امریکی صدر شیر کی دم کے ساتھ کھیلنا ترک کردے ۔ مزاحمت یا تسلیم کے علاوہ کوئي اور راستہ نہیں۔     No IMG     افریقی ملک مراکش کی عدالت نے ایک بچی کی اجتماعی عصمت ریزی کے گھناؤنے واقعے کی اعلیٰ سطحی تحقیقات شروع     No IMG     دوست کو چاقو کے وارسے قتل کرنے والی حسینا کو سزائے موت     No IMG     بہاولپور جلسے میں کم تعداد پر عمران خان برہم لیکن پارٹی عہدیداران نے ایسی بات بتادی کہ کپتان کیساتھ جہانگیر ترین بھی حیران پریشان     No IMG     اکرام گنڈا پور کے قافلے پر خود کش حملہ، ڈرائیور شہید، تحریک انصاف کے امیدوار اور 2 پولیس اہلکاروں سمیت 6 افراد زخمی     No IMG     پاکستان اچھا کھیلاہم بہت براکھیلے،زمبابوین کھلاڑی کا اعتراف     No IMG     پاکستان سمیت دنیا بھر میں28 جولائی کو مکمل چاند گرہن ہوگا     No IMG     حنیف عباسی کا فیصلہ انصاف کے اصولوں پر مبنی نہیں , شہباز شریف     No IMG     سعودی عرب غیر ملکی ٹرک ڈرائیوروں پر پابندی سے ماہانہ 200ملین ریال کا نقصان ہوگا     No IMG     امریکہ میں کال سینٹر اسکینڈل میں ملوث 21 بھارتی شہریوں کو20 سال تک کی سزا     No IMG     اسرائیی حکومت نے القدس میں سرنگ کی مزید کھدائی کی منظوری دے دی     No IMG     ویتنام کے شمالی علاقوں میں سمندری طوفان سے 20 افراد ہلاک اور14 زخمی ہوگئے     No IMG     شیخ رشید کا کہنا ہے کہ حنیف عباسی کو عمر قید کی سزا ملنے سے اب این اے 60 راولپنڈی کا الیکشن یکطرفہ ہو جائے گا     No IMG     حنیف عباسی نے انسداد منشیات عدالت کی جانب سے دی گئی عمرقید کو ہائیکورٹ میں چیلنج کرنے کا اعلان     No IMG     اسرائیل کے مجرمانہ حملوں میں 4 فلسطینی شہری شہید     No IMG    

انٹر نیشنل

  • امریکی صدر شیر کی دم کے ساتھ کھیلنا ترک کردے ۔ مزاحمت یا تسلیم کے علاوہ کوئي اور راستہ نہیں۔

    ایران ( ورلڈفاسٹ نیوزفاریو) کے صدر حسن روحانی نے بیرون ملک ایرانی سفراء کے اجتماع  سے خطاب کرتے ہوئے کہا ہے کہ ایرانی قوم امریکی دباؤں میں ہر گز نہیں آئے گي ۔ امریکی صدر شیر کی دم کے ساتھ کھیلنا ترک کردے ۔ مزاحمت یا تسلیم کے علاوہ کوئي اور راستہ نہیں۔

    صدر حسن روحانی نے کہا کہ ایرانی سفراء بیرون ملک ایرانی تاریخ، ادب ، ثقافت اور ایرانی قوم کے نمائندے ہیں ۔ ایرانی سفراء تمام ایرانیوں کے نمائندہ ہیں۔

    امریکہ کی موجودہ حکومت نے عالمی برادری کے ساتھ جنگ و جدال شروع کررکھا ہے امریکی حکومت صرف اپنے مفادات کو تحفظ فراہم کرنے کی کوشش کررہی ہے اور دوسرے ممالک کے مفادات کو پامال کررہی ہے۔

    صدر حسن روحانی نے کہا کہ امریکہ کی طرف سے بین الاقوامی حقوق کی مخالفت، عالم اسلام کی مخالفت اور مسئلہ فلسطین کی مخالفت  اس دور میں بام عروج پر پہنچی ہوئی ہے۔

