چودھری پرویزالٰہی سے فردوس عاشق اعوان کی ملاقات     No IMG     یوکرین کے مزاحیہ اداکار ملک کے صدر منتخب     No IMG     وزیروں کو نکالنے سے سلیکٹڈ وزیراعظم کی نااہلی نہیں چھپے گی, بلاول بھٹو زرداری     No IMG     ایران کے صدر حسن روحانی نے تہران میں سعد آباد محل میں پاکستانی وزیر اعظم عمران خان کا باقاعدہ اور سرکاری طور پر استقبال     No IMG     بھارت اور چین کے مابین پیر کے روز بیجنگ میں باہمی فیصلہ کن مذاکرات کا آغاز     No IMG     بھارتی وزیر اعظم,ہمارا پائلٹ واپس نہ کیا جاتا تو اگلی رات خون خرابے کی ہوتی     No IMG     ملکی سیاسی پارٹیاں ووٹ تو غریبوں ،محنت کشوں کے نام پر لیتی ہیں مگر تحفظ جاگیرداروں اور مافیاز کو دیتی ہیں ,جواد احمد     No IMG     افغان سپریم کورٹ نے صدر کے انتخاب تک صدر اشرف غنی کی مدت صدارت میں توسیع کردی     No IMG     آزاد کشمیر میں منڈا بانڈی کے مقام پر ایک جیپ کھائی میں گرنے سے 5 افراد ہلاک     No IMG     مصرمیں صدرکےاختیارات میں اضافے کےلیے ہونےوالے تین روزہ ریفرنڈم میں ووٹ ڈالنےکا سلسلہ جاری ہے     No IMG     لاہور میں 3 منزلہ خستہ حال گھر زمین بوس ہونے کے نتیجے میں خاتون سمیت 6 افراد جاں بحق جبکہ 4 افراد زخمی     No IMG     وزیراعظم عمران خان ایران کے پہلے سرکاری دورے پر تہران پہنچ گئے     No IMG     سری لنکا میں کل ہونے والے آٹھ بم دھماکوں کے نتیجے میں 300 افراد ہلاک اور 500 زخمی     No IMG     وزیراعظم عمران خان نے مکران کوسٹل ہائی وے پر دہشت گردی کی سخت مذمت کرتے ہوئے حکام سے واقعے پر رپورٹ طلب کر لی     No IMG     افغانستان اور افغان طالبان کے درمیان مذاکرات ایک مرتبہ پھر کھٹائی میں پڑتے دکھائی دے رہے ہیں     No IMG    

انٹرپول نے بھارتی مبلغ ڈاکٹر ذاکر نائیک کے خلاف ناکافی شواہد کا حوالہ دیتے ہوئے ریڈ کارنر نوٹس جاری کرنے سے انکار کردیا
تاریخ :   17-12-2017

بھارت (ورلڈ فاسٹ نیوز فار یو )   مبلغ ڈاکٹر ذاکر نائیک کے خلاف ناکافی شواہد کا حوالہ دیتے ہوئے ریڈ کارنر نوٹس جاری کرنے سے انکار کردیا ہے۔ اسے ان کی حوالگی کے لیے بھارت کی کوششوں کو زبردست دھچکا قرار دیا جا رہا ہے۔

ڈاکٹر ذاکر نائیک نے انٹرپول کے فیصلے پر مسرت کا اظہار کرتے ہوئے کہا ہے کہ اگر بھارتی تفتیشی ایجنسیاں بھی انہیں الزامات سے بری کردیتی ہیں تو انہیں بہت خوشی ہوگی۔

ایک ویڈیو پیغام میں باون سالہ متنازعہ بھارتی مبلغ ڈاکٹر ذاکر نائیک نے کہا، ’’مجھے انٹرپول کے فیصلے پرکافی خوشی ہوئی ہے لیکن مجھے اس وقت اور زیادہ مسرت ہوگی اگر خود میری حکومت اور بھارتی ایجنسیاں میرے ساتھ انصاف کرتے ہوئے مجھے تمام الزامات سے بری کردیں۔‘‘ ان کا مزید کہنا تھا، ’’سچائی کو سامنے آنے سے کوئی روک نہیں سکتا۔ یہ بین الاقوامی سطح پر سامنے آگئی ہے اور جلد ہی بھارت میں بھی سامنے آجائے گی۔

ڈاکٹر ذاکر نائیک کا نام گزشتہ برس ڈھاکہ میں ہوئے دہشت گردانہ حملے کے بعد سامنے آیا تھا، جب دوحملہ آوروں نے اس بھارتی مبلغ کی تقریروں سے متاثر ہونے کا دعویٰ کیا تھا۔ ڈاکٹر نائیک اسلام کے حوالے سے اپنی تقریروں کے لیے مشہور ہیں البتہ ان پر مسلکی منافرت پھیلانے کا الزام بھی عائد کیا جاتا ہے۔ ڈاکٹر نائیک کے خلاف جب بھارت میں آواز بلند ہوئی تو وہ سعودی عرب اور پھر ملائیشیا چلے گئے، جہاں وہ اب مقیم ہیں۔

