شمالی کوریا کا ایٹمی طاقت کے مظاہرے کا عزم     No IMG     عراق کے دارالحکومت بغداد میں خودکش حملے کے نتیجے میں 19 افراد جاں بحق     No IMG     جرمنی کے وزير خارجہ نے اعلان کیا ہے کہ یورپی یونین کے رکن ممالک مشترکہ ایٹمی معاہدے کی حمایت پر متحد اور متفق ہیں۔     No IMG     ایران کو شام میں فوجی بیس بنانے کی اجازت نہیں دیں گے,اسرائیل کے وزير اعظم     No IMG     مقبوضہ کشمیر، یاسین ملک کی مسلسل غیر قانونی نظر بندی کی سخت مذمت کرتے ہوئے عالمی ریڈ کراس کمیٹی سے اپیل     No IMG     سابق وزیراعظم نواز شریف نے چئیرمین نیب جسٹس (ر) جاوید اقبال کو توہین آمیز پریس ریلیز جاری کرنے پر قانونی نوٹس بھجوا دیا۔     No IMG     قونصل جنرل عائشہ فاروقی نے جیل میں ڈاکٹرعافیہ صدیقی سےملاقات     No IMG     پی ٹی آئی چئیرمین نے بڑا فیصلہ کر لیا ، اب پی ٹی آئی میں شمولت اختیار کرنا آسان نہ ہو گا     No IMG     پاکستان میں تھری اور فور جی صارفین کی تعداد 5 کروڑ46 لاکھ ہو گئی،     No IMG     سابق وزیراعظم نواز شریف نے احتساب عدالت میں اپنے نکالنے کی 4 بڑی وجوہات بتادیں     No IMG     حافظ آباد میں کپڑے کی فیکٹری میں آگ لگ گئی     No IMG     پی ٹی آئی کے اعلیٰ عہدے داروں کی پریم کہانی شروع ہو گئی     No IMG     امريکا نے 5 ايرانی اہلکاروں پر پابندی عائد کر دی     No IMG     موجودہ حکومت نے دہشت گردی ، عسکریت پسندی اور توانائی بحران کو حل کیا ، ملکی معیشت کو مستحکم کردیا, لیفٹیننٹ جنرل (ر) عبدالقیوم     No IMG     پی ٹی آئی گزشتہ 5 سالوں میں خیبرپختونخوا میں ڈلیور کرنے میں بری طرح ناکام ہوئی، مائزہ حمید     No IMG    

آہم خبریں

  • شمالی کوریا کا ایٹمی طاقت کے مظاہرے کا عزم

     شمالی کوریا نے صدر ٹرمپ اور صدر کم جونگ اون کی ملاقات کے بارے میں  امریکی نائب صدر مائیک پینس کے بیان کو بیوقوفی اور حماقت پر مبنی قرار دیتے ہوئے کہا ہے کہ امریکہ سے مذاکرات کی بھیک نہیں مانگیں گے اگر مذاکرات اور سفارتکاری کا طریقہ ناکام ہوا تو پھر ایٹمی جنگ کے میدان میں مقابلہ ہوگا۔

    اطلاعات کے مطابق شمالی کوریا کی سینئر خاتون مذاکرات کار چھوئے سن ہی نے امریکی نائب صدر مائیک پینس کے حالیہ بیانات کو احمقانہ قرار دیتے ہوئے مسترد کردیا۔ انہوں نے کہا کہ شمالی کوریا امریکہ سے مذاکرات کی بھیک نہیں مانگے گا، اگر سفارتکاری ناکام ہوئی تو پھر جوہری قوت کا برملا مظاہرہ ہوگا۔

    چھوئے سن ہی کا کہنا تھا کہ مائیک پینس نے میڈیا پر حال ہی میں بے لگام اور نامناسب بیانات دیے ہیں کہ شمالی کوریا کا حشر بھی لیبیا جیسا ہوگا، میں سمجھتی ہوں کہ مائک پنس بیوقوف انسان ہیں، مجھے شدید حیرت ہے کہ شمالی کوریا کا لیبیا سے موازنہ کرنے کے احمقانہ اور جاہلانہ بیانات وہ شخص دے رہا ہے جو امریکہ کے نائب صدر کے منصب پر فائز ہے۔ چھوئے سن ہی نے مزید کہا کہ اس بات کا دار و مدار امریکی رویے اور فیصلے پر ہے کہ وہ ہمارے ساتھ مذاکرات کی میز پر بیٹھنا چاہتا ہے یا پھر ایٹمی جنگ کے میدان میں مقابلہ کرتا ہے۔

