چودھری پرویزالٰہی سے فردوس عاشق اعوان کی ملاقات     No IMG     یوکرین کے مزاحیہ اداکار ملک کے صدر منتخب     No IMG     وزیروں کو نکالنے سے سلیکٹڈ وزیراعظم کی نااہلی نہیں چھپے گی, بلاول بھٹو زرداری     No IMG     ایران کے صدر حسن روحانی نے تہران میں سعد آباد محل میں پاکستانی وزیر اعظم عمران خان کا باقاعدہ اور سرکاری طور پر استقبال     No IMG     بھارت اور چین کے مابین پیر کے روز بیجنگ میں باہمی فیصلہ کن مذاکرات کا آغاز     No IMG     بھارتی وزیر اعظم,ہمارا پائلٹ واپس نہ کیا جاتا تو اگلی رات خون خرابے کی ہوتی     No IMG     ملکی سیاسی پارٹیاں ووٹ تو غریبوں ،محنت کشوں کے نام پر لیتی ہیں مگر تحفظ جاگیرداروں اور مافیاز کو دیتی ہیں ,جواد احمد     No IMG     افغان سپریم کورٹ نے صدر کے انتخاب تک صدر اشرف غنی کی مدت صدارت میں توسیع کردی     No IMG     آزاد کشمیر میں منڈا بانڈی کے مقام پر ایک جیپ کھائی میں گرنے سے 5 افراد ہلاک     No IMG     مصرمیں صدرکےاختیارات میں اضافے کےلیے ہونےوالے تین روزہ ریفرنڈم میں ووٹ ڈالنےکا سلسلہ جاری ہے     No IMG     لاہور میں 3 منزلہ خستہ حال گھر زمین بوس ہونے کے نتیجے میں خاتون سمیت 6 افراد جاں بحق جبکہ 4 افراد زخمی     No IMG     وزیراعظم عمران خان ایران کے پہلے سرکاری دورے پر تہران پہنچ گئے     No IMG     سری لنکا میں کل ہونے والے آٹھ بم دھماکوں کے نتیجے میں 300 افراد ہلاک اور 500 زخمی     No IMG     وزیراعظم عمران خان نے مکران کوسٹل ہائی وے پر دہشت گردی کی سخت مذمت کرتے ہوئے حکام سے واقعے پر رپورٹ طلب کر لی     No IMG     افغانستان اور افغان طالبان کے درمیان مذاکرات ایک مرتبہ پھر کھٹائی میں پڑتے دکھائی دے رہے ہیں     No IMG    

امریکا کی ٹرمپ انتظامیہ کا سرکاری امداد لینے والے تارکینِ وطن کے گرین کارڈز بندکرنے پر غور
تاریخ :   24-09-2018

واشنگٹن ( ورلڈ فاسٹ نیوزفاریو ) امریکا کی ٹرمپ انتظامیہ نے خوراک ، طبی علاج و معالجے اور مکانوں کی سہولت کی شکل میں سرکاری امداد حاصل کرنے والے تارکین ِ وطن کو گرین کارڈز کا اجراء بند کرنے پر غور شروع کردیا ہے اورا س مقصد کے لیے نئے قواعد وضوابط تجویز کردیے ہیں۔

امریکا کے وفاقی قانون کے تحت گرین کارڈ کے حصول کے خواہاں افراد کو پہلے ہی یہ ثابت کرنا پڑتا ہے کہ وہ قومی خزانے پرکوئی بوجھ ثابت نہیں ہوں گے۔نئے قواعد کے تحت کسی بھی شکل میں سرکاری امداد حاصل کرنے والے گرین کارڈ کے نااہل قرار پائیں گے۔

امریکا کے محکمہ ہوم لینڈ سکیورٹی کے مطابق ’’مجوزہ قواعد وضوابط کے تحت پہلے سے موجود قانون میں بالکل صراحت کردی جائے گی کہ جو لوگ بھی امریکا میں آنے اور یہاں عارضی یا مستقل طور پر رہنے کے خواہاں ہیں ، انھیں یہ واضح کرنا ہوگا کہ وہ مالی طور پر خود اپنی امداد کرسکتے ہیں، اپنے اخراجات برداشت کرسکتے اور ان کا سرکاری فوائد پر انحصار نہیں ہوگا‘‘۔

447 صفحات کو محیط ان مجوزہ قواعد وضوابط کو محکمے کی ویب سائٹ پر شائع کردیا گیا ہے اور آیندہ ہفتوں میں یہ وفاقی رجسٹر پر بھی نمودار ہوجائیں گے۔اس کے بعد 60 دن تک لوگ ان پر اپنی رائے کا اظہار کرسکیں گے۔پھر یہ نافذ العمل ہوجائیں گے۔

ٹرمپ انتظامیہ نے یہ تجویز ملک میں وسطی مدت کے انتخابات سے صرف سات ہفتے قبل پیش کی ہے ۔اس سے ری پبلکن پارٹی کو صدر ٹرمپ کے قانونی یا غیر قانونی تارکین وطن کے خلاف کریک ڈاؤن کے حامی ووٹروں کی حمایت حاصل ہونے کا امکان ہے۔

دوسری جانب تارکینِ وطن کے حامی ایڈووکیسی گروپوں کا کہنا ہے کہ لوگ مکانوں سے بے دخلی اور خرابیِ صحت کے مسائل سے دوچار ہونے کے خطرے کے باوجود سرکاری امدادی پروگراموں سے دستبردار ہوجائیں گے کیونکہ اگر وہ ان امدادی پروگراموں سے استفادے کا سلسلہ جاری رکھتے ہیں تو انھیں امریکی ویزا جاری کرنے سے انکار کیا جاسکتا ہے۔

تارکین وطن جن امدادی پروگراموں سے استفادے کی بنا پر ویزے کے نااہل ہوسکتے ہیں ،ان میں طبی نگہداشت کے پارٹ ڈی میں بیان کردہ ادویہ ، بعض ہنگامی سروسز کے لیے خدمات، تعلیم ، فوڈ اسٹیمپ اور سیکشن 8 کے تحت ہاؤسنگ واؤچرز شامل ہیں۔

امریکا میں مقیم تارکین ِوطن کے حامی گروپوں نے صدر ٹرمپ کے اس فیصلے کو کڑی تنقید کا نشانہ بنایا ہے اور ان کا کہنا ہے کہ اس کے تحت امریکا میں اب صرف امیر لوگ ہی رہ سکتے ہیں یا یہاں آ سکتے ہیں اور غریب ممالک سے تعلق رکھنے والے تارکین وطن پر اس ملک کے دروازے بند کیے جارہے ہیں۔

Print Friendly, PDF & Email
چین کے مالیاتی حکام نے فضائی آلودگی کی وجہ سے 158 کمپنیوں کے خلاف کارروائی
اسرائیل,کا فلسطینی گاؤں کے انہدام کا فیصلہ
Translate News »