدہ عرب امارات کا دورہ کریں گے

     چين( ورلڈفاسٹ نیوزفاریو) کے صدر شی جینپنگ  گذشتہ 29 سال میں پہلی بار متحدہ عرب امارات  کا دورہ کریں گے۔ چینی صدر امارات کے تین روزہ دورے کے دوران امارات کے اعلی حکام سے ملاقات اور گفتگو کریں گے۔

  • امریکہ نے تاریخ کی سب سے بڑی جنگ کا آغاز کردیا,ہ امریکہ کو اس جنگ کے منفی نتائج بھگتنا پڑیں گے, چین

    بیجنگ (ورلڈفاسٹ نیوزفاریو) چین نے کہا ہے کہ امریکہنے تاریخ کی سب سے بڑی جنگ شروع کردی ہے ملکی خبر رساں ادارے کے مطابق چین کی وزارت تجارت کیجانب سے جاری ہونیوالے بیان میں کہا گیا ہے کہ امریکہ نے تاریخ کی سب سے بڑی تجاری جنگ کا آغاز کردیا ہے بیان میں کہا گیا ہے کہ امریکہ کے محصولاتی اقدامات نے چین کو اپنے ملکی اور قومی مفادات کے تحفظ کیلئے پیچھے ہٹنے پر مجبور کردیا ہے بیان میں کہا گیا ہے کہ امریکہ کے یہ اقدامات دونوں ممالک کے درمیان مثبت تعلقات کی راہ میں بھی رکاوٹیں حائل کررہے ہیں بیان میں کہا گیا ہے کہ امریکہ کو اس جنگ کے منفی نتائج بھگتنا پڑیں گے

  • چینی سائنسدانوں نے سب سے خوفناک ہتھیار بنا لیا

    بیجنگ(ورلڈ فاسٹ نیوز فار یو)  کلاشنکوف دنیا بھر کی افواج کا پسندیدہ ترین ہتھیار ہے لیکن چینی سائنسدانوں نے اس بندوق کی ایک ایسی نسل تیار کر لی ہے کہ جس کا تصور صرف ”سٹار وارز“ جیسی فلموں میں پایا جاتا ہے۔ میل آن لائن کے مطابق اپنی نوعیت کی دنیا کی یہ پہلی AK-47 رائفل ہے جو تقریباً ایک کلومیٹر دور کھڑے آدمی کو آگ لگا کر بھسم کر سکتی ہے۔ اس میں سے توانائی کی ایک طاقتور لیزر شعاع نکلتی ہے جو دکھائی نہیں دیتی لیکن انسانی جلد کو بری طرح جلا دیتی ہے۔ توانائی کی یہ طاقتور لہر ہر طرح کے لباس میں سے گزر کر انسانی جلد کو جلاسکتی ہے۔

    اس پراجیکٹ پر کام کرنے والے سائنسدانوں کا کہنا ہے کہ یہ رائفل بڑے پیمانے پر تیاری کے مرحلے میں داخل ہورہی ہے اورسب سے پہلے یہ ہتھیار پولیس کے انسداد دہشتگردی سکواڈز کے حوالے کیا جائے گا۔ نئی قسم کے اس ہتھیار کو Zkzm-500 کا نام دیا گیا ہے۔ اسے شیان انسٹیٹیوٹ آف آپٹکس اور پرسیژن مکینکس کے سائنسدانوں کی ایک مشترکہ ٹیم نے تیار کیا ہے۔ اس کا وزن ایک عام کلاشنکوف رائفل کے برابر ہے اور رینج تقریباً ایک کلومیٹر ہے۔

    لیزر کلاشنکوف میں لیتھیم آئن بیٹری استعمال کی گئی ہے جسے ری چارج کیا جاسکتاہے۔ اس ہتھیار کو ایک عام گاڑی، کشتی اور حتٰی کہ ہیلی کاپٹر یا طیارے پر بھی نصب کیا جاسکتا ہے۔ ایک بار پوری طرح چارج کرنے کے بعد یہ رائفل 1000 شاٹ فائر کرسکتی ہے۔ ایک شاٹ دو سیکنڈ کے لئے فائر کیا جاتا ہے جس کے دوران اتنی توانائی خارج ہوتی ہے کہ نصف میل کی دوری پر کھڑے شخص کی جلد کو پوری طرح جلا دیتی ہے۔

