پاک فوج نے ایک آپریشن میں 4 مغوی ایرانی فوجیوں کو بازیاب کرالیا     No IMG     دنیا بھر میں آج ہندو برادری اپنا مذہبی تہوار ہولی منا رہی ہے     No IMG     افغانستان کے صوبے ہرات میں سیلاب سے 13 افراد کے جاں بحق ہونے سے ہلاکتوں کی مجموعی تعداد 63 ہوگئی     No IMG     لیبیا میں پناہ گزینوں کو لے جانے والی کشتی ڈوب گئی جس کے نتیجے میں 9 افراد ہلاک     No IMG     اسرائیلی دہشت گردی، غرب اردن میں مزید3 فلسطینیوں کو شہید کردیا     No IMG     پیپلز پارٹی کےچیئرمین نے 3 وفاقی وزرا کو فارغ کرنے کا مطالبہ کردیا     No IMG     وزیراعظم عمران خان کی ہولی کے تہوار پر ہندو برادی کو مبارک باد     No IMG     سابق وزیراعظم نوازشریف نے ای سی ایل سے نام نکالنے کی درخواست دائر کردی     No IMG     سمجھوتہ ایکسپریس کیس کا فیصلہ 12 سال بعد بھی تاخیر کا شکار     No IMG     وزیر اعظم آئین کے آرٹیکل 214 کی شق دو اے پر عمل کرنے میں ناکام     No IMG     روس کے وزیر دفاع سرگئی شویگو نے شام کے صدر بشار اسد سے ملاقات     No IMG     بھارت اور پاکستان متنازع معاملات مذاکرات کے مذاکرات کے ذریعے حل کریں,چین     No IMG     بریگزیٹ پرٹریزامے کی حکمت عملی انتہائی کمزورہے، ٹرمپ     No IMG     امریکی وزیر خارجہ مائیک پمپئو کی کویت کے بادشاہ سے ملاقات     No IMG     نیوزی لینڈ میں جمعہ کو سرکاری ریڈیو اور ٹی وی سے براہ راست اذان نشر ہوگی,جیسنڈا آرڈرن     No IMG    

افغان انٹیلیجنس کے دفتر کے باہر خودکش حملےمیں 12 افراد ہلاک
تاریخ :   25-12-2017

افغان  (ورلڈ فاسٹ نیوز فار یو) انٹیلیجنس کے دفتر کے باہر خودکش حملے اور صوبہ ہلمند میں بارڈر سکیورٹی فورس کے اہلکاروں کو لے جانے والی ویگن پر بم حملے کے نتیجے میں کم از کم 12 افراد ہلاک ہو گئے ہیں۔

افغانستان کے دارالحکومت کابل میں ہونے والے ایک خودکش حملے کے نتیجے میں کم از کم چھ افراد ہلاک ہو گئے۔ افغان حکام کے مطابق یہ خودکش حملہ ملکی خفیہ ایجنسی کے دفتر کے داخلی دروازے کے قریب کیا گیا۔ افغان وزارت داخلہ کے ترجمان نجیب دانش کے مطابق یہ حملہ اُس وقت کیا گیا جب ملازمین دفتروں کو جا رہے تھے۔ دانش کے مطابق ہلاک ہونے والے تمام سویلین افراد تھے۔

جرمن خبر رساں ادارے ڈی پی اے کے مطابق یہ حملہ آور ایک ٹین ایجر تھا اور اس نے افغان انٹیلیجنس کمپاؤنڈ کے داخلی دروازے کے قریب واقع ایک سکیورٹی چیک پوسٹ کے قریب خود کو دھماکے سے اڑا لیا۔ نجیب دانش کے مطابق مقامی وقت کے مطابق صبح سات بجکر چالیس منٹ پر ہونے والے اس دھماکے کے نتیجے میں کم از کم تین دیگر افراد زخمی بھی ہوئے۔ جس علاقے میں یہ خودکش حملہ کیا گیا وہ کابل کا ڈپلومیٹک کوارٹر ہے اور اسے گرین زون قرار دیا جاتا ہے۔ اس علاقے میں امریکی سفارت خانہ اور نیٹو کا ہیڈکوارٹر بھی موجود ہے۔ ایک ہفتہ قبل بھی مسلح افراد افغان خفیہ ایجنسی NDS کے تربیتی مرکز میں داخل ہو گئے تھے۔

افغان انٹیلیجنس دفتر کے قریب ہونے والے خودکش حملے کی ذمہ داری دہشت گرد گروپ داعش نے قبول کر لی ہے

افغان انٹیلیجنس دفتر کے قریب ہونے والے اس خودکش حملے کی ذمہ داری دہشت گرد گروپ داعش نے قبول کر لی ہے۔ داعش کی پراپیگنڈا نیوز ایجنسی عماق کے مطابق افغانستان کی خفیہ ایجنسی نیشنل ڈائریکٹوریٹ آف سکیورٹی کے مرکز پر خودکش حملہ کیا گیا ہے۔

صوبہ ہلمند میں بارڈر سکیورٹی فورس پر حملہ

افغانستان کے جنوبی صوبہ ہلمند میں بارڈر سکیورٹی فورس کے اہلکاروں کو لے جانے والی ویگن سڑک کنارے نصب ایک بم کا نشانہ بننے کے نتیجے میں چھ اہلکار ہلاک جبکہ چھ دیگر زخمی ہو گئے۔ اس واقعے میں چھ دیگر اہلکار زخمی بھی ہوئے۔

صوبہ ہیلمند کے گورنر کے ترجمان عمر زواک کے مطابق اتوار اور پیر کی درمیانی شب یہ واقعہ ضلع مرجاہ میں پیش آیا، جب بارڈر سکیورٹی فورس کے اہلکاروں کی ایک بکتر بند گاڑی سڑک کنارے نصب ایک بم کا نشانہ بنی۔ ابھی تک اس حملے کی ذمہ داری کسی گروپ نے تسلیم نہیں کی۔ تاہم طالبان عسکریت پسندوں کی جانب سے ایسے ہزاروں بم نصب کیے گئے ہیں جن کا مقصد افغان سکیورٹی فورسز کو نشانہ بنانا ہوتا ہے۔

صوبہ ہلمند کا نوے فیصد علاقہ یا تو طالبان کے قبضے میں ہے یا وہ وہاں قبضے کی کوششوں میں لگے ہوئے ہیں۔ یہ علاقہ افیون کی پیدوار کے حوالے سے بھی شہرت رکھتا ہے۔

Print Friendly, PDF & Email
ایران اور پاکستان مذہبی ، ثقافتی اور تاریخی رشتوں میں منسلک ہیں اسپیکر علی لاریجانی
کلبھوشن یادیوکی اہل خانہ سے ملاقات

Leave a Reply

Your email address will not be published. Required fields are marked *

*

Translate News »