آرمی چیف سے بحرین نیشنل گارڈ کے کمانڈر کی ملاقات     No IMG     اسرائیل کی جیل میں آگ بھڑک اٹھی، کئی کمرے جھلس گئے     No IMG     اسرائیلی فوج کی گھر گھر تلاشی15 فلسطینی شہری گرفتار     No IMG     وزیر ریلوے شیخ رشید کی نا اہلی کے لیے الیکشن کمیشن میں درخواست دائر     No IMG     فضائی حدود کی بندش، ائیرانڈیا کو کروڑوں کا نقصان     No IMG     دہشت گردی کا کوئی دین اور نسل نہیں ہوتی ,سعودی وزیر خارجہ     No IMG     ایران، عراق اور شامی افواج کے خون نے تینوں ممالک کے درمیان تعلقات کو مزید مضبوط بنایا, بشار الاسد     No IMG     آصف زرداری اور فریال تالپور کی 10 دن کے لیے حفاظتی ضمانت منظور     No IMG     سابق وزیراعلی شہباز شریف کے خلاف ایک اور انکوائری شروع     No IMG     کینیڈین وزیر اعظم جسٹس ٹروڈو نے نیوزی لینڈ میں دہشت گردی کے واقعہ کی مذمت     No IMG     روسی صدر پوتن نے کہا ہے کہ وہ روس میں کرائسٹ چرچ جیسا دہشت گرد حملہ نہیں ہونے دیں گے     No IMG     برطانوی حکام نے نیوزی لینڈ کی مسجدوں میں ہوئی دہشت گردی کی طرز پر برطانیہ میں بھی واقعات پیش آنے کا خدشہ     No IMG     نیوزی لینڈ کی پارلیمنٹ کے پہلے اجلاس کا آغاز تلاوت کلام پاک سے ہوا     No IMG     نیوزی لینڈ مساجد پر دہشت گرد حملے سے متعلق امریکی صدر ڈونلڈ ٹرمپ اپنے بیان پر میڈیا کی تنقید سے برہم     No IMG     نیوزی لینڈ کی قومی فٹسل ٹیم کے گول کیپر عطا الیان بھی کرائسٹ چرچ واقعے میں شہید     No IMG    

امریکی صدر ڈونلڈ ٹرمپ کے خلاف جوابی اقدامات میں یورپی یونین بھی شامل
تاریخ :   02-06-2018

امریکی ( ورلڈفاسٹ نیوزفاریو )صدر ڈونلڈ ٹرمپ کی جانب سے اسٹیل اور ایلمونیئم کی درآمدات پر اضافی محصولات کے نفاذ پر عالمی ردعمل جاری ہے۔ دوسرے ملکوں کی طرح ٹرمپ کے خلاف جوابی اقدامات میں یورپی یونین بھی شامل ہو گئی ہے۔

یورپی یونین نے امریکی صدر ڈونلڈ ٹرمپ کی طرف سے اسٹیل اور ایلمونیئم کی برامدات پر اضافی محصولات کے نفاذ کے بعد پہلی مرتبہ کوئی جوابی قدم اٹھانے کا فیصلہ کیا ہے۔ یورپی یونین کی جانب سے امریکی مصنوعات پر اضافی محصولات عائد کرنے کی پلاننگ شروع کر دی گئی ہے۔

یورپی یونین اور کینیڈا نے امریکی محصولات کے نفاذ کے خلاف قانون چارہ جوئی کرتے ہوئے ورلڈ ٹریڈ آرگنائزیشن میں اپنی اپنی شکایات کا انداراج کرا دیا ہے۔

یورپی یونین کی جانب سے جن اشیاء پر محصولات کا نفاذ کیا جا رہا ہے، اُن میں امریکی سویٹس، موٹر سائیکل، بلُو جینز خاص طور پر نمایاں ہیں۔ ان اشیاء کی یورپی یونین کے رکن ملکوں میں برآمدات کا حجم اٹھائیس بلین یورو یا تینتیس بلین امریکی ڈالر کے لگ بھگ ہے۔

کینیڈا نے بھی جوابی اقدامات کرتے ہوئے امریکی مصنوعات پر بارہ بلین ڈالر سے زائد کی اضافی برامدی ڈیوٹی لگانے کا فیصلہ کیا ہے۔ دوسری جانب امریکا نے کینیڈا میں اپنے مرکزی تجارتی اتحادیوں کے قدرے برہم وزرائے خزانہ کے ساتھ میٹنگز کا سلسلہ شروع کر دیا ہے۔

فرانس کے وزیر خزانہ بروُونو لا مائر نے کینیڈا میں اپنے ایک بیان میں کہا ہے کہ امریکی صدر کے فیصلے کے خلاف فرانس، جرمنی اور برطانیہ ہم قدم ہیں۔ یورپی یونین کی ٹریڈ کمشنر سیسیلیا مالم اسٹروم کے مطابق اگر تجارتی ضوابط کا احترام نہیں کیا جاتا تو عالمی ٹریڈ سسٹم مفلوج ہو کر رہ جائے گا۔

امریکی محصولات کے نفاذ پر تبصرہ کرتے ہوئے کینیڈا کے وزیراعظم جسٹن ٹرُوڈو کا کہنا ہے کہ اُن کی سمجھ میں یہ نہیں آ رہا کہ واشنگٹن نے اضافی محصولات کے نفاذ کو قومی سلامتی کی ضرورت قرار دیا ہے۔

ٹروڈو کے مطابق کینیڈا کو استثنیٰ نہ دے کر صدر ٹرمپ نے اُس کینیڈا کی بے توقیری کی ہے، جو افغانستان اور دوسرے مقامات پر امریکا کی جنگوں میں اتحادی رہا ہے۔ اسی طرح برطانوی وزیراعظم ٹریزا مَے نے بھی ٹرمپ کے فیصلے پر شدید مایوسی کا اظہار کیا ہے۔

اسی دوران امریکی صدر ڈونلڈ ٹرمپ نے عندیہ دیا ہے کہ وہ کینیڈا اور میکسیکو کے ساتھ چوبیس برس پرانا شمالی امریکی آزاد تجارت ایگریمنٹ (NAFTA) کو منسوخ کرنے کی سوچ رکھتے ہیں۔ اسی دوران ایک اور پیش رفت یہ ہے کہ ٹرمپ کے وزیر تجارت ولبر راس چینی حکام سے مذاکرات کے لیے بیجنگ پہنچ گئے ہیں۔

Print Friendly, PDF & Email
ریحام خان کی کتاب نے گذشتہ روز سے ہی سوشل میڈیا پر ایک طوفان برپا کر دیا
انتخابات ملتوی نہیں ہونے دیں گے ,نواز شریف

Leave a Reply

Your email address will not be published. Required fields are marked *

*

Translate News »