    اس رائفل کو چلانے سے کسی قسم کی آواز پیدا نہیں ہوتی، یعنی جو شخص اس کا ہدف بنے گا اسے معلوم بھی نہیں ہوگا کہ اس کے ساتھ کیا ہوا ہے اور کیونکر اسے اچانک آگ لگ گئی ہے۔ پروڈکشن اخراجات کے ابتدائی تخمینے کے مطابق اس قسم کی ہر ایک رائفل کی تیاری پر تقریباً 15 ہزار ڈالر کا خرچ آئے گا۔

  • چینی صدر نے چین کے دورے پر آئے ہوئے امریکی وزیر خارجہ کو بتایا ہے کہ چین اپنے علاقے کا ایک اِنچ بھی نہیں چھوڑے گا

    چین  (ورڈ فاسٹ نیوز فار یو) کے دورے پر آئے ہوئے امریکی وزیر خارجہ کو بتایا ہے کہ چین اپنے علاقے کا ایک اِنچ بھی نہیں چھوڑے گا۔ یہ بات انہوں نے جنوبی بحیرہ چین کے معاملے پر چین اور تائیوان کے درمیان موجود تناؤ کے تناظر میں کہی ہے۔

    چین کے سرکاری ٹیلی وژن سی سی ٹی وی کے مطابق چینی صدر شی جن پنگ نے امریکی وزیر خارجہ جیمز میٹس کو بتایا ہے کہ چین کا اپنی حاکمیت اور علاقائی سالمیت کے حوالے سے نکتہ نظر انتہائی واضح ہے اور وہ اس حوالے سے کوئی سمجھوتہ نہیں کرے گا۔ چینی صدر کے مطابق چین کے آباء واجداد نے جو کچھ پیھچے چھوڑا ہے، اس میں سے ایک اِنچ بھی کسی کو نہیں دیا جا سکتا۔ تاہم انہوں نے یہ یقین دہانی بھی کروائی ہے کہ چین کسی اور کا علاقہ حاصل کرنے میں بھی کوئی دلچسپی نہیں رکھتا۔

    امریکی وزیر خارجہ تین روزہ دورے پر چین میں ہیں اور یہ سابق امریکی میرین جنرل خطے میں چینی فوجی پیش رفت کے شدید ناقد ہیں۔ امریکا نے حال ہی میں چین کی ان بین الاقوامی بحری مشقوں میں بھی حصہ لینے سے انکار کر دیا تھا، جو امریکی وزیر خارجہ کے دور کے دوران ہی شروع ہونے والی ہیں۔ دوسری جانب چین اس خطے میں بڑھتی ہوئی امریکی دلچسپی کے حوالے سے بھی پریشان ہے۔

    تاہم بیجنگ میں ملاقات کے دوران شی جن پنگ کا امریکی وزیر خارجہ سے گفتگو کرتے ہوئے کہنا تھا، ’’ہم دنیا میں افراتفری پیدا نہیں کرنا چاہتے۔‘‘ دوسری جانب جیمز میٹس کا صحافیوں سے گفتگو کے دوران کہنا تھا کہ ان کے مذاکرات ’انتہائی مثبت‘ رہے ہیں۔

    قبل ازیں چینی وزیر دفاع کا امریکی وزیر خارجہ سے ملاقات کرتے ہوئے کہنا تھا کہ دونوں ممالک باہمی احترام اور تنازعات سے بچتے ہوئے ہی مل کر ترقی کر سکتے ہیں۔ سن دو ہزار چودہ کے بعد میٹس پینٹاگون کے وہ پہلے اعلیٰ عہدیدار ہیں، جو چین کا دورہ کر رہے ہیں۔ انہوں نے چینی وزیر دفاع کو امریکا کا دورہ کرنے کی دعوت بھی دی ہے۔

  • چین کی جوابی کارروائی، امریکی کمپنیوں کو بڑے نقصان

    چینی (ورڈ فاسٹ نیوز فار یو)  حکومت کی طرف سے امریکی درآمدت پر عائد کردہ جوابی پابندیوں کی وجہ سے امریکی کمپنیوں کو ماہانہ ایک بلین ڈالر کا نقصان ہو گا۔ امریکا اور اس کے اتحادی ممالک کے مابین اس تجارتی جنگ کی وجہ سے عالمی تجارت کو بھی خطرات لاحق ہونے کا خدشہ ہے۔ واشنگٹن کی طرف سے چینی درآمدات پر پچاس بلین ڈالر کی اضافی محصولات عائد کیے جانے پر بیجنگ نے بھی جوابی اقدامات کا اعلان کیا ہے۔ چین نے خبردار کیا ہے کہ متعدد امریکی مصنوعات پر ٹیکس لگائے جائیں گے، جن میں خام تیل بھی شامل ہو گا۔