    صدر حسن روحانی نے کہا کہ اسرائيل کی ماہیت اور حقیقت کے بارے میں ہماری بات بالکل درست  ثابت ہوئي ہے کہ اسرائیل انسانی حقوق کا سب سے بڑا دشمن ہے آج ثابت ہوگيا کہ اسرائیلی حکومت نسل پرست حکومت ہے۔

    صدر حسن روحانی نے کہا کہ آج دنیا میں ایرانی سفارتکاروں کی بہت بڑي ذمہ داری ہے ۔ امریکہ ایرانی قوم کا سب سے بڑا دشمن ہے اور ہمیں دشمن کی معاندانہ پالیسیوں کے بارے میں ہوشیار اور آگاہ رہنا چاہیے۔

    صدر حسن روحانی نے کہا کہ ایران اور ایرانی قوم کے خلاف امریکی سازشوں کا سلسلہ جاری ہے ہم نے مشترکہ ایٹمی معاہدے کے ذریعہ ایران کے ایٹمی پروگرام کے خلاف 12 سالہ امریکی سازشوں کو ناکام بنادیا۔ ہم نے علاقائي ممالک کی دہشت گردی کے خلاف حمایت کرکے داعش کا عراق و شام سے خاتمہ کردیا ۔ہمارا ہمسایہ ممالک کے ساتھ قریبی تعاون جاری ہے۔ امریکہ ایرانی قوم کے ساتھ علاقائی اور عالمی اقوام کا بھی دشمن ہے اور ایرانی قوم کو امریکہ کی ظالمانہ اور تسلط پسندانہ  پالیسیوں کے خلاف استقامت اور پائداری پر فخر حاصل ہے۔ ہم امریکہ کی ظالمانہ اور تسلط پسندانہ پالیسیوں کا مقابلہ جاری رکھیں گے اور امریکہ کو اللہ تعالی کی مدد اور نصرت کے ساتھ شکست سے دوچار کردیں گے۔

  • افریقی ملک مراکش کی عدالت نے ایک بچی کی اجتماعی عصمت ریزی کے گھناؤنے واقعے کی اعلیٰ سطحی تحقیقات شروع

     مراکش( ورلڈفاسٹ نیوزفاریو)  کی عدالت نے ایک بچی کی اجتماعی عصمت ریزی کے گھناؤنے واقعے کی اعلیٰ سطحی تحقیقات شروع کی ہیں۔

    بچی کو شیطان صفت چار طلباء کے ایک گروپ نے المحمدیہ کے مقام پر قائم فرانسیسی ہائی کمیشن کے زیراہتمام اسکول میں مبینہ طورپر گینگ ریپ کا نشانہ بنایا۔

    آن لائن اخبار ’ہیس پریس‘ کے مطابق ملزمان پر بچی کو گینگ ریپ کا نشانے کی فرد جرد عاید کردی گئی ہے۔ چاروں طلباء کلوڈ مونی فاؤنڈیشن کے اسکول میں زیرتعلیم تھے جہاں زیاتی کا شکار ہونے والی بچی بھی زیرتعلیم ہے۔ فرد جرم میں ملزمان پر بچی کو ورغلانے، دھمکیوں کے ذریعے اسے جنسی تشدد کا نشانہ بنانے اور سنگین جرائم کے مرتکب ہونے کے الزامات عاید کیے گئے ہیں۔

    اخباری رپورٹ کے مطابق بچی کی ماں کا کہنا ہے کہ اس کی بیٹی کی عمر صرف تیرہ سال ہے۔ بچی کو اجتماعی زیادتی کا نشانہ بنانے والے افراد با اثر ہیں اور انہیں بچانے کے لیے المحمدیہ کے علاقے کے سرکردہ حکام بھی سرگرم ہیں۔ با اثر لوگوں کی طرف سے ان کے خاندان اور بچی پر ملزمان کے خلاف عدالتی کارروائی سے دست بردار ہونے کے لیے دباؤ ڈالا جا رہا ہے۔

    بچی کی ماں کا کہنا ہے کہ جرم کے مرتکب ملزم اس کی بچی کو اسکول کے قریب ایک ویران عمارت میں لے گئے جہاں اسے اجتماعی زیادتی کا نشانہ بنانے کے ساتھ اس کی تصاویر اور ویڈیو بنائیں اور اسے بلیک میل کرنے کی کوشش کی۔

     