  • جرمنی کے وزير خارجہ نے اعلان کیا ہے کہ یورپی یونین کے رکن ممالک مشترکہ ایٹمی معاہدے کی حمایت پر متحد اور متفق ہیں۔

    جرمنی ( ورلڈفاسٹ نیوزفاریو ) کے وزير خارجہ ہایکوس میس نے اعلان کیا ہے کہ یورپی یونین کے رکن ممالک مشترکہ ایٹمی معاہدے کی حمایت پر متحد اور متفق ہیں۔ جرمنی کے وزير خارجہ نے کہا کہ یورپی یونین  کا مشترکہ ایٹمی معاہدے کی حمایت کے بارے میں مؤقف  اتحاد اور یکجہتی پر مبنی ہے۔ جرمن وزیر خارجہ نے کہا کہ اس نے امریکہ کے دورے کے دوران امریکی حکام کو یورپی یونین کے مؤقف کے بارے میں واضح طور پر بتا دیا ہےکہ یورپی یونین کی طرف سے مشترکہ ایٹمی معاہدے کی حمایت کا سلسلہ جاری رہےگا اور اس سلسلے میں امریکی دباؤ کو قبول نہیں کیا جائےگا۔

  • ایران کو شام میں فوجی بیس بنانے کی اجازت نہیں دیں گے,اسرائیل کے وزير اعظم

    اسرائیل ( ورلڈفاسٹ نیوزفاریو )  کے وزير اعظم نیتن یاہو نے ایران کے خلاف ہرزہ سرائی کرتے ہوئے کہا ہے کہ ایران کو شام میں فوجی بیس بنانے کی اجازت  نہیں دیں گے۔

    اسرائیلی وزیر اعظم نے تل نوف ہوائی اڈے پر اسرائیلی فضائیہ کے اہلکاروں سے خطاب کرتے ہوئے کہا کہ اسرائیل شام میں  ایران کو فوجی بیس بنانے کی اجازت نہیں دےگا اور اس سلسلے میں اسرائیلی فضائیہ کا کردار اہم ہے۔ اسرائیلی وزیر اعظم نے مشترکہ ایٹمی معاہدے سے امریکی صدر ٹرمپ کے خارج ہونے اور بعض عرب ممالک کی طرف سے امریکی صدر کے اس فیصلے کی حمایت کرنےکی بھی تعریف کی۔

  • سابق وزیراعظم نواز شریف نے چئیرمین نیب جسٹس (ر) جاوید اقبال کو توہین آمیز پریس ریلیز جاری کرنے پر قانونی نوٹس بھجوا دیا۔

    اسلام آباد( ورلڈفاسٹ نیوزفاریو ) سابق وزیراعظم نواز شریف نے چئیرمین نیب جسٹس (ر) جاوید اقبال کو توہین آمیز پریس ریلیز جاری کرنے پر قانونی نوٹس بھجوا دیا۔میڈیا رپورٹس کے مطابق سابق وزیراعظم نواز شریف نے چئیرمین نیب جسٹس (ر) اقبال کو من گھڑت پریس ریلیز جاری کرنے پر قانونی بھجوا دیا ہے۔۔نواز شریف نے نیب کے اس نوٹس کو الیکشن سے قبل دھاندلی قرار دے دیا۔نواز شریف نے چئیرمین نیب کو قانونی نوٹس جاری کرتے ہوئے 1 ارب روپے حرجانے کا دعوی کر دیا ہے۔نوٹس کے مطابق چئیرمین نیب 14 روز کے اندر ایک ارب روپے کا حرجانہ ادا کریں۔اور انگریزی اور اردو اخبارات میں باقاعدہ معافی نامی شائع کرائیں۔نوٹس کے مطابق حرجانہ ادا نہ کرنے اور معافی نہ مانگنے پر باقاعدہ قانونی کاروائی عمل میں لائی جائے گی۔نوٹس میں کہا گیا ہے کہ 8 مئی کو نیب نے جھوٹی اور توہین آمیز پریس ریلز جاری کی۔۔ورلڈ بینک کی وضاحت کےباجود بھی 9 مئی کو ایک پریس ریلیز جاری کی گئی۔9مئی کی پریس ریلیزمیں ورلڈ بینک کی وضاحت کا ذکر نہیں کیا گیا۔نوٹس میں یہ بھی کہا گیا ہے کہ نواز شریف تین بار وزیراعظم رہ چکے ہیں اور سمجھدار سیاست دان ہیں۔ با وثوق ذرائع سے تصدیق کیے بغیر اعلامیہ جاری کرنا بد نیتی پر مبنی ہو سکتا ہے۔ورلڈ بینک کی رپورٹ میں نہ منی لانڈرنگ کا ذکر کیا گیا اور نہ ہی کسی کا نام لیا گیا۔یاد رہے کہ چیرمین نیب نے سابق وزیراعظم نواز شریفاوردیگرکیخلاف مبینہ طورپر4.9بلین ڈالربھارت بھیجنے کی شکایت کا نوٹس لیا تھا۔کہا گیا تھا کہ نواز شریف اور دیگر کے خلاف 4.9 ڈالربھارت بجھوانے کی شکایات ہیں۔ جس کے بعد چئیرمین نیب نے ان شکایاتکا نوٹس لیتے ہوئے شکایات کی جانچ پڑتال کا حکم دے دیا تھا۔