  • چین، یورپ رابطے کیلئے پاکستان اہم اسٹیشن ہے,چینی اخبار گلوبل ٹائمز ن

    کراچی( ورلڈفاسٹ نیوزفاریو ) معروف چینی اخبار گلوبل ٹائمز نے کہا ہے کہ پاکستان اپنے منفرد جغرافیائی صورتحال اور صلاحیتوں سے چین کو یورپ سے رابطوں کیلیے انٹر چینج اسٹیشن بن جائے گا۔جاری گلوبل ٹائمز کی رپورٹ کے مطابق یورپین یونین نے عرصہ دراز سے خطے پر نظریں جمائی ہیں، اگر چین اور یورپین یونین پاکستان میں قریبی تعاون کیلیے کام کریں تو یہ علاقائی سیاسی استحکام کے فروغ اور اقتصادی ترقی کیلئے انتہائی اہمیت کی حامل ہوگی۔رپورٹ کے مطابق شاہراہ ریشم کو اقتصادی بیلٹ تصور کیا جاتا ہے اور کئی راستوں کے ذریعے چین کو یورپ سے منسلک کرتا ہے، بیلٹ اینڈ روڈ اقدام کو آگے بڑھانے کیلئے شاہراہ ریشم کیساتھ لاجسٹک مرکز قائم کرنے کا منصوبہ ہے جبکہ پاکستان ان راستوں میں سے اہم پوائنٹ ہے، اس لحاظ سے پاکستان،، چین کو یورپ سے منسلک کرنے کا انٹر چینج اسٹیشن بن سکتا ہے۔یورپین یونین مشرق وسطی بالخصوص اسلامی ممالک میں اسٹریٹجک پارٹنرز کو خصوصی توجہ دے رہا ہے۔ پاکستان کے مشرق وسطی اور سابق سویت ریاستوں سے ربط کے باعث پاکستانسرمایہ کاری کیلیے پر کشش ملک بنتا جارہا ہے۔

  • چینی صدر شی جن پنگ نے کہا ہے کہ پاکستان کی سلامتی اور استحکام کی حمایت کرتے ہیں

    بیجنگ( ورلڈفاسٹ نیوزفاریو ) چینی صدر شی جن پنگ نے کہا ہے کہ پاکستان کی سلامتی اور استحکام کی حمایت کرتے ہیں، حالیہ برسوں میں چین اور پاکستان کے مابین تعلقات میں بہتری آئی ، دونوں ممالک کے مابین تمام موسمیاتی تعاون بین الاقوامی تعلقات کی نئی نوعیت کی تعمیر کے لئے ماڈل ہے ، چین پاکستان کے ساتھ تعلقات کو بڑی اہمیت دیتا ہے ،ر پاکستان کے ساتھ اعلی سطحی تبادلوں اور اسٹریٹجک