  • دوست کو چاقو کے وارسے قتل کرنے والی حسینا کو سزائے موت

    کینیا ( ورلڈفاسٹ نیوزفاریو) کی ایک عدالت نے 24 سالہ ملکہ حسن روتھ کماندی کو اپنے بوائے فرینڈ کو چاقو کے پے درپے وار کرکے قتل کرنے کے جرم میں سزائے موت سنائی ہے۔

     سابق ملکہ حسن کماندی پرانسانی حقوق کی تنظیموں کی طرف سے بھی شدید تنقید کی گئی تھی اور اپنے محبوب کو چاقو کے25 وار کرکے بے رحمی کے ساتھ موت کےگھاٹ اتارنے کے اقدام کو ’غیرانسانی‘ فعل قرار دیا تھا۔

    خیال رہے کہ سزائے موت پانے والی 24 سالہ روتھ کماندی نے اپنے ٹرائل کے عرصے میں مقابلہ حسن میں حصہ لیا اور ملک کی ملکہ حسن کا ٹائٹل حاصل کای تھا۔ اس وقت وہ کینیا کی جیل 1095 میں قید تھی۔ اس پر الزام تھا کہ اس نے سنہ 2015ء کو اپنے بوائے فرینڈ فرید محمد کو چاقو کے پے درپے 25 وار کرکے موت کے گھاٹ اتار دیا تھا۔
    اس کے خلاف قتل کا مقدمہ ملک کی سپریم کورٹ میں چلایا گیا جہاں جمعرات کو خاتون جج جسٹس جیسی لیسیٹ نے ملزمہ کے خلاف کیس کا فیصلہ سنایا۔ جج نے اپنے فیصلے میں لکھا کہ ’میں چاہتی ہوں کہ نوجوان اس بات کو سمجھیں کہ اپنے دوست کا قتل یا اپنی مایوسی کا بدلہ لینے کے لیے کسی دوسرے کی جان لینا خود اپنی جان کو خطرے میں ڈالنے کے مترادف ہے‘۔

    ان کا کہنا تھا کہ اچھی بات تو یہ ہے کہ ہمیں غصہ تھوک کر دوسرے کے ساتھ رواداری اور تحمل کے ساتھ پیش آْنا چاہیے۔

    عدالت نے ملزمہ پر ٹرائل کےدوران غیر شفاف برتاؤ کا بھی الزام عاید کیا اور کہا کہ اس نے مقتول نوجوان کے موبائل فون سے ڈیٹا غائب کرنے اور شواہد مٹانے کی کوشش کی تھی۔ جُرم ثابت ہونے پر بھی اس نے کسی قسم کی شرمندگی کا اظہار نہیں کیا۔

    خیال رہے کہ کینیا میں سزائے موت کا قانون برسوں سے رائج ہے مگر سنہ 1987ء کے بعد کسی مجرم کو سزائے موت نہیں دی گئی۔

    مقتول کے اہل خانہ نے عدالتی فیصلے کو سراہتے ہوئے اسے اپنی کامیابی قرار دیا ہے

  • سعودی عرب غیر ملکی ٹرک ڈرائیوروں پر پابندی سے ماہانہ 200ملین ریال کا نقصان ہوگا

    ریاض ( ورلڈفاسٹ نیوزفاریو) بری نقل و حمل کی قومی کمیٹی کے چیئرمین سعود النفیعی نے واضح کیا ہے کہ سعودی سرمایہ کار وں کو ٹرکوں پر غیر ملکی ڈرائیوروں کی تقرری اور بری ٹرانسپورٹ کی سعودائزیشن کے سرکاری فیصلے منظور ہیں۔ حب الوطنی کا تقاضا بھی یہی ہے البتہ اگر حکومت یہ چاہتی ہے کہ اس کی بات پر عمل ہو تو سرمایہ کاروں سے وہی مطالبہ کرے جسے وہ پورا کرسکتے ہوں۔
    انہوں نے توجہ دلائی کہ مملکت میں 20لاکھ سے زیادہ ٹرک اور بسیں چل رہی ہیں۔ پورے ملک میں ہیوی ڈیوٹی ٹرانسپورٹ کے ڈرائیونگ لائسنس رکھنے والے سعودی ایک لاکھ کے لگ بھگ ہیں۔ سعودی ڈرائیور بری ٹرانسپورٹ کی ضرورتیں پوری نہیں کر سکتے۔ سعودی عرب رقبے کے لحاظ سے بھی بہت بڑا ملک ہے۔ اس کی ضرورتیں بہت ہیں۔
    انہوں نے کہا کہ غیر ملکی ڈرائیورو ں پر پابندی اور شہروں میں ٹرکوں کے داخلے کے اوقات محدود کرنے کے باعث ٹرک ٹرانسپورٹ کے مالکان کو ماہانہ 200ملین ریال کا نقصان ہو رہا ہے۔