بھارتی وزارت داخلہ نے انہیں مفرور اور ان کی تنظیم ’اسلامک ریسرچ فاؤنڈیشن‘ کو غیر قانونی قرار دے رکھا ہے۔ بھارت کی ملکی قومی تفتیشی ایجنسی (این آئی اے) نے بھی ذاکر نائیک اور ان کی تنظیم پر مذہبی منافرت پھیلانے اور غیر قانونی سرگرمیوں میں ملوث ہونے کے الزامات عائد کرتے ہوئے ممبئی کی ایک خصوصی عدالت میں گزشتہ اکتوبر میں چارج شیٹ داخل کی تھی۔ این آئی اے نے 19مئی کو انٹرپول سے ڈاکٹر نائیک کے خلاف ریڈ کارنر نوٹس جاری کرنے کی درخواست کی تھی۔

ذاکر نائیک نے اس درخواست کو یہ کہتے ہوئے چیلنج کیا کہ اس کے لیے قانونی طریقہ کار پر عمل نہیں کیا گیا ہے اور بین الاقوامی اصولوں کا لحاظ نہیں رکھا گیا ہے۔ انہوں نے بھارتی حکام پر یہ الزام بھی عائد کیا تھا کہ ان کے خلاف یہ قدم سیاسی اور مذہبی امتیازی سلوک کی بنا پر اٹھایا گیا ہے ۔بھارتی حکام اس الزام کی تردید کرتے ہیں۔

انٹرپول نے اکتوبر کو ہوئے اپنے 102ویں اجلاس میں بھارتی تفتیشی ایجنسی کی جانب سے ڈاکٹر ذاکر نائیک کے دہشت گردانہ سرگرمیوں میں ملوث ہونے کے الزامات کے لیے پیش کردہ شواہد کو ناکافی بتاتے ہوئے ان کے خلاف ریڈکارنر نوٹس جاری کرنے سے انکار کردیا اور دنیا بھر میں اپنے تمام دفاتر کو ہدایت دی کہ ڈاکٹر نائیک سے متعلق تمام ڈیٹا کو ریکارڈ سے حذف کردیا جائے۔

انٹرپول نے ڈاکٹر نائیک کا مقدمہ لڑنے والی برطانوی فرم کورکر بیننگ (Corker Benning) کو ارسال کردہ اپنے خط میں لکھا، ’’غیر واضح ثبوتوں کی بنیاد پر ڈاکٹر ذاکر نائیک کے خلاف کارروائی ان کی اظہار رائے اور مذہبی آزادی کے منافی ہوگا۔ انہوں نے دہشت گردی اور دہشت گردانہ تشدد کی بارہا مذمت کی ہے، جسے ان کی تقریروں میں دیکھا جاسکتا ہے، جو آسانی سے دستیاب ہیں اور کوئی بھی ان کی جانچ کرسکتا ہے اور کمیشن کو لگتا ہے کہ ریڈ کارنر نوٹس جاری کرنا قبل از وقت ہوگا۔‘‘

بھارت نے ڈاکٹر ذاکر نائیک کی حوالگی کے لیے از سر نو اقدامات کرنے کا اعلان کیا ہے۔ این آئی اے کے انسپکٹر جنرل اور ترجمان آلوک متل نے میڈیا سے بات کرتے ہوئے کہا، ’’انٹرپول نے ذاکر نائیک کے خلاف ریڈکارنر نوٹس جاری کرنے کی ہماری درخواست اس لیے مسترد کی ہے کیوں کہ جب یہ درخواست دی گئی تھی اس وقت نائیک کے خلاف چارج شیٹ داخل نہیں کی گئی تھی۔ اب چونکہ ممبئی کی عدالت میں چارج شیٹ داخل کی جاچکی ہے، اس لیے ہم انٹرپول کو ازسر نودرخواست دیں گے۔ ہمیں امید ہے کہ انٹرپول نائیک کے خلاف ریڈکارنر نوٹس جاری کردے گا۔‘‘

قانونی ماہرین کے مطابق ڈاکٹر ذاکر نائیک کے خلاف ریڈ کارنر نوٹس جاری نہ کرنے سے ان کی حوالگی کے لیے بھارتی کوششوں پر برا اثر پڑے گا۔ یہ بات بھی قابل ذکر ہے کہ اس وقت انٹرپول کے صدر ایک چینی سفار ت کار اور چین کے صدر کے قریب سمجھے جانے والے مینگ ہونگ ویئی ہیں۔

بھارت میں بعض حلقوں کا یہ بھی کہنا ہے کہ ڈاکٹر ذاکر نائیک کے خلاف ریڈ کارنر نوٹس جاری نہ ہونے میں ان کا بھی اہم کردار ہے۔ اس معاملے کے علاوہ بھی بھارت کی تمام تر کوششوں کے باوجود چین جیش محمد کے سربراہ مولانا مسعود اظہر کو عالمی دہشت گرد قرار دینے کی اقوا م متحدہ کی کوششوں کو ناکام بناتا رہا ہے۔

 

Print Friendly, PDF & Email
افغانستان ,طالبان کاپولیس چیک پوسٹ پر حملہ ، 14 اہلکار ہلاک ، 3زخمی
چین گوادر بندرگاہ کو فوجی مقاصد کیلئے استعمال کر سکتا ہے ،بھارت

Leave a Reply

Your email address will not be published. Required fields are marked *

*

Translate News »