    مواصلات پر کام کرنے کے لئے تیار ہے،ایس سی او میں پاکستان کی نمائندگی خوش آئند ہے، دہشت گردی کے خلاف جنگ میں پاکستان کا کردار اہم ہے جبکہ صدر مملکت ممنون حسین نے کہا کہ چین پاکستان کا قابل اعتماد دوست اور مضبوط شروکت دار ہے،،پاکستان ایک چین پالیسی پر عمل کرتا ہے اور چین کے بنیادی مفادات کو مضبوطی سے فروغ دیتا ہے۔ہفتہ کو چینی صدر شی جن پنگ سے صدر مملکت ممنون حسین نے ملاقات کی جس میں چینی صدر شی جن پنگ نے شنگھائی تعاون تنظیم میں پاکستان کی باقاعدہ رکنیت پر صدر ممنون حسین کو مبارکباد دی اور کہا کہ پاکستان کی سلامتی اور استحکام کی حمایت کرتے ہیں۔ انہوں نے کہا حالیہ برسوں میں چین اور پاکستان کے مابین تعلقات میں بہتری آئی اور دونوں ممالک کے مابین تمام موسمیاتی تعاون بین الاقوامی تعلقات کی نئی نوعیت کی تعمیر کے لئے ماڈل فراہم ہے۔چینی صدر شی جن پنگ نے کہا کہ چین پاکستان کے ساتھ تعلقات کو بڑی اہمیت دیتا ہے اور پاکستان کے ساتھ اعلی سطحی تبادلوں اور اسٹریٹجک مواصلات پر کام کرنے کے لئے تیار ہے۔ انہوں نے کہا چین پاک اقتصادی راہداری ، توانائی میں تعاون کو فروغ دینے پر زور دیتا ہے اور بیلٹ اینڈ روڈ تعاون کے تحت انسداد دہشتگردی کی حمایت کرتا ہے ۔ چینی صدر شی جن پنگ نے زور دیتے ہوئے کہا کہ چینقومی آزادی، حاکمیت اور علاقائی سالمیت کی حفاظت کے لئے پاکستان کی کوششوں کو مضبوط بنانے اور پاکستان ترقی کی میں تعاون جاری رکھے گا۔اس موقع پر صدر مملکت ممنون حسین نے کہا کہ چین پاکستان کا قابل اعتماد دوست اور مضبوط شروکت دار ہے پاک چین تعلقات کمزور نہیں ہو نے چاہئی. پاکستان ایک چین پالیسی پر عمل کرتا ہے اور چین کے بنیادی مفادات کو مضبوطی سے فروغ دیتا ہے۔ انہوں نے کہاپاکستان چین کے ساتھ اعلی درجے کی تبادلوں کو برقرار رکھنے کے لئے تیار ہے، مختلف شعبوں میں معیشت، تجارت اور سیکورٹی جیسے تعاون کو فروغ دینے، سی پیک کی تعمیر کو آگے بڑھانے اور بین الاقوامی اور علاقائی مسائل پر قریبی تعاون کو فروغ دینا چاہتا ہے ۔ انہوں نے کہاپاکستان نے بین الاقوامی معاملات میں چین کی بڑی کردار کی حمایت کی ہے اور یہ یقین رکھتا ہے کہ یہ عالمی سلامتی اور استحکام برقرار رکھنے کے لئے اہم ہے۔

  • امریکا نے محصولات عائد کیں تو تجارتی معاہدے خطرے میں ہوں گے,چین

    چین( ورلڈفاسٹ نیوزفاریو ) نے خبردار کیا ہے کہ اگر امریکا نے چینی مصنوعات پر اضافی محصولات عائد کیں، تو اس کے ساتھ تجارتی معاہدے خطرات کا شکار ہو جائیں گے۔ اتوار کے روز یہ بیان امریکی وزیرمعیشت وِلبُر روس اور چینی نائب وزیراعظم لیو ہی کے درمیان ایک ملاقات کے بعد سامنے آیا ہے۔ امریکا اور چین کے درمیان تجارت کے موضوع پر کشیدگی کے تناظر میں امریکی وزیرمعیشت چین کے دورے پر ہیں۔

  • چین عالمی مسائل کا حل پیش کرتا ہے : اقوام متحدہ

    اقوام متحدہ( ورلڈفاسٹ نیوزفاریو )چین دنیا کو امن و سلامتی برقرار رکھنے ،ترقی اور ماحولیاتی تبدیلی جیسے عالمی چیلنجوں کے حل فراہم کر رہا ہے ، یہ بات اقوام متحدہ کے حکام نے بتائی ہے ۔

    غیرملکی میڈیا کے مطابق اقوام متحدہ کے سیکرٹری جنرل انتھونیو گٹریس نے اپریل میں اپنے دورہ چین سے قبل کہا ہے کہ چین عالمی گورننس میں انتہائی فعال ہے اور کثیرالجہتی نظام کا اہم ستون بن گیا ہے ۔انہوں نے کہا کہ چونکہ چین نے زبردست اقتصادی کی ہے عالمی گورننس میں اسکی شمولیت عالمی تناظر میں معیشت و ترقی کے حوالے سے زیادہ متعلقہ نہیں رہی ہے ۔ اقوام متحدہ چین کے مثبت کردار کا خیر مقدم کرتا ہے کیونکہ اس سے دنیا میں برابری اور ہم آہنگی آتی ہے،اس کے علاوہ چین عالمی ترقی میں بھی کردار ادا کر رہا ہے ۔چین نہ صرف چین کی سطح پر پائیدار ترقیاتی اہداف (ایس ڈی جیز)کا پوری طرح پابند رہا ہے بلکہ دوسرے ممالک خاص طور پر ترقی پذیر ممالک کے ساتھ تعاون کا بھی پوری طرح پابند رہا ہے ۔