    اس شعبہ کے مالکان کو ڈر ہے کہ یہ صورتحال برقرار رہی تو لاگت بڑھ جائے گی۔ اس کا نتیجہ اشیاء صرف کے مہنگا ہونے اور ان کی قیمتیں 30فیصد تک بڑھ جانے کی صورت میں برآمد ہوگا۔وزارت محنت ٹرانسپورٹ کے شعبے میں کام کرنے والے غیر ملکیوں کے اقاموں میں توسیع کی اجازت نہیں دے رہی ہے۔ ٹرانسپورٹ کمپنیوں کو نئے ویزے بھی جاری نہیں کئے جا رہے ہیں جبکہ محنت او رکفالت کے قوانین کی خلاف ورزی پر جرمانے بھی ہو رہے ہیں۔
    ایک اطلاع یہ ہے کہ ٹرانسپورٹ کمپنیاں ایسے پیشوں پر عملہ حاصل کر رہے ہیں جن کی سعودائزیشن کا ابھی فیصلہ نہیں ہوا ہے۔ دریں اثناء ٹرانسپورٹ کے ماہرین نے توقع ظاہر کی ہے کہ آئندہ سال مملکت میں ٹرانسپورٹ کے شعبہ میں غیر معمولی تبدیلیاں رونما ہوں گی۔ بنی کبیر سوسائٹی کے چیئرمین حسین بن علی آل ایوب نے الشرق الاوسط سے گفتگو کرتے ہوئے کہا کہ آئندہ سال ٹرانسپورٹ اور لاجسٹک خدمات کے شعبے میں زبردست تغیرات آئیں گے۔ اس شعبہ میں 100ارب ریال سے زیادہ کیسرمایہ کاری ہوئی ہے۔

  • امریکہ میں کال سینٹر اسکینڈل میں ملوث 21 بھارتی شہریوں کو20 سال تک کی سزا

     امریکہ ( ورلڈفاسٹ نیوزفاریو) میں کال سینٹر اسکینڈل میں ملوث 21 بھارتی شہریوں کو20 سال تک کی سزا سنادی گئی ہے۔ ذرائع کےمطابق ایجنٹس نے جعلی کال سینٹرکے ذریعے ہزاروں امریکی شہریوں کو کروڑوں ڈالر سے محروم کردیا تھا۔ تفصیلات کے مطابق امریکی عدالت نےاسکینڈل میں ملوث 21 بھارتی نوجوانوں کو 4 سے 20 سال کی سزا سنائی ہے،کال سینٹر ایجنٹ مصیبت میں پھنسےامریکیوں کو ویلیو کارڈز خریدنے پر دباؤ ڈالتے تھےجبکہ انکار کی صورت میں انہیں گرفتاری کی دھمکی دیتے تھے۔ جعلی کال سینٹر کا ہدف عمر رسیدہ امریکی شہری اور غیرقانونی تارکین وطن تھےجبکہ سزا مکمل ہونے کے بعد متعدد زیر حراست مجرموں کوملک بدر کردیا جائے گا۔

  • اسرائیی حکومت نے القدس میں سرنگ کی مزید کھدائی کی منظوری دے دی

    بیت المقدس ( ورلڈفاسٹ نیوزفاریو) اسرائیلی حکومت کی طرف سے القدس میں تعمیر ومرمت کے حوالے سے قائم کردہ ضلعی کمیٹی نے پرانے بیت المقدس میں کھودی گئی سرنگ کو مزید طول دینے کے لیے کھدائی کی منظوری دے دی ہے۔