  • قونصل جنرل عائشہ فاروقی نے جیل میں ڈاکٹرعافیہ صدیقی سےملاقات

    نیویارک ( ورلڈفاسٹ نیوزفاریو ) امریکہ کی جیل میں قید کی سزا کاٹ رہی ڈاکٹر عافیہ صدیقی سے متعلق باضابطہ بیان جاری ہو گیا ہے۔ نیویارک میں پاکستانی قونصلیٹ کے مطابق ڈاکٹر عافیہ صدیقی کی صحت سے متعلق افواہیں بے بنیاد ہیں۔ نجی ٹی وی کے مطابق پاکستانی قونصل جنرل عائشہ فاروقی نے جیل میں ڈاکٹرعافیہ صدیقی سےملاقات کی ہے۔ ملاقات کے بعد ترجمان پاکستانی قونصلیٹ نے بیان جاری کیا ہے کہ ڈاکٹرعافیہ صدیقی خیریت سےہیں۔عافیہ صدیقی کی صحت سےمتعلق افواہیں بے بنیاد ہیں۔ پاکستانی قونصل جنرل  نے ٹیکساس میں ایف ایم سی کارزویل جیل کا دورہ کیا اورڈاکٹر عافیہ صدیقی سے ملاقات کی۔ ترجمان کے مطابق عائشہ فاروقی اورڈاکٹرعافیہ کےدرمیان ملاقات 2 گھنٹے جاری رہی ۔ ترجمان کے مطابق ڈاکٹرعافیہ صدیقی خیریت سےہیں۔ عافیہ صدیقی کی صحت سےمتعلق افواہیں بے بنیاد ہیں۔ ترجمان نے مزید کہا کہ پاکستانی قونصل جنرل نےگزشتہ 14ماہ میں 4بارڈاکٹرعافیہ سےملاقات کی۔