  • امریکہ کی طرف سے چین کی خود مختاری کی سنگین خلاف ورزی,چینی وزراتِ دفاع

    چینی( ورلڈفاسٹ نیوزفاریو ) وزراتِ دفاع نے امریکہ پر الزام عائد کیا ہے کہ امریکہ نے متنازعہ جزائر جنوبی بحیرہ چین کے قریب جنگی بحری جہاز بھیج کر ہماری ملکی خودمختاری کی سنگین خلاف ورزی کی ہے۔

    اطلاعات کے مطابق چینی وزارتِ دفاع کی جانب سے جاری بیان میں الزام عائد کیا گیا ہے کہ امریکہ نے متازع جزائر جنوبی بحیرہ چین کے قریب  2 جنگی بحری جہاز بھیج کر چین کی خودمختاری کی سنگین خلاف ورزی کی ہے۔ بیان میں واضح کیاگیا ہے کہ امریکی بحری جہازوں نے جنوبی بحیرہ چین کے چار مقامات پر نقل و حرکت کی ہے جس میں ووڈی جزیرہ بھی شامل ہے جہاں  چین نے میزائل نصب کر رکھے ہیں۔

    چین کی وزارتِ دفاع کا کہنا ہے کہ جنوبی بحیرۂ چین میں امریکی نقل وحرکت کو روکنے اور امریکہ کو خبردار کرنے کے لئے ملکی فضائیہ کے بمبار طیاروں کو پہلی بار جنوبی بحیرہ چین میں بھجوایا ہے جس میں دور تک ہدف کو نشانہ بنانے کی صلاحیت کا حامل بمبار H-6K بھی  شامل ہے۔

    ادھر بحرالکاہل میں امریکی بحری بیڑے کی جانب سے جاری کیے جانے والے بیان میں کہا ہے کہ اس علاقے میں نقل و حرکت کی آزادی کے حوالے سے معمول کی فوجی مشقیں کی جاتی ہیں اور آئندہ بھی ان کو جاری رکھا جائے گا۔

  • چین میں ریت کے شدید طوفان نے نظام زندگی کو درہم برہم کردیا، ٹریفک انتظامیہ نے کئی ہائی ویز کو ٹریفک کیلئے بند کردیا

    چین(ورلڑ فاسٹ نیوز فاریو) میں ریت کے شدید طوفان نے نظام زندگی کو درہم برہم کردیا، ٹریفک انتظامیہ نے کئی ہائی ویز کو ٹریفک کیلئے بند کردیا ہے۔چین کے صوبے زی جیانگ میں اچانک ریت کا طوفان اُمڈ آیا ۔ ایسی تیز ہوائیں چلیں کہ درخت جھولنے لگے، ٹرک الٹ گیا اور ٹریفک کی روانی بری طرح متاثر ہوگئی۔ موسم کی خراب صورتحال کے باعث انتظامیہ کی جانب سےلوگوں کو گھروں  سے باہر نکلتے ہوئے احتیاط کی تاکید کی گئی ہے۔

  • چین کے وزیر خارجہ نے شمالی کوریا کے صدر کم جانگ ان کے ساتھ ملاقات اور عالمی امور پر تبادلہ خیال

     چین ( ورلڈ فاسٹ نیوز فار یو ) کے وزیر خارجہ نے  شمالی کوریا کے صدر کم جانگ ان کے ساتھ ملاقات اور عالمی امور پر تبادلہ خیال کیا ہے۔

    اس ملاقات میں شمالی کوریا کے صدر نے کہا کہ شمالی کوریا کا ایٹمی ہتھیاروں کے عدم پھیلاؤ کے سلسلے میں مؤقف واضح ہے اور وہ خطے کے مسائل کو مذاکرات کے ذریعہ حل کرنا چاہتا ہے۔اس ملاقات میں چین کے وزير خارجہ نے دو کوریاؤں کے رہنماؤں کے درمیان مذاکرات کی کامیابی پر مبارکباد پیش کی۔