    مرکزاطلاعات فلسطین کے مطابق منصوبے کے تحت بیت المقدس کے باب الخلیل سے باب العامود تک سرنگ کھودنے کی منظوری دی گئی ہے۔ القدس کے شمال کی سمت میں کھودی جانے والی اس سرنگ کو ’اسرائیلی آرمی ٹنل‘ کا نام دیا گیا ہے۔

    عبرانی جریدے ’کول ھعیر‘ کے مطابق مذکورہ سرنگ کو القدس میں آمد ورفت کے لیے استعمال کیا جائے گا۔ اس کی تکمیل کے بعد شاہراہ الانبیاء پر گاڑیوں اور  القدس کی میٹرو ٹرین پر سواریوں کا بوجھ کم کرنے میں مدد ملے گی۔ سرنگ کا نیا حصہ ایک کلو میٹر پر محیط ہوگا۔

    خیال رہے کہ اسرائیل نے ملٹری ٹنل کے نام سے سرنگ کی کھدائی کا سلسلہ کچھ عرصہ قبل شروع کیا تھا۔ اس منصوبے پر 3 کروڑ 60 لاکھ ڈالر کا تخمینہ لگایا  گیا ہے۔ شمال کی طرف سے یہ سرنگ مندلبوم اور امریکن کالونی ہوٹل سے متصل ہے۔

    سرنگ سے باہر نکلنے کے تین ہنگامی راستے بھی بنائے گئے ہیں۔

  • ویتنام کے شمالی علاقوں میں سمندری طوفان سے 20 افراد ہلاک اور14 زخمی ہوگئے

     ویتنام ( ورلڈفاسٹ نیوزفاریو)کے شمالی علاقوں میں سمندری طوفان سے 20 افراد ہلاک اور14 زخمی ہوگئےہیں۔ ویتنام کے شمالی ساحلی علاقوں اور دارالحکومت ہنوئی میں سمندری طوفان، طوفانی بارشوں اور سیلاب نے نظام زندگی معطل کر دیاہے۔ طوفان کے زیر اثرعلاقوں میں شدید بارشوں سے 16

    افراد لاپتہ ہیں، 5 ہزار سے زائد گھروں اور2 لاکھ ایکڑ پر پھیلی فصلوں کو نقصان پہنچاجبکہ 17ہزار مویشی بھی جان سے گئےہیں۔ ادھر حکام نے طوفانی بارشیں آئندہ چند روز جاری رہنے کا امکان بھی ظاہر کیا ہے۔

  • اسرائیل کے مجرمانہ حملوں میں 4 فلسطینی شہری شہید
    غزہ( ورلڈفاسٹ نیوزفاریو) پر اسرائیل کے مجرمانہ حملوں میں 4 فلسطینی شہری شہید ہوگئے ہیں۔

     

  • افغانستان میں قیام امن کیلیے پاکستان کاتعاون اہم ہے،امریکی فوج کی سینٹرل کمان

     امریکی ( ورلڈفاسٹ نیوزفاریو) فوجکی سینٹرل کمان (سینٹ کام )کے کمانڈرجنرل جوزف ووٹل نے کہاہے کہ افغانستان میں قیام امن کیلیے پاکستان کاتعاون اہم ہے۔ فلوریڈامیں سینٹرل کمان کے ہیڈکوارٹرزمیں امریکی فوج کی جنوبی ایشیاکے بارے میں حکمت عملی کے بارے میں محکمہ دفاع کی بریفنگ کے دوران جنرل جوزف ووٹل نے کہاکہ افغانستان میں پائیدارسیاسی حل کے مقصد کے حصول کیلیے پاکستان کاتعاون انتہائی اہمیت کاحامل ہے۔ پاکستان سے ڈومور کے مطالبے پرمبنی امریکی انتظامیہ کے موقف کااعادہ کرتے ہوئے انھوں نے کہاکہ ہم اس اہم کردار کو نبھانے میں مدد کیلیے پاکستان کے ساتھ قریبی طورپرمل کرکام کررہے ہیں جس کا عندیہ انھوں نے دیااوراب وقت آگیاہے کہ وہ آگے بڑھیں۔ افغانستان فورسزکی استعداد بہترہورہی ہے تاہم انھیں طالبان اورداعش کے شدت پسندوں کامقابلہ کرنے کیلیے مزیدوقت درکارہے، افغان فورسز لڑرہی ہیں اور جانی نقصان بھی ہورہاہے تاہم ہرگزرتے دن کے ساتھ ان کی صلاحیت اورکارکردگی میں بہتری آرہی ہے۔