  • سابق وزیراعظم نواز شریف نے احتساب عدالت میں اپنے نکالنے کی 4 بڑی وجوہات بتادیں

    اسلام آباد( ورلڈفاسٹ نیوزفاریو ) شریف خاندان کےخلا ف ایوان فیلڈ ریفرنس کی احتساب عدالت میںسماعت ہوئی۔سابق وزیراعظم نواز شریف نے ایون فیلڈ ریفرنس میں مسلسل تیسرے روز اپنا بیان قلمبند کراتے ہوئے کہا کہ مجھے دھمکی نما مشورہ دیا گیا کہ بھاری پتھر اٹھانے کا ارادہ ترک کردو۔مجھے بذریعہ زرداری پیغام دیاکہ سابق صدر مشرف کےدوسرےمارشل لاءکوپارلیمانی توثیق دی جائے۔میں نے مشرف کے دوسرے مارشل لاء کو پارلیمانی توثیق دینے سے انکار کیا۔۔نواز شریف نےاحتساب عدالت میں اپنا بیان اردومیں پڑھ کر سنایا۔۔نواز شریف نے اپنے نکالنے کی 4 بڑی وجوہات بتادیں۔مجھے نکالے جانے کی سب سے بڑی وجہ پرویز مشرف کی خلافغداری کیس ہے۔میں نے اپنا گھردرست کرنے اوراپنے آپ کو سنوارنے کی بات کی ۔میں نے خارجہ پالیسی کو نئے رُخ پر استوار کرنے کی کوشش کی۔میں نے سرجھکا کر نوکری کرنے سے انکار کیا۔2014کے دھرنے کرائے گئے۔2014کے دھرنوں کا مقصد مجھے دباؤمیں لانا تھا۔۔نواز شریف نے کہا کہ امپائر کی انگلی اٹھنے والی ہے، کون تھا وہ امپائر؟۔۔نواز شریف کا مزید کہنا تھا کہ دھرنوں سے دو ماہ قبل عمران خان سے بنی گالا میں ملاقات ہوئی تو عمران خان نے دھرنا دینے کاکوئی اشارہ نہ دیا۔پھر عمران خان اور طاہر القادری کی ملاقات ہوئی۔مشرف کیس چلتا رہا اور دھرنا دے دیا گیا۔لیکن ان دھرنوں کے پیچھے کون ہے۔وہ پوارا ملک جانتا ہے۔ مشرف غداری کیس قائم کرتے ہی مشکلات اور دباؤ بڑھادیا گیا،،نواز شریف کا کہنا تھا کہ یہ ہے میرے اصل جرائم کا خلاصہ۔اس طرح کے جرائم اور مجرم پاکستانی تاریخ میں جابجا ملیں گے۔۔نواز شریف کا مزید کہنا تھا کہ ایک خفیہ ادارےکےسربراہ کا پیغام پہنچا یا گیا کہ مستعفی ہوجاؤیا طویل رخصت پرچلےجاؤ ۔کاش آپ لیاقت علی خان،،ذوالفقاربھٹو کی روح سےپوچھ سکتےکہ آپکےساتھ کیا ہوا۔کاش آج آپ بینظیربھٹوکی روح کوطلب کرکے پوچھ سکتےکہ آپکےساتھ کیا ہوا؟۔ یہاں جتنے گواہان پیش ہوئے کسی نے گواہی نہیں دی کہ میں نے کوئی جرم کیا،آپ اورمجھ سمیت سب کو اللہ کی عدالت میں پیش ہوناہے،،نواز شریف کا عدالت کہنا تھا کہ ریفرنس کا فیصلہ آپ پر چھوڑ رہاہوں۔مجھے آئینی مدت کبھی پوری کرنے نہیں دی گئی، مجھے خطرناک مجرم قراردےکر جہاز کی سیٹ سے باندھ دیا گیا۔مجھے جلاوطن کردیا گیا،میری جائیددایں ضبط کر لی گئیں۔ملک واپس آیا تو ہوائی اڈے سے روانہ کر دیا گیا۔۔نواز شریف کا عدالت میں کہنا تھا کہ میں اس وقت حقیقیجمہوریت کی بات کر رہا ہوں۔داخلی اور خارجی پالیسیوں کی باگ دوڑ منتخب نمایندوں کے پاس ہی ہونی چاہئیے۔میں پاکستان کا بیٹا ہوں مجھےپاکستان کے ذرے ذرے سے پیار ہے۔میں کسی سے حب الوطنی کا سرٹیفکیٹ لینا اپنی توہین سمجھتاہوں۔۔نواز شریف کا عدالت میں  بیان دیتے ہوئے مزید کہنا تھا کہنا تھا کہ نا اہلی،پارٹی صدارت سے ہٹانےکے اسباب ومحرکات کوقوم اچھی طرح جانتی ہے۔

  • پی ٹی آئی کے اعلیٰ عہدے داروں کی پریم کہانی شروع ہو گئی

    اسلام آباد ( ورلڈفاسٹ نیوزفاریو ) تحریک انصاف کے کور گروپ کے اجلاس میں پارٹی کے دو سینئر ترین ارکان شاہ محمود قریشی اور جہانگیر ترین میں سخت جملوں کا تبادلہ ہوا ہے۔

    بنی گالا میں عمران خان کی زیرصدارت پی ٹی آئی کور گروپ کا اجلاس جاری تھا کہ اس دوران شاہ محمود قریشی نے الیکشن کمیشن کے فیصلے کے بعد رائے حسن نواز کی پارٹی میں اہلیت کو چیلنج کیا اور کہا کہ رائے حسن نواز نااہلی کے بعد پارٹی کاعہدہ اور اجلاسوں میں شرکت کے مجاز نہیں۔
    شاہ محمود قریشی کے اعتراض پر جہانگیر ترین نے اعتراض کرتے ہوئے کہا کہ شاہ صاحب آپ کا اشارہ میری طرف ہے، جس کے بعد تلخی بڑھی اور دونوں جانب سے سخت جملوں کا تبادلہ ہوا، سینئر ارکان میں جھڑپ پر عمران خان نے مداخلت کی اور انہوں نے رائے حسن نواز کو پارلیمانی بورڈ سے ہٹانے اور کسی بھی عہدے پر نہ رکھنے کا اعلان کیا تو تنازع ختم ہوگیا۔