  • بھارت میں گائے کی اسمگلنگ کے الزام میں ایک مسلمان قتل

    رام گڑھ ( ورلڈفاسٹ نیوزفاریو) بھارت میں ہندوؤں کے ہجوم نے دو مسلمان نوجوانوں کو گائے کی خرید و فرخت کا الزام لگا کر بہیمانہ تشدد کا نشانہ بنایا جس کے نتیجے میں ایک نوجوان جاں بحق ہو گیا ہے۔ رام گڑھ کے علاقے الور میں گزشتہ شب ایک بجے دو نوجوان اکبر اور اسلم ایک ایک گائے کو پیدل اپنے ہمراہ لے جا رہے تھے کہ ہندو ہجوم نے گھیر کر گائے کی ملکیت سے متعلق پوچھا۔ ہجوم کا خیال تھا کہ دونوں نوجوان گائے کو ذبح کرنے یا فروخت کرنے کے لیے لے جا رہے ہیں۔
    ہجوم نے دونوں نوجوانوں کو بہیمانہ تشدد کا نشانہ بنایا جس کے نتیجے میں نوجوان اکبر موقع پر ہی دم توڑ گیا جب کہ اسلم مشتعل ہجوم سے جان بچانے میں کامیاب ہو گیا۔ پولیس نے قتل اور اقدام قتل کی دفعات کے تحت نامعلوم افراد کے خلاف ایف آئی آر درج کر کے تحقیقات کا آغاز کردیا ہے۔ واضح رہے کہ ہندوستان میں مشتعل ہجوم کے ہاتھوں معصوم لوگوں کی ہلاکتوں میں اضافہ ہوتا جا رہا ہے جس پر حال ہی میں ہندوستانی سپریم کورٹ نے مشتعل ہجوم کے ہاتھوں ہلاکتوں کے خلاف پارلیمنٹ کو سخت قانون سازی کرنے کا حکم دیا تھا۔

  • امریکی صدر ڈونلڈ ٹرمپ کی تمام چینی درآمدات پر ڈیوٹی لگانے کی دھمکی

    واشنگٹن( ورلڈفاسٹ نیوزفاریو) امریکی صدر ڈونلڈ ٹرمپ نے 505.5ارب ڈالر تمام چینی درآمدات پر ڈیوٹی لگانے کی دھمکی دے دی۔ امریکی نیٹ ورک سی این بی سی کو انٹرویو میں انھوں نے 2017 میں چین سے درآمدکی گئی 505ارب ڈالر کی چینی مصنوعات کی طرف اشارہ کرتے ہوئے کہاکہ میں 500 تک کے لیے جانے کو تیار ہوں، میں یہ سیاست کے لیے نہیں کر رہا، میں یہ اپنے ملک کی خاطر بہتر دیز کے لیے کر رہا ہوں، چین ہمیں کافی عرصے سے کاٹ رہا ہے۔ گزشتہ روز ٹرمپ نے اپنے انٹرویو میں اپنے دعوے کا اعادہ کیاکہ امریکہ ٹریڈ پالیسی سمیت ایشوز پر فائدہ اٹھا رہا ہے، میں انھیں (چین کو) خوف زدہ کرنا نہیں چاہتا بلکہ میں انھیں بہتری پر مجبور کرنا چاہتا ہوں، مجھے صدر زی بہت پسند ہیں مگر یہ بہت غیرمنصفانہ ہے۔ انھوں نے فیڈرل ریزرو کی پالیسی کو بھی تنقید کا نشانہ بنایا اور مانیٹری پالیسی کو سخت کرنے پر ناپسندیدگی کا اظہار کیا۔ بعد میں وائٹ ہاؤس نے ایک بیان جاری کرکے کہاکہ صدر مرکزی بینک کی آزادی کا احترام کرتے ہیں اور پالیسی سازی میں مداخلت کرنا نہیں چاہتے۔ واضح رہے کہ امریکہ نے رواں ماہ چین کی 34ارب ڈالر کی مصنوعات کے لیے 25 فیصد درآمدی ڈیوٹی لگائی تھی۔ جس کے نتیجے میں چین نے بھی پوری طور پر اتنی ہی مالیت کی امریکی مصنوعات پر یکساں شرح سے ٹیرف عائد کردیے تھے اور واشنگٹن پر اقتصادی تاریخ کی سب سے بڑی تجارتی جنگ شروع کرنے کا الزام عائد کیا تھا، امریکا مزید 16ارب ڈالر کی چینی مصنوعات پر ٹیرف لگانے کا جائزہ لے رہا ہے۔ علاوہ ازیں امریکی صدر نے اپنی ٹوئٹ میں چین اور یورپی یونین پر تجارتی فائدے کے لیے اپنی کرنسیوں کی قدر مصنوعی طور پر کم رکھنے کا الزام عائد کیا اور مرکزی بینک کی شرح سود بڑھانے کی پالیسی کو ایک بار پھر شدید تنقید کا نشانہ بنایا کہ اس سے سب کو نقصان ہو رہا ہے۔