    معاملا رفع دفع ہونے کے بعد اجلاس کی مزید کارروائی آگے بڑھائی گئی اور تنظیموں امور سمیت الیکشن میں امیدواروں کو پارٹی ٹکٹ دینے کے لیے حکمت عملی پر غور کیا گیا۔

  • امريکا نے 5 ايرانی اہلکاروں پر پابندی عائد کر دی

    امريکی( ورلڈفاسٹ نیوزفاریو ) حکومت نے شورش زدہ ملک يمن ميں شيعہ حوثی باغيوں کو ميزائل ٹيکنالوجی اور ميزائل فراہم کرنے کے شبے ميں پانچ ايرانی اہلکاروں پر پابندی عائد کر دی ہے۔ يہ اعلان امريکی محکمہ خزانہ نے  بروز منگل کيا۔ اس موقع پر وزير خزانہ نے کہا کہ مشتبہ ايرانی اہلکاروں کے اقدامات کے نتيجے ميں حوثی باغيوں نے سعودی سرزمين کی جانب ميزائل داغے۔ امريکا نے تنبيہ کی ہے کہ حوثی باغيوں کے ليے ايران کی حمايت برداشت نہيں کی جائے گی۔

     

  • موجودہ حکومت نے دہشت گردی ، عسکریت پسندی اور توانائی بحران کو حل کیا ، ملکی معیشت کو مستحکم کردیا, لیفٹیننٹ جنرل (ر) عبدالقیوم

    اسلام آباد ( ورلڈفاسٹ نیوزفاریو ) پاکستان مسلم لیگ (ن) کے رہنما سینیٹر لیفٹیننٹ جنرل (ر) عبدالقیوم نے کہا ہے کہ موجودہ حکومت نے دہشت گردی و عسکریت پسندی سمیت توانائی بحران کو حل کیا اور ملکی معیشت کو مستحکم کیا ہے۔ منگل کو ایک نجی ٹی وی چینل سے بات چیت کرتے ہوئے انہوں نے کہا کہ 2013ء میں جب پاکستان مسلم لیگ (ن) نے اقتدار سنبھالا تو ملک میں توانائی بحران سمیت دہشت گردی و انتہا پسندی عروج پر تھی جبکہ ملکی معیشت کا بھی کافی برا حال تھا لیکن ہماری قیادت نے اقتدار سنھالتے ہی نہ صرف ان تمام مسائل کے حل کے لیے مثبت و ٹھوس اقدامات اٹھائے بلکہ موثر و کارآمد پالیسیاں اپناتے ہوئے ان تمام چیلنجز کے حل کے لیے مناسب حکمت عملی ترتیب دی جس کی بدولت آج کا پاکستان 2013ء کے پاکستان سے کافی بہتر اور پرامن ہے جو ترقی بھی کر رہا ہے۔پی ٹی آئی کی 100 دنوں کی منصوبہ بندی پر تبصرہ کرتے ہوئے انہوں نے کہا کہ خیبرپختونخوا میں پی ٹی آئی کی 5 سالہ کارکردگی ان کی اس منصوبہ بندی کو واضح کرتی ہے کیونکہ وہاں انہوں نے عوام کی فلاح و بہبود کے لیے کچھ بھی نہیں کیا۔ سینیٹر عبدالقیوم کا کہنا تھا کہ پاکستانمسلم لیگ (ن) نے 2013ء کے انتخابات کے دوران عوام سے کیے گئے تمام وعدوں کو پورا کیا ہے اور یہ عوامی خدمت کا سفر آج بھی جاری رکھے ہوئے ہے۔

  • عام انتخابات 25 جولائی 2018 کو ہوں گے

    اسلام آباد( ورلڈفاسٹ نیوزفاریو )عام انتخابات 25 جولائی 2018 کو ہوں گے وزیراعظم شاہد خاقان عباسی نے انتخابات کے انعقاد کی سمری ارسال کر دی۔ صدر مملکت ممنون حسین سمری پر جلد دستخط کرینگے ۔ تفصیلات کے مطابق آئندہ عام انتخابات 25 جولائی 2018 کو ہوں گے جس کے لئے وزیراعظم شاہد خاقان عباسی نے انتخابات کے انعقاد کی سمری ارسال کر دی جس پر صدر مملکتسمری پر جلد دستخط کریں گے ۔ خیال رہے کہ الیکشن کمیشن نے صدر مملکت کو 25 تا 27 جولائی کی سمری ارسال کی تھی سمری منظوری کے بعد ایک ہفتے کے بعد الیکشن شیڈول کا اعلان کیا جائے گا ۔