  • برطانیہ.میں بچوں کوخفیہ کارروائیوں میں استعمال کرنے کا انکشاف

    لندن( ورلڈفاسٹ نیوزفاریو) برطانیہ کی لارڈ کونسل کی جانب سے جاری کی گئی ایک رپورٹ میں انکشاف کیا گیا ہے کہ پولیس چائلڈ مافیا اور دہشت گرد تنظیموں کے خلاف خفیہ کارروائیوں کے لیے بچوں کو بہ طور ایجنٹ استعمال کرتی رہی ہے۔

    اخبار ’گارڈین‘ کے مطابق ’خفیہ انٹیلی جنس ہیومن ریسورسز‘ کےعنوان سے پولیس کے پروگرام کا انکشاف ہوا ہے جس میں بتایا گیا ہے پولیس بعض خفیہ کارروائیوں کے لیے 16 سال یا اس سے کم عمر کے بچوں کو استعمال کرتی رہی ہے۔ بچوں سے ایک ماہ سے چار ماہ تک خفیہ کارروائیوں کے لیے معاونت لی جاتی۔ یہ انکشاف بچوں کو دہشت گرد تنظیموں کے خلاف کارروائیوں کے لیے استعمال کئے جانے کے وزارت داخلہ کے مطالبے پر کیا گیا ہے۔

    رپورٹ تیار کرنے والے آئینی تحقیقاتی کمیٹی کے چیئرمین لارڈ ڈیوڈ بریفگیم کی طرف سے پولیس کے بچوں کو انٹیلی جنس کارروائیوں میں استعمال کے پروگرام پر کڑی تنقید کی ہے۔ ان کا کہنا ہے کہ بچوں کو زیادہ عرصے تک خفیہ کارروائیوں کے لیے استعمال کرنے سے ان کے ذہن اور جسمانی صحت پر پڑنے والے مضر اثرات باعث تشویش ہیں۔

    جمعرات کو سامنےآنے والی اس رپورٹ میں یہ نہیں بتایا گیا کہ آیا برطانوی پولیس اور انٹیلی جنس ادارے جاسوسی کے لیے کتنی بار اور کہاں کہاں دہشت گردوں کے خلاف بچوں کو استعمال کرتے رہے ہیں۔ تاہم وزارت داخلہ کے بیان میں بتایا گیا ہے کہ بچوں کو ایسی خفیہ کارروائیوں میں استعمال کرنے کے واقعات زیادہ نہیں۔

    وزارت داخلہ نے بچوں کو خفیہ کارروائیوں کے لیے استعمال کرنے کے اقدام کا دفاع کیا ہے اور کہا ہے کہ بچوں کے ذریعے مختلف مافیاؤں سے متعلق ’بے مثل‘ معلومات جمع کی گئی ہیں۔

    برطانوی پولیس کے ایک سابق افسر نیل ووڈز نے ’گارڈین‘ کو بتایا کہ انہوں نے ایک منشیات مافیا کے خلاف تحقیق کے دوران بچوں کی مدد حاصل کی تھی۔ وہ جاتنے تھے کہ منشیات مافیا کا آسان شکار بچے ہیں۔ اس لیے انہوں نے بچوں کی مدد سے ان جرائم پیشہ عناصر کے بارے میں معلومات جمع کی تھیں۔